నెచ్చెలి
నెచ్చెలి అమెరికా సంయుక్త రాష్ట్రాల నుండి వెలువడుతున్న తొలి తెలుగు అంతర్జాల వనితా మాసపత్రిక. ఎటువంటి లాభాపేక్ష లేని ఈ పత్రిక 2019 జూలై 10 న ప్రముఖ కవయిత్రి డా.కె.గీత గారిచే ప్రారంభించబడింది. ఇది ప్రతి నెలా 10వ తేదీన క్రమం తప్పకుండా అంతర్జాలంలో వెలువడుతుంది. ఈ పత్రిక అంతర్జాతీయ స్థాయిలో స్త్రీలకు సంబంధించిన సాహిత్యం, సంగీతం, ఇంటర్వ్యూలు, పరిశోధనలు మొ.న అనేక అంశాల్ని పరిచయం చేస్తుంది. ఇది తెలుగు, ఆంగ్ల భాషల్లో ప్రచురింపబడుతూ ఉంది. ఈ పత్రికకు వ్యవస్థాపకులు, సంపాదకులు డా.కె.గీత.
‘నెచ్చెలి’ లో-
మార్చు- ‘నెచ్చెలి’ లో-
- స్త్రీలకు సంబంధించిన రచనలు (పురుషులు రాసినవైనా)
- లబ్ద ప్రతిష్టులతో బాటూ, మంచి వ్యక్తీకరణ ఉన్న కొత్త రచయిత(త్రు)ల రచనలు
- ప్రపంచంలోని ఏ భాష నించైనా తెలుగు, ఇంగ్లీషులలో అనువాదాలు
- సాహిత్యంతో బాటూ స్త్రీల ఔన్నత్యానికి సంబంధించిన ఏ అంశాన్ని గురించైనా వివరించే రచనలకు సదా ఆహ్వానం!
ప్రచురణా విధానం
మార్చునెచ్చెలి పత్రిక సంపాదకులు పేర్కొన్నదాన్ని అనుసరించి పత్రిక ప్రచురణా విధానం కింది విధంగా ఉంటుంది:
- ప్రతి పేజీ నుంచీ నెచ్చెలిలో రచనలని పూర్తిగా తెలుగులో కూడా వెతక గలిగే సౌకర్యం.
- ప్రతి రచన గురించీ మీ అభిప్రాయం అదే పేజీలో తెలుగులో కూడా తెలియచేయగలిగే సౌకర్యం.
- ఏ రచయిత రచనలనైనా ఒకే పేజీలో చదవగలిగే సౌకర్యం.
- ప్రతీ రచనతో బాటూ అదే పేజీలో రచయిత (త్రి) పరిచయం, నెచ్చెలిలో వారి ఇతర రచనలు తెలుసుకోగలిగిన సౌకర్యం.
- శీర్షికల సూచిక, పాత సంచికల సూచిక, రచయితల సూచిక మొ.వి అదనాలు.
రచనలు
మార్చునెచ్చెలి పత్రికలో కథలు, కవితలు, వ్యాసాలు, పుస్తక సమీక్షలు, ఇతర ఆసక్తికరమైన రచనలతో బాటు ఆడియో& వీడియోలుగా కూడా రచనల్ని అందించడం నెచ్చెలి ప్రత్యేకత.
శీర్షికలు
మార్చునెచ్చెలిలో వచ్చే శీర్షికలు - సంపాదకీయం, కథలు, కవితలు, సమీక్షలు, అనువాదాలు, ధారావాహికలు/నవలలు, జీవితచరిత్రలు, ట్రావెలాగ్స్, ఈ-పుస్తకాలు, నారిసారించిన నవలవంటి ఎన్నో విమర్శనాత్మక వ్యాసాలు, ఇంటర్వ్యూలు, ఆడియో& వీడియోలు మొ.వి.