శ్రీ సూర్యరాయ శతకము

23 పేజీలలో 100 పద్యములు కల శ్రీ సూర్యరాయ శతకము దేవగుప్తాపు భరద్వాజము చేత రచింపబడి 1916లో చెన్నపురి ఆంధ్రపత్రికాలయములో ముద్రింపబడింది. పిఠాపురం మహారాజా రావు సూర్యారావు దాతృత్వాన్ని వర్ణించి, కొన్ని నీతులు బోధింపబడిన ఈ శతకములో "సూర్యనృపా" అనే మకుటం కలదు. ఇది కాక కవి "సూర్యరాయ విబుధవిదేయా!" "సూర్యరాయ సజ్జనగేయా!" "సూర్యరూప! చిత్తజరూపా!" అని కూడా సంబోధించాడు. అపాత్రదానము పనికి రాదని, ప్రభువెన్నడు తనకున్నదంతయు వెచ్చింపరాదని, వెనుక ముందు చూచి ఇవ్వవలెనని కవి ఈ శతకము ద్వారా ప్రభువుకు హితబోధ చేశాడు.

శ్రీ సూర్యరాయ శతకము
కవి పేరు	దేవగుప్తాపు భరద్వాజము
మొదటి ప్రచురణ తేదీ	1916
దేశం	భారతదేశం
భాష	తెలుగు
మకుటం	సూర్యనృపా!
విషయము(లు)	నీతిబోధ
పద్యం/గద్యం	పద్యం
ఛందస్సు	కందపద్యాలు
ప్రచురణ తేదీ	1916
మొత్తం పద్యముల సంఖ్య	100
మొత్తం పుటలు	23
అంకితం	రావు సూర్యారావు
ముద్రాపకుని పేరు	కాశీనాథుని నాగేశ్వరరావు పంతులు
ముద్రణా శాల	ఆంధ్రపత్రిక కార్యాలయము, చెన్నపురి

కం. పండితున కొక్కడబ్బిడఁ

గొండగు, మఱి వేనవేలు కొండీండ్రకిడన్

బెండగు పాత్రాపాత్రల్

ఖండితముగ నెంచి చూడ ఘనసూర్యనృపా!