చాకొలెట్: కూర్పుల మధ్య తేడాలు

* కకోవా శాతం సుమారు 70 నుంచి 85 శాతం ఉండే డార్క్ చాక్లెట్‌లో ఎన్నో పోషకాలున్నాయి. ఎండిన కకోవా గింజలలో బహుఫీనాలుల వంటి "ఏంటీఆక్సిడెంట్లు", షాడబార్థాలు (flavonoids) దరిదాపు 8 శాతం వరకు ఉంటాయి. స్వతంత్ర ప్రతిపత్తితో అతి చురుగ్గా తిరుగాడే బణు సమూహాలు (free radicals) విశృంఖలంగా తిరుగుతూ ఉంటే అవి జీవకణాలకి హాని చేస్తాయి. ఏంటీఆక్సిడెంట్లు ఇటువంటి విశృంఖల రాసులని అదుపులో పెడతాయి. ఉష్ణమండలాలలో పెరిగే కాఫీ, టీ, కోకో (కకోవా), మొదలైన మొక్కలన్నీ ఇటువంటి ఏంటీఆక్సిడెంట్‌ లని తయారు చెయ్యడమనేది గమనించవలసిన విషయం. ఎందుకంటే సూర్యుడి నుండి వచ్చే తీక్షణమైన కిరణాల ధాటికి ఈ మొక్కలలోని జీవకణాలు కూడ విశృంఖల రాసులు తయారవుతాయి. వీటి నుండి రక్షించుకునే ప్రయత్నంలో మొక్కలు ఏంటీఆక్సిడెంట్‌ లని తయారు చేసుకుంటాయి. వాటిని మనం తస్కరించి ఉపయోగించుకుంటున్నామన్నమాట.

*100 గ్రా. చాక్లెట్ బార్‌లో 67శాతం ఐరన్, 58 శాతం మెగ్నీషియం, 89శాతం89 శాతం కాపర్, 98 శాతం మాంగనీసూ 11 గ్రా. పీచూ ఉంటాయి. పొటాషియం, ఫాస్ఫరస్, జింక్, సెలీనియంలూ, బి1, బి2, డి, ఇ విటమిన్లూ ఉంటాయి. అయితే వంద గ్రా. చాక్లెట్ రోజూ తీసుకోలేం. ఎందుకంటే దీన్నించి 600 క్యాలరీలూ వస్తాయి. అందువల్ల ఒక ఔన్సు అంటే 28.5 గ్రా. చాక్లెట్ బార్‌ని తినడం ఆరోగ్యానికి మంచిదేనన్నది నిపుణుల ఉవాచ. దీనివల్ల ఇతర స్వీట్లూ నూనె పదార్థాలను తినాలన్న కోరిక తగ్గుతుంది.