బీనాదేవి
బీనాదెవి అనేది కలంపేరు మాత్రమే. వ్రాసిన వారు ఇద్దరు. ఒకరు రచయిత్రి మరొకరు రచయిత. ఇద్దరూ భార్యా భర్తలు. భర్తగారు న్యాయమూర్తి, భార్య గృహిణి. కథల్లో ఎక్కువగా న్యాయమూర్తిగా చూసిన ఆయన చూసిన కేసులే ఎక్కువ ప్రేరణ. "బీనాదేవి" జంటలో భార్య గారి పేరు భాగవతుల త్రిపుర సుందరమ్మ (జ: 1935 ఫిబ్రవరి 11) భర్త పేరు భాగవతుల నరసింగరావు. ఆయన ఆగస్టు 25, 1924లో జన్మించాడు. న్యాయవాద వృత్తిలో స్థిరపడ్డాడు. భార్యభర్తా ఇద్దరూ కలిసి బీనాదేవి అనే కలం పేరుతో రచనలు చేసారు. వీరిపై రాచకొండ విశ్వనాథశాస్త్రి ప్రభావం ఎక్కువ.[1]వీరు 1965 నుండి రచనలు కొనసాగిస్తున్నారు. బీనాదేవి రచనల్లో ఎక్కువ ఉత్తరాంధ్ర పలుకుతుంటుంది.బీనాదేవి పేరు వినంగానే చప్పున స్పురించేవి 'పుణ్యభూమీ కళ్లు తెరు'. 'హేంగ్ మీ క్విక్'.బీనాదేవి కథల్లోని పాత్రల వస్తౌచిత్యం బాగుంటుందని ప్రతీతి.. వీరు వ్రాసిన "పుణ్యభూమీ కళ్లు తెరు", "హేంగ్ మీ క్విక్" వంటి రచనలల్లో రావి శాస్త్రి ప్రభావం కనపడుతూ ఉంటుంది. అందువల్లనే కాబోలు ప్రముఖ రచయిత కొడవటి కుటుంబరావు రావి శాస్త్రి రచనా వ్యక్తిత్వానికి బీనాదేవి కేవలం వారసత్వ ప్రతిరూపం అని అంటారు. 1972 లో వీరికి ఆంధ్రప్రదేశ్ సాహిత్య అకాడమీ పురస్కారం లభించింది. ఇంతవరకూ బీనాదేవి పేరిట వెలువడిన కథలు, నవలలు, వ్యాసాలూ లభ్యమైనంతవరకూ సేకరించి డా. ఎల్‌. నరేంద్రనాధ్‌ గారి ప్రత్యేక సహకారంతో మనసు ఫౌండేషన్‌ ఈ సర్వస్వాన్ని తెలుగు పాఠకులకి "బీనాదేవి సమగ్ర రచనలు" అనే పుస్తకం ద్వారా అందించారు.[2]
1990 లో భర్త భాగవతుల నరసింగరావు మరణం తర్వాత నుండి స్వయంగా కథలూ, వ్యాసాలూ రాస్తూ భాగవతుల త్రిపురసుందరమ్మ బీనాదేవి పేరుతోనే కథలూ-కబుర్లూ సంపుటిని వెలువరించారు.
రచనలు
మార్చుబీనాదేవి పేరుతో వచ్చిన రచనలు
మార్చు- ఫస్ట్ స్టోరీ ఫస్ట్ కేఫ్ 1960
- ఏ మేటరాఫ్ నో ఇంపార్టెన్స్ 1972
- రాధమ్మపెళ్లి ఆగిపోయింది
- డబ్బు డబ్బు డబ్బు 1975
- హరిశ్చంద్రమతి 1980
- బీనాదేవి సమగ్ర రచనలు
- ‘కథలు – కబుర్లు’ భర్త పోయిన తర్వాత భార్య ఒంటిగా ప్రకటించిన రచన.
మూలాలు
మార్చు- ↑ "బీనాదేవి". Archived from the original on 17 Jun 2019.
- ↑ బీనాదేవి సమగ్ర రచనలు(Beenadevi Samagra Rachanalu) By Beenadevi - తెలుగు పుస్తకాలు Telugu books - Kinige. Archived from the original on 2020-07-27. Retrieved 2020-07-27.