వైట్ సాండ్స్ మానవ పాదముద్రల శిలాజాలు
అమెరికా, న్యూ మెక్సికో రాష్ట్రం లోని వైట్ సాండ్స్ నేషనల్ పార్క్‌లో కనబడిన పురాతన మానవ పాదముద్రలు. వీటిని 2009లో కనుగొన్నారు. అవి 21,000 - 23,000 సంవత్సరాల క్రితం నాటివని అవక్షేప పొరలలో లభించిన విత్తనాలను 2021 లో కార్బన్ డేటింగు చేసినపుడు తేలింది. ఇవి, అమెరికాలో మానవుల ఉనికికి అత్యంత పురాతన ఆధారాలుగా మారాయి.[1][2] తూలారోసా బేసిన్‌ లోని మంచు యుగం నాటి సరస్సు ఒడ్డున 61 పాదముద్రలు లభించాయి.[3]
అయితే, విత్తనాల కార్బన్ డేటింగ్ పద్ధతిలో కాలనిర్ణయం చెయ్యడంపై 2022 లో కొందరు సందేహాలు వ్యక్తం చేసారు. రుప్పియా సిర్రోసా అనే ఈ విత్తనాలకు సంబంధించిన మొక్కలు భూగర్భజలాల నుండి కూడా కార్బన్‌ను తీసుకుంటాయి. అందువలన రేడియో కార్బన్ డేటింగు పద్ధతిలో చేసే కాల నిర్ణయం కొన్ని వేల సంవత్సరాలు ఎక్కువ చూపించే అవకాశం ఉందని వారు వాదించారు.[4] మళ్ళీ 2023 లో పుప్పొడిపై రేడియోకార్బన్ డేటింగు, పాదముద్రల పొరలలోని క్వార్ట్జ్ గ్రెయిన్లను ఆప్టికల్లీ స్టిమ్యులేటెడ్ లుమినిసెన్స్ డేటింగ్‌ను చేసాక, విత్తనాల ద్వారా లెక్కించిన తేదీలు సరైనవేనని శాస్త్రవేత్తలు ధృవీకరించారు.[4]
మూలాలు
మార్చు- ↑ Zimmer, Carl (September 23, 2021). "Ancient Footprints Push Back Date of Human Arrival in the Americas". The New York Times. ISSN 0362-4331. Retrieved April 8, 2022.
- ↑ Gershon, Livia (September 24, 2021). "Prehistoric Footprints Push Back Timeline of Humans' Arrival in North America". Smithsonian Magazine. Retrieved April 8, 2022.
- ↑ "The discovery of ancient human footprints in White Sands National Park and their link to abrupt climate change". United States Geological Survey. Earth Science Matters Newsletter. Retrieved 23 April 2022.
- ↑ 4.0 4.1 Johnson, Carolyn (October 5, 2023). "Ancient footprints upend timeline of humans' arrival in North America". The Washington Post. Retrieved October 6, 2023.