రచయిత్రి (1984 సినిమా)
రచయిత్రి 1984లో విడుదలైన తెలుగు సినిమా. భరణి పిక్చర్స్ బ్యానర్‌పై ఈ చిత్రానికి భానుమతీ రామకృష్ణ నిర్మించి దర్శకత్వం వహించింది. [1] భానుమతీ రామకృష్ణ ప్రధాన పాత్రలో నటించి, సంగీతాన్నందించింది. దీనికి కథ, స్క్రీన్‍ప్లే, సంభాషణలు, సంగీతం, కూర్పు, దర్శకత్వం – అన్నీ భానుమతి నిర్వహించింది. ఇది రచయిత్రుల రచనల వల్ల సమాజానికి ఉపయోగం కలగాలి అన్న ఉద్దేశ్యంతో తీసిన సినిమా ఇది.
| రచయిత్రి (1980 తెలుగు సినిమా) | |
 | |
|---|---|
| దర్శకత్వం | భానుమతీ రామకృష్ణ |
| తారాగణం | చక్రపాణి , రాజి |
| సంగీతం | భానుమతీ రామకృష్ణ |
| నిర్మాణ సంస్థ | భరణి పిక్చర్స్ |
| భాష | తెలుగు |
"తన చుట్టూ అలముకుని ఉన్న సామాజిక పరిస్థితుల పత్ల ప్రతిస్పంచించే రచయిత లేక రచయిత్రి ఆయా పరిస్థితులను తన రచనల్లో చిత్రిస్తూ, ఆ వ్యక్తులు ఎదుర్కొనే సమస్యలకు సముచితమైన పరిష్కారాలు సూచిస్తూ తను చేబట్టిన ఉదత్తమైన రచనా వ్యాసంగానికి న్యాయం చేకూర్చగలిగితే జీవితం ధన్యమయినట్టే" అనే సందేశాన్ని ఈ చిత్రంలో చెప్పబడింది.
సంక్షిప్త చిత్రకథ
మార్చుఈ చిత్రంలో భానుమతి ఒక రచయిత్రి. వాళ్ళ ఇంటి చుట్టుపక్కల వారి కథలు పనిమనిషి ద్వారా వింటూ, ఆ కథల్నే నవలలో రాస్తూ, పరిష్కారమార్గం సూచిస్తూ ఉంటుంది. ఇలా కథలో నాలుగు కథలు సమాంతరంగా నడుస్తాయి. కాలక్రమంలో, ఈ రచయిత్రి తన రచనల్లో సూచించిన పరిష్కారాలు చదివి, ఆయా కుటుంబాల వారు బాగుపడి, చివర్లో ఆమె వద్దకు వచ్చి, ధన్యవాదాలు తెలుపుకుంటారు .
తారాగణం
మార్చు- భానుమతి - రచయిత్రిగా
- శరత్ బాబు - దేవి ప్రియుడు
- చక్రపాణి - దేవి భర్తగా
- రాజీ - దేవిగా
- అల్లురామలింగయ్య
- అత్తిలి లక్ష్మి
- ఝాన్సీ
సాంకేతిక వర్గం
మార్చు- మాటలు:డి.వి.నరసరాజు
- పాటలు: వేటూరి సుందరరామమూర్తి, గోపి, వడ్డేపల్లి కృష్ణ
- ఛాయాగ్రహణం: చంద్రమోహన్
- కథ ,స్క్రీన్‍ప్లే, సంభాషణలు, సంగీతం, కూర్పు, దర్శకత్వం: భానుమతి రామకృష్ణ
పాటల జాబితా
మార్చు1.తీయనికల మేఘాలలోన తేలిపోయాను, రచన:మైలవరపు గోపి, గానం.శ్రీపతి పండితారాధ్యుల బాలసుబ్రహ్మణ్యం, శిష్ట్లా జానకి
2.నీవేలేని ఈ జీవితమే కలయై కరిగేనులే, రచన: గోపీ, గానం.ఎస్ పి బాలసుబ్రహ్మణ్యం
3.విన్నపాలు వినవలె వింతవింతలు, రచన:అన్నమాచార్య కీర్తన, గానం.పాలువాయీ భానుమతి
4.సన్నజాజి తీవెలోయీ సంపంగి పూవులోయీ , రచన: మల్లాది, గానం.పి.భానుమతి
5 . మంచు జల్లు పడి మెరిసే మల్లికవే , రచన: వేటూరి సుందరరామమూర్తి, గానం.ఎస్ పి బాలసుబ్రహ్మణ్యం.
మూలాలు
మార్చు- ↑ "Rachayithri (1984)". Indiancine.ma. Retrieved 2020-08-31.
. 2.ghantasala galaamrutamu ,kolluri bhaskararao blog.