మణిపురి (నృత్యం)

మణిపురి (నృత్యం) ఈశాన్య భారత దేశానికి చెందిన మణిపురి అనే ప్రాంతానికి చెందినది. ఇతర భారతీయ నృత్య రీతులకన్నా ఇది చాలా విభాగాల్లో విభిన్నమైనది. ఇందులో శరీరాన్ని నెమ్మదిగా కదిలిస్తూ క్రమంగా ఆ కదలికలు చేతుల నుంచి వేళ్ళ దాకా ప్రవహిస్తాయి. 18వ శతాబ్దంలో వైష్ణవ తత్వం ప్రాభల్యంతో ఇది వెలుగులోకి వచ్చింది. దీనికి మూలం ప్రాచీనమైన వైదిక నృత్యమే. విష్ణు పురాణం, భాగవత పురాణం, గీతా గోవిందం లనుంచి ఎక్కువగా రూపకాలను ప్రదర్శిస్తారు.

మణిపురి నృత్య ప్రదర్శన

ఈ నృత్య ప్రదర్శనలో వచ్చే సంగీతం మణిపురి సాంప్రదాయాన్ని ప్రతిబింబింప జేస్తుంది.

విశేషాలు

• నాట్యం చేసే స్థలాన్ని చాలా పవిత్రంగా భావించాలి. ఎక్కడంటే అక్కడ నర్తించడం కుదరదు.
• ఈ నృత్యాన్ని వినోదం కోసం కాక అత్యంత భక్తి శ్రద్ధలతో ప్రదర్శిస్తారు. చూసేవారికి కూడా భక్తి భావం కలగాలని దీని ముఖ్యోద్దేశం.
• కళాకారుల వస్త్రధారణలో ఎటువంటి అసభ్యతకూ తావులేకుండా జాగ్రత్త వహిస్తారు.
• నాట్యం చేసేటప్పుడు కళాకారులు ఇతర కళాకారుల వైపు కానీ ప్రేక్షకుల వైపు గానీ దృష్టి సారించరు. కళాకారులు బాహ్య ప్రపంచ మాయలను వదలి భగవంతుని శ్రద్ధ చూపుతారనడానికి ఇది నిదర్శనంగా భావిస్తారు,

ఇవీ చూడండి

• జాగోయ్
• మణిపురి జానపద నృత్యాలు