హెరాకిల్స్: కూర్పుల మధ్య తేడాలు

గ్రీకు పురాణం ప్రకారం హెరాకిల్స్ (లేదా హెర్క్యులెస్) సాహసాల్లో సాటిలేని వీరుడు. ఇతడు హెరాకిల్స్ దేవలోకానికి అధిపతి అయిన జూస్ కు, మానవ స్త్రీ అయిన అల్కమెనె కు జన్మించాడు. ఇతడు పన్నెండు అత్యంత కష్టతరమైన సాహసాలను ఛేదించిన ధీరుడు. గ్రీకు పురాణాల్లో హెరాకిల్స్ సాహసకృత్యాలు అతి ముఖ్యమైనవి.

 

హెరాకిల్స్ ను సవతి తల్లి అయిన హెరా ద్వేషిస్తుంది. హెరికిల్స్ ను చంపడానికి రెండు సర్పాలను పంపగా వాటిని తన బలంతో చంపేస్తాడు. ఆ విధంగా చిన్ననాటినుండి అత్యంత బలవంతుడిగా పెరుగుతాడు హెరాకిల్స్. యుక్త వయసులో మెగారా అనే యువతిని వివాహం చేసుకొని ఇద్దరు పిల్లలకు తండ్రి అవుతాడు హెరాకిల్స్. ఇది సహించలేక హెరా తన మాయతో హెరాకిల్స్ కు కోపం వచ్చేలా చేస్తుంది. ఆ కోపంలో హెరాకిల్స్ విచక్షణ కోల్పోయి తన భార్యా బిడ్డలను కిరాతకంగా చంపేస్తాడు.చేసిన పాపానికి పశ్చాత్తాపంతో హెరాకిల్స్ 'డెల్ఫీ' అనే గ్రామానికి వెళ్ళి అక్కడ 'అపోలో' అనే దైవాన్ని కలుస్తాడు. ఆర్గాస్ సామ్రాజ్యపు రాజైన యురిస్తియోస్ చెప్పినట్లుగా పన్నెండు సాహస కృత్యాలను చేస్తే చేసిన పాపాన్ని దేవుళ్ళు క్షమిస్తారని అపోలో చెబుతాడు. హెరాకిల్స్ ను ముందుగా 10 సాహసాలు చేయమంటాడు యురిస్తియోస్.