భీమేశ్వర పురాణము

భీమఖండము అనే నామాంతరము కలిగిన భీమేశ్వర పురాణము ఒక తెలుగు ప్రబంధము. దీనిని 15వ శతాబ్దపు కవి శ్రీనాథుఁడు రచించెను. ఇది ద్రాక్షారామం లోని భీమశంకరుని స్థలపురాణ విశేషాలున్న గ్రంథం.

భీమఖండము అను భీమేశ్వర పురాణము
1901 ముద్రణ ప్రతి.
కృతికర్త:	శ్రీనాథుడు
దేశం:	భారతదేశం
భాష:	తెలుగు
ప్రక్రియ:	స్థలపురాణం
ప్రచురణ:	క్రొత్తపల్లి వేంకట పద్మనాభ శాస్త్రి, మద్రాసు
విడుదల:	1901, 1929
పేజీలు:	136

ఇది 1901 సంవత్సరంలో రెండవకూర్పు ముద్రించబడింది. పిదప 1929లో పునర్ముద్రణ పొందినది.

విషయసూచిక

ప్రథమాశ్వాసము

1. ఇష్టదేవతా ప్రార్థనము; 2. పురాతన కవీంద్రగుణకీర్తనము; 3. కుకవి నిరాకరణము; 4. ఉపోద్ఘాతము; 5. వేమభూపాలుని వంశావతారవర్ణనము; 6. కృతినాయక వంశావతారవర్ణనము; 7. షష్ఠ్యంతములు; 8. దక్షారామపురవర్ణనము; 9. కథాప్రారంభము

ద్వితీయాశ్వాసము

10. సూర్యాస్తమయవర్ణనము; 11. చంద్రోదయవర్ణనము; 12. సూర్యోదయవర్ణనము; 13. వ్యాసమహర్షి యాత్రకు వెడలుట; 14. పీఠికాపుర వర్ణనము; 15. కుమారారామ వర్ణనము; 16. సర్పపుర వర్ణనము; 17. అగస్త్యుఁడు వ్యాసమహర్షిఁ గాశిఁ బాసివచ్చుటకుఁ గారణం బడుగుట; 18. వ్యాసులు తాను గాశిఁబాసిన కారణంబుఁ జెప్పుట; 19. వ్యాసులు కాశిని శపింపఁబూనుట; 20. విశ్వనాథుఁడు పార్వతితోడ వ్యాసాదు లుండిన వేదికకడకు విజయము చేయుట; 21. శంభుండు వ్యాసుని శిష్యులతోడఁ గాశి వెడలిపొమ్మనుట

తృతీయాశ్వాసము

22. కలశభవుఁడు పారాశర్యునకు దక్షారామమహిమంబు చెప్పుట; 23. వ్యాసాదు లాకసంబుననుండి భీమమండలంబుఁ గనుఁగొనుట; 24. వ్యాసాదులు దక్షారామంబుఁ బ్రవేశించుట; 25. ఇంద్రుఁడు దేవతలకు శివలింగమాహత్మ్యంబుఁ జెప్పుట; 26. బ్రహ్మాదులు భీమేశ్వరు వర్ణించుట; 27. అగస్త్యుఁడు వ్యాసునకుఁ బంచతీర్థంబుల వివరించుట; 28. అగస్త్యవ్యాసులు భీమేశ్వరాలయంబుఁ బ్రవేశించుట; 29. వ్యాసుఁడు భీమేశ్వరార్చనంబు సలుపుట; 30. వ్యాసు లీశ్వరు నుతించుట

చతుర్థాశ్వాసము

31. అగస్త్యుఁడు తీర్థమాహాత్మ్యంబుఁ జెప్పుట; 32. క్షీరసాగరమథనకము ప్రారంభము; 33. శివుఁడు హాలాహలము మ్రింగుట; 34. దేవత లీశ్వరుని స్తుతించుట; 35. శివునియాజ్ఞను సురాసురులు విఘ్నేశునిఁ బూజించి పాల్కడలి తరియించి చంద్రాదులఁ బడయుట; 36. దేవాసురు లమృతమునకై పోరుటయు శ్రీమన్నారాయణుఁడు దేవారుల వంచించుటయు; 37. నారదోక్తి నసురు లీశ్వరునిఁ బూజించి వరంబులు వడసి లోకముల బాధించుట; 38. బ్రహ్మవిష్ణ్వాదులు శివునికడకేగి మొఱవెట్టుట; 39. ఈశ్వరుఁడు త్రిపురాసురుల నిర్జించుట; 40. తుల్యభాగ యుత్పత్తిక్రమము; 41. శ్రీభీమనాథేశ్వరుఁడు దనకుఁ దాన ప్రతిష్ఠితుండగుట

పంచమాశ్వాసము

42. సూర్యుండు కైలాసమున కరిగి శివుని దక్షారామమునకుఁ దోడితెచ్చుట; 43. మహాదేవుఁడు ప్రమథగణసమేతుఁడై దక్షారామమునకుఁ బోవుట; 44. శివుఁడు దక్షారామంబుఁ బ్రవేశించుట; 45. శ్రీకంఠుఁడు దక్షారామ భీమేశుతో నైక్యతం బొరయుట; 46. లక్ష్మ్యాదులు శ్రీభీమేశుని స్తుతించుట; 47. దివస్పతి బృహస్పతిని దానములఁగూర్చి యడుగుట; 48. భూదానమహిమ; 49. దివస్పతి శ్రీభీమేశ్వరునకు భీమమండలంబు సమర్పించుట; 50. వసంతర్తు వర్ణనము; 51. సప్తముని స్తోత్రము; 52. గౌరికి మహేశ్వరుండు భక్తివిజ్ఞానయోగంబుఁ జెప్పుట