మహాత్మా గాంధి నేషనల్ ఫెలోషిప్

మహాత్మాగాంధి నేషనల్ ఫెలోషిప్ భారత కేంద్ర ప్రభుత్వ నైపుణ్యాభివృద్ధి మంత్రిత్వ శాఖ, ఐఐఎం వారు సంయుక్తంగా నిర్వహిస్తున్న ఒక పోస్ట్ గ్రాడ్యుయేట్ కార్యక్రమం.

మహాత్మా గాంధి నేషనల్ ఫెలోషిప్

స్థాపన	2020
రకం	విద్య, ఉపాధి
కార్యస్థానం	జాతీయ
సేవా ప్రాంతాలు	భారతదేశం
జాలగూడు	https://www.iimb.ac.in/mgnf

చరిత్ర

రోజుకో కొత్త రంగు పులుముకుంటున్న ప్రపంచంలో వివిధ విషయాలలో నైపుణ్యత కలిగిన వారు అవసరమని గ్రహించిన భారత కేంద్ర ప్రభుత్వం, కేంద్ర నైపుణ్యాభివృద్ధి శాఖ సహకారంతో దేశంలోని ప్రతి జిల్లాలో జిల్లా నైపుణ్యాభివృద్ధి కమిటీని బలోపేతం చేస్తూ దేశంలో నైపుణ్యాభివృద్ధి అలాగే సమారంభకత సూచీ అభివృద్ధి చేయాలని 2020లో ఈ కార్యక్రమానికి శ్రీకారం చుట్టడం జరిగింది.

ఈ కార్యక్రమాన్ని మొట్టమొదటి సారిగా 2020 లో ప్రారంభించారు. ఈ కార్యక్రమానికి మొదటి దఫాలో 69 మంది విద్యార్థులని తీసుకోవడం జరిగింది. ఆ తరువాత 2021 లో రెండవ దఫా ప్రారంభించడం జరిగింది, 2021 సంవత్సరానికి గాను 661 ఫెల్లోలను దేశంలోని వివిధ జిల్లాలకు పంపడం జరిగింది. తెలంగాణా, ఆంధ్రప్రదేశ్లోని ప్రతి జిల్లాలో ఒక ఫెల్లోని నియమించడం జరిగింది.

వివరాలు

ఈ కార్యక్రమంలో విద్యార్థులు/ఫెల్లోలు రెండు సంవత్సరాల పాటు వారికి కేటాయించిన ఐఐఎం లలో పౌర/బహిరంగ విధానం (పబ్లిక్ పాలసీ) విద్యనభ్యసిస్తూ వారు నియమింపబడ్డ జిల్లాలలో పనిచేస్తుంటారు. అయితే ఈ కార్యక్రమ శైలి ఇతర విద్యలతో పోలిస్తే పూర్తిగా భిన్నంగా ఉంటుంది, ఫెల్లోలు తమ తమ జిల్లాలలో ఉంటూ ప్రతి వంద రోజులకి ఒకసారి రెండు వారాల పాటు కళాశాలలో శిక్షణ పొందుతారు.

అర్హతలు

• ఈ ఫెలోషిప్ కి దరఖాస్తు చేసుకోవడానికి గ్రాడ్యుయేషన్ పూర్తి చేసి ఉండాలి.
• సామాజిక సేవకి సంబంధించిన అనుభవం కలిగి ఉండటం పరిగణించబడుతుంది.
• ఫెల్లోలు పని చేయాలనుకునే రాష్ట్రానికి చెందిన ప్రాంతీయ భాష వచ్చి ఉండాలి.