హరిప్రసాద్ చౌరాసియా
పండిత్ హరిప్రసాద్ చౌరాసియా అంతర్జాతీయ గుర్తింపు కలిగిన గొప్ప వేణుగాన విద్వాంసుడు. అతని సంగీతము వీనులవిందైనదే కాక, కొన్ని ప్రత్యేక శైలి మాంద్యములలో గొప్పది. హిందుస్థాన్ సాంప్రదాయ వాయిద్యాలలో నేర్పరి. హరిప్రసాద్ చౌరాసియా( జూలై 1,1938) అలహాబాదులో జన్మించాడు. అతని తండ్రి మల్లయోధుడు. హరిప్రసాద్ చౌరాసియా నాలుగవ యేటనే అతని తల్లి మరణించింది. తండ్రి భయంతో కొన్ని రోజులు వ్యాయామ శాలకు వెళ్ళినా, రహస్యంగా సంగీతం నేర్చుకొని, మిత్రుడి ఇంటిలో సాధన చేసేవాడు. హరిప్రసాద్ తన 15 యేట, పొరుగు వాడైన పండిట్ రాజారాం వద్ద గాత్రసంగీతం నేర్చుకొనడం ప్రారంభించాడు. తరువాత వారణాసికి చెందిన పండిట్ భోలానాథ్ పర్యవేక్షణలో వేణువు వాయించడం నేర్చుకొన్నాడు. చాలా కాలం తరువాత, ఆల్ ఇండియా రేడియోలో కచేరీలు ఇస్తున్నప్పుడు , ఆయనకు బాబా అల్లావుద్దీన్ ఖాన్ కూతురు అన్నపూర్ణాదేవి నుండి కొంత శిక్షణ లభించింది. ఆయన తన ప్రతిభానైపుణ్యంతో వేణుగాయనంలో శాస్త్రీయపద్ధతులనూ, ఆధునిక పోకడలనూ అవలంబించాడు. సంతూర్ వాద్యసంగీతకారుడు పండిట్ శివకుమార్ శర్మతో కలిసి ఆయన ఎన్నో కచేరీలు చేశాడు. వారి జుగల్‌బందీ శివ-హరి గా ప్రసిద్ధినొందినది. ఆయన పాశ్చాత్య సంగీత కళాకారులు ,John McLaughlin, Jan Garbarek, Yehudi Menuhin, Jean Pierre Raamphal వంటి వారలతో కలిసి కచేరీలు ఇచ్చాడు. ఆయన గాత్రసంగీతకారిణి, అనూరాధను వివాహం చేసుకొన్నాడు.
| హరిప్రసాద్ చౌరాసియా | |
|---|---|
 | |
| వ్యక్తిగత సమాచారం | |
| జననం | 1938 జూలై 1 |
| ప్రాంతము | అలహాబాదు, ఇండియా |
| సంగీత రీతి | హిందుస్తానీ సంగీతము |
| వృత్తి | సంగీతకారుడు, వేణు విద్వాంసుడు |
| వాయిద్యం | వేణువు |
| Website | www.hariprasadchaurasia.com |
| చెప్పుకోదగిన వాయుద్యాలు | |
| వెదురు పిల్లనగ్రోవి (బాఁసురీ) | |
అవార్డులుసవరించు
- సంగీత నాటక అకాడమీ (1984) అవార్డు.
- కోణార్క్ సమ్మాన్ (1992)
- పద్మ భూషణ్ (1992)
- పద్మ విభూషణ్ (2000)
ముఖ్యమైన ఆల్బమ్‌లుసవరించు
1.కృష్ణధ్వని 60 2. హరిప్రసాద్ చౌరాసియా-ఫ్లూట్ 3.మార్నింగ్ రాగాలు 4.Call of the Valley 5.Immortal Series 6.Pure Joy 7. గ్రేట్ జుగల్‌బందీలు 8. గోల్డెన్ రాగా కలెక్షన్ 9.The Greatest hits of Hariprasad Chaurasia
హిందీ సినిమా సంగీతంసవరించు
చాందిని, డర్, లంహే, సిల్సిలా, ఫాస్‌లే, విజయ్, సాహిబాన్.
తెలుగు సినిమా సంగీతంసవరించు
సిరివెన్నెల సినిమాలో పాటలకు వేణుగాన సహకారం అందించింది హరిప్రసాద్ చౌరాసియానే. బాలమిత్రుల కథ సినిమాలో ప్రజాదరణ పొందిన గున్నమామిడి కొమ్మ మీద అనే పాటకు వేణుగాన సహకారం అందించింది కూడా ఆయనే. (ఈ పాటకి వేణుగానం ఈయనదే అన్న విషయం సినిమా టైటిల్స్ లో కనపడలేదు. కాబట్టి ఈ సమాచారం నిజమైనదేనా అని సందేహం)
ఇవికూడా చూడండిసవరించు
బయటి లింకులుసవరించు
- హరిప్రసాద్ చౌరాసియా-అధికారిక వెబ్సైటు : లింక్