నిరోధాల శ్రేణిసంధానం

ఒక నిరోధం లోని రెండవ టెర్మినల్ ను రెండవనిరోధం లోనిమొదటి టెర్మినల్ కు, రెండవ నిరోధం లోని రెండవ టెర్మినల్ ను మూడవ నిరోధం లోనిమొదటి టెర్మినల్ కు ...... ఈ విధంగా నిరోధాలను కలిపినట్లయితే ఆ సంధానాన్ని నిరోధాల శ్రేణి సంధానం అంటారు. ఇందులో ఫలిత నిరోధం విడివిడి నిరోధాల మొత్తానికి సమానంగా ఉంటుంది.

నిరోధాలను శ్రేణి సంధానం చేయుట.

ఫలిత నిరోధం=$R_{\mathrm {total} }=R_{1}+R_{2}+\cdots +R_{n}$

శ్రేణిసంధానంలో ఫలిత నిరోధం

${R_{1},R_{2},R_{3}}$ నిరోధాలను శ్రేణి సంధానం చేయునపుడు ఆ సంధానం చివరి టెర్మినల్ లను ఒక విద్యుత్ వలయానికి కలిపినపుడు వలయంలో విద్యుత్ ప్రవాహం${I}$ స్థిరంగా ఉంటుంది. కాని మూడు నిరోధాలు కూడా సామర్థ్య జనకం అయిన బ్యాటరీ యొక్క విద్యుచ్ఛాలక బలమును${V}$ని పంచుకుంటాయి. అనగా బ్యాటరీ యొక్క ధ్రువాల మధ్య పొటెన్షియల్ భేదం${V}$, ${R_{1}}$ నిరోధం రెండు చివరల మధ్య ${V_{1}}$ పొటెన్షియల్ భేదం, ${R_{2}}$ నిరోధం రెండు చివరల మధ్య ${V_{2}}$ పొటెన్షియల్ భేదం, ${R_{3}}$ నిరోధం రెండు చివరల మధ్య ${V_{3}}$ పొటెన్షియల్ భేదంగా విభజించబడుతుంది. అనగా

${V=V_{1}+V_{2}+V_{3}}$ అవుతుంది.

ఓం నియమం ప్రకారం
${V=IR}$
${V_{1}=IR_{1}}$
${V_{2}=IR_{2}}$
${V_{3}=IR_{3}}$ అవుతుంది
అందువలన ${IR=IR_{1}+IR_{2}+IR_{3}}$
${IR=I(R_{1}+R_{2}+R_{3})}$
${R=R_{1}+R_{2}+R_{3}}$

అందువలన నిరోధాలను శ్రేణి సంధానం చేయునపుడు ఫలిత నిరోధం విడివిడి నిరోధాల మొత్తానికి సమానంగా ఉంటుంది.

యివి కూడా చూడండి

• విద్యుత్తు
• ఓమ్ నియమం