భారత ఆహార సంస్థ

భారత ఆహార సంస్థ (Food Corporation of India లేదా FCI) భారత కేంద్ర ప్రభుత్వం ఆధ్వర్యంలో నడుస్తున్న సంస్థ. దీని ప్రధాన కేంద్రం ఢిల్లీలో ఉంది. ప్రాంతీయ కార్యాలయాలు రాష్ట్ర రాజధానుల్లో ఉన్నాయి. కొన్ని ముఖ్యమైన ప్రాంతాల్లో జిల్లా కేంద్రాలు కూడా ఉన్నాయి. దీనికి ముఖ్య అధికారి ఛైర్మన్.

భారత ఆహార సంస్థ (Food Corporation of India)

దస్త్రం:Food Corporation of India.svg
రకం	ప్రభుత్వ సంస్థ
పరిశ్రమ	ప్రభుత్వ రంగ సంస్థ
స్థాపన	1965
స్థాపకుడు	భారత ప్రభుత్వం
ప్రధాన కార్యాలయం	ఢిల్లీ , భారతదేశం
Number of locations	అన్ని రాష్ట్రాలు, కేంద్రపాలిత ప్రాంతాలు
సేవ చేసే ప్రాంతము	భారతదేశమంతటా
కీలక వ్యక్తులు	డి. వి. ప్రసాద్, ఐ. ఎ. ఎస్ (ఛైర్మన్ & మేనేజింగ్ డైరెక్టర్)
ఉత్పత్తులు	ప్రధానంగా గోధుమలు, వరి
సేవలు	ప్రభుత్వ విధానాల అమలు, దేశానికి ఆహార భద్రత కల్పించడం
యజమాని	భారత ప్రభుత్వం
ఉద్యోగుల సంఖ్య	మంజూరయినవి:- 42038 ప్రస్తుత ఉద్యోగుల సంఖ్య:- 23221 (మార్చి 31 2017 నాటికి)
మాతృ సంస్థ	Department of Food and Public Distribution under Ministry of Consumer Affairs, Food and Public Distribution, Govt. of India
వెబ్‌సైట్	www.fci.gov.in
Footnotes / references It pays through IDA pattern not in CDA

చరిత్ర

ఈ సంస్థను ఫుడ్ కార్పొరేషన్ చట్టం ద్వారా 1964లో స్థాపించారు. దీని మొట్ట మొదటి ప్రధాన కార్యాలయం చెన్నై. తర్వాత ఇది ఢిల్లీకి మార్చబడింది. ప్రాంతీయ కార్యాలయాలు రాష్ట్ర రాజధానుల్లో ఉన్నాయి. కొన్ని ముఖ్యమైన ప్రాంతాల్లో జిల్లా కేంద్రాలు కూడా ఉన్నాయి.

లక్ష్యాలు

ఈ సంస్థ ప్రధాన లక్ష్యాలు.

• ఆహార ధాన్యాలు కొనడం, రవాణా చేయడం, భద్ర పరచడం, సరఫరా చేయడం, అమ్మడం
• ఆహార ధాన్యాల ఉత్పత్తిని పెంచడం
• ఆహార శుద్ధికి రైస్ మిల్లులు, పిండి మిల్లులు లాంటి వాటిని స్థాపించడానికి సహాయం చేయడం

రైతులకు మద్ధతు ధర అందించడం దీని లక్ష్యాల్లో ఒకటి. భారత ప్రభుత్వం నిర్వహించే మధ్యాహ్న భోజన పథకానికి భారత ఆహార సంస్థ ధాన్యం సరఫరా చేస్తుంది. ఇందుకు గాను కేంద్ర విద్యాశాఖ ఈ సంస్థకు పైకం చెల్లిస్తుంది.