శిరీవరమంగై
ఈ వ్యాసాన్ని ఏ మూలాల నుండి సేకరించిన సమాచారాన్ని ఆధారంగా చేసుకొని వ్రాసారో తెలపలేదు. సరయిన మూలాలను చేర్చి వ్యాసాన్ని మెరుగు పరచండి. ఈ విషయమై చర్చించేందుకు చర్చా పేజీని చూడండి. |
శిరీవరమంగై భారత దేశంలోని ప్రసిద్ధ వైష్ణవ దివ్యక్షేత్రం.
| శిరీవరమంగై | |
|---|---|
 | |
  శిరీవరమంగై Location in Tamil Nadu | |
| భౌగోళికాంశాలు : | Coordinates: Unknown argument format |
| ప్రదేశం | |
| దేశం: | భారత దేశము |
| ఆలయ వివరాలు | |
| ప్రధాన దైవం: | వానమామలై పెరుమాళ్, తెయ్‌వనాయకన్ (దేవనాయకన్) |
| ప్రధాన దేవత: | శిరీవరమజ్గై తాయార్ |
| దిశ, స్థానం: | తూర్పు ముఖము |
| పుష్కరిణి: | శేత్తుత్తామరై పుష్కరిణి, ఇంద్రపుష్కరిణి |
| విమానం: | నంద వర్ధన విమానము |
| కవులు: | నమ్మాళ్వార్ |
| ప్రత్యక్షం: | భృగు, రోమశ, మార్కండేయ మహర్షులకు, బ్రహ్మకు |
విశేషాలు మార్చు
తిరుచిరీవరమంగై (వానమామలై) నాంగునేరి. 15 కి. మీ. తోటాద్రినాథన్ (శిరీవరమంగై)
శ్రీ వైష్ణవ సాంప్రదాయానికి అందునా ముఖ్యముగ తెంకలయి సంప్రయదాయానికి ప్రధానమయిన క్షేత్రము. ఇక్కడుండే వానమామలై మఠం విశ్వవిఖ్యాతమయినది. భగవానుడు స్వయముగా వెలిసిన ఎనిమిది క్షేత్రములలో ఇది ఒకటి.
స్థల పురాణము: ఈ క్షేత్రము లో విష్ణుమూర్తి బ్రహ్మను , ఇంద్రుడును , బ్రిగు మహర్షిని , మర్కెండేయుడు ని అనుగ్రహించెను. ఊర్వశి-తిలోత్తమ ఈ క్షేత్రము లో పెరుమాళ్ ని సేవించుకొన్నారు అందుకే వారి విగ్రహము లు గర్భ గుడి లో స్వామికి వింజామర సేవతో ఉన్నారు. బ్రిగు మహర్షి, మార్ఖెండేయ మహర్షి. సూర్య చంద్ర,. విశ్వక్షేనుడు విగ్రహములు కూడా కొలువై ఉన్నాయి.
ఈ క్షేత్రము లో నాలుగు పెద్దవైన సరస్సులు ఉండేవని ఈ క్షేత్రానికి నాంగునేరి అని పేరు. ప్రస్తుతం ఒక్క సరస్సు మాత్రమే ఉన్నది. ఈ స్థలం స్వయంబూ క్షేత్రములలో ఒకటి. అనగా పెరుమాళ్ స్వయము గా వెలసిన క్షేత్రము. మిగతా క్షేత్రములు బదరి, ముక్తినాథ్, నైమిశారణ్యం, పుష్కరం, తిరువెంగడం (తిరుమల), శ్రీముష్ణం, తిరువరంగం.(శ్రీ రంగం). సాధారణముగా శ్రీదేవి భూదేవిలతో కలిసి ఉండటం కద్దు. గాని ఈ క్షేత్రములో స్వామి శ్రీదేవి, భూదేవిరాలతో పాటు నీలాదేవి కూడా ఉంటారు.అమ్మవార్లకు ప్రాధాన్యత కల్గిన క్షేత్రములు మూడు. అవి నాచ్చియార్ కోవిల్, ఉఱైయూర్ ఇది శిరివరమంగై. ఈ మూడు క్షేత్రములు అమ్మవారి పేరు మీదనే పిలవబడుతున్నాయి. ఒక పర్యాయము శ్రీమన్నారాయణుడు యోగ నిద్ర చాలించి సృష్టి చేయడము ప్రారంభించాడు. ఆయన నాభీ కమలము నుండి వెలువడిన పద్మములో చతుర్ముఖుడు ఆవిర్భించాడు. శ్రీహరి ఆయనికి వేదాలు ప్రసాదించి సృష్టి కార్యాన్నికొనసాగించమన్నాడు. ఇలా ఉండగా చతుర్ముఖుడు ఏమరపాటుగా ఉన్న సమయము చూసి మధుకైటభులనే రాక్షషులు ఆ వేదాలను అపహరించికొనిపోయారు. అలా అపహరించడమువలన బ్రహ్మ గుడ్డివానిలా మారిపోయాడు. వేదాలను తిరిగి ప్రసాదించమని శ్రీ మహావిష్ణువుని వేడుకొన్నాడు. స్వామి ప్రసన్నుడై మధుకైటభులను సంహరించి వేదాలను తిరిగి బ్రహ్మకు ఇచ్చారు. మధుకైటభులు మరణించి భూమి మీద పడుటవలన భూదేవి కలుషితమయినది. ఆ కాలుష్యమునుండి కాపాడమని శ్రీహరిని ప్రార్దించింది. వాసుదేవుడు ఆమె ప్రార్ధనని మన్నించి శ్రీ దేవి సమేతుడై వానమామలయి క్షేత్రములో నిత్యనివాసము ఏర్పరుచుకున్నాడు. ఇలా స్వామి స్వయముగా అవతరించిన క్షేత్రమిది. కాలక్రమేణ ఈ సన్నిధి మరుగున పడిపోతే తిరిగి కార్య మహారాజు పునఃరుద్దించారు. కార్య మహారాజునకు పుత్రసంతానము లేనందున తిరుక్కురుంగుడి నంబిని ప్రార్ధించగా తోటాద్రి పెరుమాళ్ భూమిలో ఉన్నారు ఆయనని పునరిద్దించి పూజ చేసిన పుత్రులు కలుగురని చెప్పిన ఇచట త్రవించి తీసినపుడు పెరుమాళ్ తలకి గాయమయి రక్తము వచ్చుచుండ రాజు విచారించుచుండ పెరుమాళ్ నూని అభిషేకము ప్రతి దినము చేయమని ఆనతిచ్చిరట. అలా పునఃరుధించినప్పుడు స్వామి శరీరానికి అలసట కలిగినదట. ఆ కారణమువలన వీరికి ప్రతినిత్యము వీరికి తైలముతో అభిషేకము జరుగుతుంది. పంచామృతము తైలము అభిషేకము తరువాత ఒక పెద్ద బావి లోనికి చేరుతుంది. పంచామృతములు కలసిన నూని పాడవుదట.
విశేషము: మూలవిరాట్టు కు ప్రతి దినము తైలాభిషేకం (తిరుమంజనము) జరుగును. తైలాభిషేకము 6 పడిస్ (పడి = 1.5 Kg) నువ్వుల నూని + చందనం నూని. తైలాభిషేకము అయిన పిమ్మట ఈ నూని ని ఇక్కడ గల బావి లో పోసెదరు. ఈ నూనిని తీర్థము గా సేవించవలెను. ఈ నూని విశేషమైన ఔషధ గుణములతో ఉన్నది. అందువలన ఈ నూని ఔషధము లాగ వాడినచో సర్వ రోగములు నివారించబడునని నమ్మకము.
శ్రీ వైష్ణవ సంప్రదాయములో శ్రీ మద్రామనుజుల తరువాత వీరి అపరావతారముగా కీర్తించబడిన మణవాళమహమునులు అనే ఆచార్యులు వీరు ఒక పీఠం స్థాపించారు. ఆ పీఠాధిపతి జీయార్ వానమామలై జీయర్ గా ప్రసిద్ధి చెందారు. ఈ మణవాళ మహామునులు 13వ శతాబ్ది లో ధరించిన ఉంగరము ఈ జీయర్ మఠం లో ఇప్పటికినీ ఉన్నది. తుల మాసములో అంటే నవంబర్ నెలలో వచ్చే మూల నక్షత్రము నాడు శ్రీ మణవాల మహామునులు అవతరించారు. ఆ రోజు వానమామలై జీయర్ ఆ ఉంగరాన్ని ధరించి భక్తులకు తీర్థమును ఇస్తారు. సాధరణంగా వైష్ణవ ఆలయాలలో నమ్మాళ్వార్‌లకు ప్రత్యేకముగా ఆలయము ఉంటుంది కానీ ఇక్కడ ప్రత్యేక ఆలయమే కాదు ఉత్సవ విగ్రహము కూడా లేదు. శ్రీ స్వామి వారి పాదుకలతోనే నమ్మాళ్వార్ల విగ్రహము దర్శనమిస్తుంది. అంటే నమ్మాళ్వార్ భగవంతునికి పాదుకా స్థానీయులన్నమాట. వారి పేరు మీదనే శ్రీహరి పాదుకులకు శఠారి అని పేరు వచ్చింది.
ఈ క్షేత్రము లో శఠారిపై నమ్మాళ్వార్ ప్రతిమ ఉండును. అందుకే ఆయనని శటగోపన్ అని అందురు. ఇచ్చట శఠారి పై నమ్మాళ్వార్ ప్రతిమ ఉన్న శఠారి తోనే భక్తులను దీవించెదరు. ఇంకే క్షేత్రము లోనూ శఠారి పై నమ్మాళ్వార్ ల ప్రతిమ లేదు.
సాధారణముగా స్వామి శ్రీ దేవి భూదేవిలతో కలసి ఉండటము కద్దు కానీ ఈ క్షేత్రములో శ్రీ,భూదేవేరులతో పాటు నీలా దేవి కూడా ఉంటారు. గరుడాళ్వార్ ఉత్సవ విగ్రహము మనోహరముగా నుండును. చూడవలెను.
శ్రీ వైష్ణవ 108 దివ్య క్షేత్రములలో అమ్మ వారి ప్రాధాన్యత గల క్షేత్రములు మూడు. 1. నాచ్చియార్ కోయిల్ (మణి మాడ కోయిల్) 2. ఉఱైయూర్ (తిరుక్కొళి) 3. సిరీవరమంగై. ఈ మూడు క్షేత్రములు అమ్మవారి పేరుమీద నే పిలువబడుతాయి. ఇచ్చట విశ్వరూప దర్శనం మొదట మణవాల మాముని వారిది జరుగును తరువాత మూలవర్ విశ్వరూప దర్శనము. ఇచ్చట విశ్వరూప దర్శనము కొరకు ఆవు, ఏనుగును తెచ్చే ఆచారము లేదు. హారతియే ఇచ్చుదురు.
మూలవిరాట్ట్: తోటాద్రి నాథన్ భూదేవి శ్రీదేవి సమేతము. తిరుక్కోలము: వీట్రిరుంధ క్కోలము (కూర్చున్న సేవ) ఆదిశేషుడు తో తిరుముగము: తూర్పు.
ఉత్సవర్ : దేవ నాయగ పెరుమాళ్. తేయ్ వనాయకన్ (వానమామలై పెరుమాళ్)
తాయార్: సిరీవరమంగై నాచ్చియార్
పుష్కరిణి: ఇంద్ర పుష్కరిణి సేత్తు తామరై పుష్కరణి
విమానం: నందివర్ధన విమానం
ప్రత్యక్షము: బ్రహ్మ, బృఘు, గరుత్మంతుడు, రోమాశ, మర్కెండేయ మహర్షులకు.
ఆళ్వార్ మంగళాశాసనం: నమ్మాళ్వార్: 3183-3193 (11) తి. మొ. 5-7-6,10. నాలాయిర దివ్య ప్రభందం పాశురముల పట్టిక ప్రకారం
సాహిత్యం మార్చు
శ్లో|| తోతాద్రౌ వర పంకసార స్సంశోభి తేంద్రాబ్జినీ
రమ్యే నందన వర్ధనం సముపయన్ వైమాన మైంద్రాసనః |
దేవ్యా శ్రీ వరమజ్గనామ యుతయా తోతాద్రినాథః కు, మా
నీళా, సేనప తార్ష్య చామర ధరా సూర్యేందుభీ రాజతే ||
శ్లో|| భృగు రోమశ మౌనిభ్యాం మార్కండేయ మహర్షిణా |
బ్రహ్మణాపిచ దృష్టాంగ శ్శఠారాతి మునిస్తుతః ||
శ్లో. వరమంగే శుభోత్తుంగే వర పంకేరు హేక్షణే|
పదపంకేరుహే నిత్యం తవ భృజ్గం కురుష్వమామ్‌||
మాత శ్శ్రీవరమంగే మధురిపు వాంచిత మనోహరా పాంగే|
మంగళవదన శశాంకే మామవ విద్యుల్లతా సమానాంగే||
వన్దేహం వనమాలినం సరసిజా సర్వం సహా సేవితం
చంచచ్చామర కన్యకా భృగుయుతం చక్రాది భూషానిత్వమ్‌|
మార్కండేయ మునీన్ద్ర వన్దిత వియత్ క్ష్మాభృన్నివాస ప్రియం
సేనాధీశ దినేశ చంద్ర విహగాధీశై స్సదా సేవితమ్‌||
నౌమి శ్రీసురరాజ మమ్బుజదృశం పద్మా మహీ సేవితం|
గోదాలోచన కోమలోత్పల విధుం శ్రీదాంఘ్రి పజ్కేరుహమ్‌|
వానక్ష్మాధర నిత్యవాస రసికం దీనావనే దీక్షితం
మత్రా శ్రీవరమంగయా విలసితం సార్దం శఠద్వేషిణా||
పాశురాలు మార్చు
పా. ఏనమాయ్ నిలజ్గీణ్డ వెన్నప్పనే కణ్ణా; యెన్ఱుమెన్నై యాళుడై;
వాననాయకనే;! మణిమాణిక్క చ్చుడరే;
తేనమామ్బొழிల్; శిరీపరమజ్గలత్తవర్ కై తొழுవుఱై;
వానమామలైయే; యడియేన్ తొழுవన్దరుళే||
పా. ఆఱెనక్కు నిన్బాతమే; శరణాక త్తన్దొழிన్దాయ్; ఉనక్కోర్‌కై
మ్మాఱు ననొన్ఱిలే; నెనతావియు మునతే
శేఱుకొళ్ కరుమ్బు మ్బెరు--న్నలు; మలితణ్‌శిరీవరమజ్గై;
నాఱు పూన్దణ్డుழாయ్ ముడియాయ్; తెయ్‌వ నాయకనే||
నమ్మాళ్వార్-తిరువాయిమొழி 5-7-6,10
వివరాలు మార్చు
| ప్రధాన దైవం పేరు | ప్రధాన దేవి పేరు | తీర్థం | ముఖద్వారా దిశ | భంగిమ | కీర్తించిన వారు | విమానం | ప్రత్యక్షం |
|---|---|---|---|---|---|---|---|
| వానమామలై పెరుమాళ్, తెయ్‌వనాయకన్ (దేవనాయకన్) | శిరీవరమజ్గై తాయార్ | శేత్తుత్తామరై పుష్కరిణి, ఇంద్రపుష్కరిణి | తూర్పు ముఖము | కూర్చున్న భంగిమ | నంద వర్ధన విమానము | భృగు, రోమశ, మార్కండేయ మహర్షులకు, బ్రహ్మకు | నమ్మాళ్వార్ |
- ఆలయంలో స్వామి శ్రీదేవి, భూదేవి, నీళాదేవి, సేన ముదలియార్ (విష్వక్సేనులు) పెరియ తిరువడి (గరుత్మాన్) చామరములు ధరించిన కన్యలు, సూర్యుడు, చంద్రుడుల మద్య పర్యవేష్టితుడై ఉన్నాడు.
ఉత్సవాలు మార్చు
మీన మాసం ఉత్తర తీర్థోత్సవముగా బ్రహ్మోత్సవము జరుగును. ఇచటగల తేనమాంపొழிల్ (తేనెచే సమృద్దమైన మామిడి తోటలు గలది) అను పెరుమాళ్ల ఉద్యానవనము, స్వర్ణగోరథము సేవింపదగినవి.
చేరే మార్గం మార్చు
తిరునల్వేలి నుండి తిరుక్కురుజ్గుడి మార్గములో నాంగునేరిలో దిగవలెను. తిరునెల్వేలి నుండి 30 కి.మీ. ఇచట సర్వసౌకర్యములు ఉన్నాయి.
సూచన మార్చు
ఈ క్షేత్రమును "నాంగునేరి"అని చెప్పవలెను. లేనిచో ఎవరికినీ తెలియదు. ఈక్షేత్రస్వామి విషయమై కొన్ని శ్లోకములు