నోయిడా సూపర్టెక్ జంట టవర్లు
నోయిడా సూపర్టెక్ జంట టవర్లు, భారతదేశంలోని ఉత్తర ప్రదేశ్ లోగల నోయిడాలో ఉన్న అత్యంత ఎత్తైన నివాస భవనాలు. ఈ టవర్లు రియల్ ఎస్టేట్ కంపెనీ సూపర్టెక్ లిమిటెడ్, ఎమరాల్డ్ కోర్ట్ రెసిడెన్షియల్ కాంప్లెక్స్‌లో భాగంగా ఉన్నాయి. భారత సర్వోన్నత న్యాయస్థానం అలహాబాద్ హైకోర్టు 2021 ఆగస్టు 31న భవనాలను కూల్చివేయాలని ఆదేశించింది. తద్వారా ఇవి స్వచ్ఛందంగా కూల్చివేయబడ్డాయి. భారతదేశంలో స్వచ్ఛందంగా కూల్చివేయబడిన అత్యంత ఎత్తైన నిర్మాణాలు ఇవి.[1]
| సూపర్టెక్ జంట టవర్లు | |
|---|---|
| सुपरटेक ट्विन टावर्स | |
| సాధారణ సమాచారం | |
| స్థితి | పడగొట్డబడింది |
| ప్రదేశం | ఎమరాల్డ్ కోర్ట్, సెక్టార్-93A, నోయిడా, ఉత్తర ప్రదేశ్, భారతదేశం |
| నిర్మాణ ప్రారంభం | నవంబరు 2009 |
| పూర్తి చేయబడినది | N/A |
| Demolished | 28 ఆగస్టు 2022 |
| రూపకల్పన, నిర్మాణం | |
| అభివృద్ధికారకుడు | సూపర్టెక్ లిమిటెడ్ |
చరిత్ర
మార్చు2004 నవంబరు 23న, న్యూ ఓఖ్లా ఇండస్ట్రియల్ డెవలప్‌మెంట్ అథారిటీ (నోయిడా అథారిటీ) M/s సూపర్టెక్ లిమిటెడ్, సెక్టార్-93Aలో 48,263 చదరపు మీటర్ల (11.92 ఎకరాలు) స్థలాన్ని కేటాయించింది. నోయిడాలోని ఎమరాల్డ్ కోర్ట్ నివాస సముదాయానికి సంబంధించిన ప్రణాళిక 2005 జూన్లో ప్రారంభమైంది. నగరంలో NOIDA అథారిటీ సమర్పించిన ప్రణాళికల ప్రకారం 14 భవనాలు, 3, 4, 5 BHK ఫ్లాట్‌లు ఉన్నాయి.[2][3]
చట్టపరమైన కేసు
మార్చు2009లో నలుగురు నివాసితులు ఈ జంట టవర్లను నిర్మించడం ద్వారా బిల్డింగ్ బై-లాస్‌ను సూపర్టెక్ లిమిటెడ్ ఉల్లంఘించడంపై ఆందోళన వ్యక్తం చేయడంతో చట్టపరమైన వివాదం ప్రారంభమైంది. ఎమరాల్డ్ కోర్ట్ ఓనర్ రెసిడెంట్స్ వెల్ఫేర్ అసోసియేషన్ (ECO RWA) ప్రధాన బృందంలో ఉదయ్ భన్ సింగ్ టియోటియా (CRPF మాజీ DIG), SK శర్మ, రవి బజాజ్, MK జైన్ ఉన్నారు.
2012 మధ్యలో, ఎమరాల్డ్ కోర్టు నివాసితులు జంట టవర్లను కూల్చివేయాలని కోరుతూ అలహాబాద్ హైకోర్టులో కేసు వేశారు. 2014 ఏప్రిల్లో, హైకోర్టు నివాసితులకు అనుకూలంగా తీర్పునిచ్చింది. ఈ విషయం భారతదేశ అత్యున్నత న్యాయస్థానానికి చేరుకుంది, ఇది 2021 ఆగస్టు 31న అలహాబాద్ హైకోర్టు నిర్ణయాన్ని సమర్థించింది. టవర్ల నిర్మాణం భారతదేశ జాతీయ భవన నియమావళి, 2005 (NBC) ని ఉల్లంఘించింది.
ఆర్కిటెక్చర్, డిజైన్
మార్చునోయిడా సూపర్టెక్ ట్విన్ టవర్స్‌లో అపెక్స్, సెయాన్ టవర్స్ అనే రెండు భవనాలు ఉన్నాయి. ఒక్కొక్కటి 40 అంతస్తులు ఉన్నాయి. రెండు నిర్మాణాలు వేర్వేరు ఎత్తులను కలిగి ఉన్నాయి. అపెక్స్ 32 అంతస్తులను కలిగి, 103 మీటర్లు (338 అడుగులు) ఎత్తులో ఉండగా, సెయాన్ 29 అంతస్తులను కలిగి, 97 మీటర్లు (318 అడుగులు) ఎత్తు ఉంది. రెండు టవర్లు 915 ఫ్లాట్‌లు, 21 వాణిజ్య దుకాణాలు ఉన్నాయి.[4][5]
కాలక్రమం
మార్చు- 2004 నవంబరు: నోయిడా అథారిటీ అపార్ట్‌మెంట్ నిర్మాణం కోసం స్థలాన్ని కేటాయించింది.
- 2009 నవంబరు: బిల్డర్ సూపర్టెక్ లిమిటెడ్ ద్వారా నిర్మాణ పనులు ప్రారంభించబడ్డాయి.
- 2022 ఆగస్టు: జంట టవర్లు 2022 ఆగస్టు 28న మధ్యాహ్నం 2:30 గంటలకు (IST) కూల్చివేయబడ్డాయి.[6]
మూలాలు
మార్చు- ↑ "SC asks Supertech to refund money to Noida twin towers flat owners". The Indian Express (in ఇంగ్లీష్). Express News Service. 30 July 2014. Retrieved 28 August 2022.
- ↑ PA, Aneesa (27 August 2022). "The demolition of Noida's Supertech twin towers, explained: process, impact and concerns". The Indian Express (in ఇంగ్లీష్). Retrieved 28 August 2022.
- ↑ "India demolishes 100-metre-high 'twin towers' outside New Delhi". Aljazeera (in ఇంగ్లీష్). Retrieved 2022-08-28.
- ↑ Goswami, Dev. "Supertech-Noida Twin Tower demolition: All you need to know". India Today (in ఇంగ్లీష్). India Today Group. Retrieved 28 August 2022.
- ↑ Biswas, Sayantani (27 August 2022). "'Story of Noida twin towers': What led to demolition of Supertech buildings". mint (in ఇంగ్లీష్). Retrieved 28 August 2022.
- ↑ "How a group of senior-citizens led to India's biggest demolition". The Better India. 29 August 2022.