మదన్ థియేటర్స్
మదన్ థియేటర్ కంపెనీని మదన్ థియేటర్స్ లిమిటెడ్ అని కూడా పిలుస్తారు. దీనిని సంక్షిప్తంగా, మదన్ థియేటర్స్ అని పిలుస్తారు. ఇది భారతీయ సినిమా మార్గదర్శకులలో ఒకరైన జంషెడ్జీ ఫ్రాంజీ మదన్ చేత స్థాపించబడిన చలన చిత్ర నిర్మాణ సంస్థ.
చరిత్ర
మార్చుచిన్న వయస్సు నుండే నాటక రంగంలో అనుభవం ఉన్న మదన్ అనే యువ పార్సీ వ్యాపారవేత్త 1902 లో కలకత్తాలోని మైదాన్‌ ప్రాంతంలో ప్రారంభించిన సినిమాల ప్రదర్శనకు సంబంధించిన బయోస్కోప్ ప్రదర్శనలను ప్రారంభించడం ద్వారా వినోద వ్యాపారంలోకి అడుగుపెట్టాడు.
మొదటి ప్రపంచ యుద్ధం తరువాత, మదన్ థియేటర్ వ్యాపారం వేగంగా వృద్ధి చెందడం ప్రారంభించింది. 1919 లో, అతని వ్యాపారం మదన్ థియేటర్స్ లిమిటెడ్ పేరుతో ఉమ్మడి స్టాక్ కంపెనీగా మారింది. మదన్ థియేటర్స్, దాని సహచరులు ఆ రోజుల్లో భారతదేశంలోని థియేటర్ హౌస్‌లపై గొప్ప నియంత్రణను కలిగి ఉండేవారు.
జంషెడ్జీ ఫ్రాంజీ మదన్ మూడవ కుమారుడు జె. జె. మదన్ 1923 లో తన తండ్రి మరణం తరువాత మదన్ థియేటర్స్ మేనేజింగ్ డైరెక్టర్ అయ్యాడు. 1920 ల చివరలో మదన్ థియేటర్స్ గరిష్ట స్థాయికి చేరుకుంది. అపుడు ఇది 127 థియేటర్లను కలిగి ఉంది. దేశంలోని సగం బాక్సాఫీసుల్ని నియంత్రించింది. [1] మదన్ థియేటర్స్ 1937 వరకు అనేక పేరొందిన, మైలురాయిగా నిలిచిన చిత్రాలను నిర్మించింది.
చిత్రాల జాబితా
మార్చు- బిల్వామంగళ్ (1919), బెంగాలీ చలన చిత్రం, కార్న్‌వాలిస్ థియేటర్‌లో ప్రదర్శించబడింది (ప్రస్తుతం దీనిని శ్రీ సినిమా అని పిలుస్తారు).
- యుజెనియో డి లిగురో దర్శకత్వం వహించిన నాల దమయంతి (1920).
- ధృవ చరిత్ర (1921), యుజెనియో డి లిగురో దర్శకత్వం వహించాడు.
- రత్నవాలి (1922), కెమిల్లె లే గ్రాండ్ దర్శకత్వం వహించాడు.
- జార్జియో మన్నిని దర్శకత్వం వహించిన సావిత్రి సత్యవాన్ (1923).
- బిషాబ్రిక్ష (1922, 1928).
- దుర్గేష్ నందిని (1927), రాధారాణి (1930), రెండూ బంకీమ్ చంద్ర ఛటర్జీ రచనల ఆధారంగా.
- గిరిబాల (1929), రవీంద్రనాథ్ ఠాగూర్ రచన ఆధారంగా.
- టాకీగా బెంగాలీ లఘు చిత్రం జమై శాస్తి (1931) 11 ఏప్రిల్ 1931 న విడుదలైంది. [2]
- ఇంద్రసభ (1932), 72 పాటలతో కూడిన సంగీతం.
మూలాలు
మార్చు- ↑ p 520, The SAGE Handbook of Media Studies, John H Downing et al., SAGE, 2004, ISBN 0-7619-2169-9
- ↑ IMDB page on Jamai Sasthi