అదృష్టదీపక్
ఈ వ్యాసాన్ని వికీకరించి ఈ మూసను తొలగించండి. |
ఈ వ్యాసాన్ని ఏ మూలాల నుండి సేకరించిన సమాచారాన్ని ఆధారంగా చేసుకొని వ్రాసారో తెలపలేదు. సరయిన మూలాలను చేర్చి వ్యాసాన్ని మెరుగు పరచండి. ఈ విషయమై చర్చించేందుకు చర్చా పేజీని చూడండి. |
కవి : అదృష్టదీపక్
పుట్టినరోజు : 1950 జనవరి 18
మరణం : 2021 మే 16[1]
చదువు : ఎమ్.ఎ.
వృత్తి : చరిత్ర అధ్యాపనం
ప్రవృత్తి :హేతువాది సాహిత్యం, నాటకాలు, సినిమాలు
తల్లితండ్రులు : సత్తి సూరమ్మ, బంగారయ్య
అచ్చయిన పుస్తకాలు సవరించు
కోకిలమ్మ పదాలు 1972
అగ్ని 1974
సమరశంఖం 1977
ప్రాణం 1978
అడవి 2008 (1978-2008 మధ్యలో అచ్చయినవి, ప్రసారమైనవీ)
సంపాదకత్వం : చేతన (అరసం కవితా సంకలనం)
అవార్డులూ రివార్డులూ సవరించు
- ఆంధ్రప్రదేశ్ గవర్నర్ డాక్టర్ శంకర్ దయాళ్ శర్మ ద్వారా ‘నేటిభారతం’ చిత్రంలో ‘మానవత్వం పరిమళించే మంచి మనసుకు స్వాగతం’ గీతానికి ఉత్తమ గేయ రచయితగా మద్రాసులో ‘కళాసాగర్’ అవార్డు (1984)[2]
- ముఖ్యమంత్రి శ్రీ నారా చంద్రబాబునాయుడు ద్వారా రాష్ట్రప్రభుత్వ ఉత్తమ అధ్యాపక అవార్డు (2003)
- విశాలాంధ్ర ప్రచురణాలయం స్వర్ణోత్సవ వేడుకలలో కవిసత్కారం (2003)
- రామచంద్రపురం మోడరన్ ఫౌండేషన్ వారి ‘కళానిధి’ అవార్డు, సాహితీ పురస్కారం (2004)
- రావులపాలెం సి.ఆర్.సి. నాటక పరిషత్ కళాప్రాంగణంలో సినీ నటుడు, రచయిత శ్రీ తనికెళ్ళ భరణి సారథ్యంలో పౌరసన్మానం, ఉగాది పురస్కారం (2004)
- అనపర్తిలో ఆంధ్రప్రదేశ్ అసెంబ్లీ స్పీకర్ శ్రీ కే. ఆర్. సురేష్ రెడ్డి, రాష్ట్రమంత్రి శ్రీ జక్కంపూడి రామమోహనరావుల ద్వారా ఎస్.బి.ఎస్.ఆర్ కళాపీఠంవారి సాహితీ పురస్కారం (2004)
- తూర్పు గోదావరి జిల్లా అధికార భాషా సమీక్షా సంఘ సభ్యునిగా నియామకం ( 2006)
- రాష్ట్రప్రభుత్వం రాజమండ్రిలో నిర్వహించిన నంది నాటకోత్సవాలలో అభినందన సత్కారం (2008)
- అభ్యుదయ రచయితల సంఘం గుంటూరు శాఖ ఆధ్వర్యంలో అమరజీవి కొండేపూడి శ్రీనివాసరావు సాహితీ పురస్కారం[3] (2010)
- హైదరాబాద్‌లోని పొట్టి శ్రీరాములు తెలుగు విశ్వవిద్యాలయం వారు ‘‘సృజనాత్మక సాహిత్యం’’లో కీర్తి పురస్కారం(2010)
ప్రముఖుల అభిప్రాయాలు సవరించు
..........................సామాజిక సమస్యలకు ప్రతిస్పందించే హృదయ సౌకుమార్యంవుంది అదృష్టదీపక్ కు. తన అనుభూతులకు కవితారూపం యిచ్చే నేర్పుకూడావుంది యితనికి.... . -రాచమల్లు రామచంద్రారెడ్డి
...... అదృష్టదీపక్ కు తన లక్ష్యం యేమిటో, దాన్ని యెలా సాధించాలో తెలుసు. వర్తమాన సమాజం పట్ల తీవ్ర అసంతృప్తి అంతరంగంలో ప్రజ్వలిస్తున్నా దాన్ని వ్యక్తీకరించడంలో ఎంతో నిగ్రహాన్ని ప్రదర్శిస్తాడు. "అక్షరాల రెక్కలు విప్పుకుని " "కన్నీళ్ళు కవిత్వంగా" మారుతాయంటాడు."కొడిగట్టిన ఆశను కొత్తకోరికలతో తిరిగి రగిలించు" అంటూ భవిష్యత్తు పట్ల అనంతమైన ఆశను ప్రకటిస్తాడు అదృష్టదీపక్. .......-గజ్జెల మల్లారెడ్డి
- అదృష్టదీపక్ సముద్రాన్ని కమండలంలో ఇమిడ్చిన ఋషిలాగ...పైకి కనపడడు! ఆయనో చల్లని అగ్నిపర్వతం! వెచ్చని హిమాలయం! గులాబీలా కనిపించే విచ్చుకత్తి! మొగలిరేకులా అనిపించే మల్లెపువ్వు! ఆయన తక్కువే రాస్తాడు...ఎక్కువగా గుర్తుండి పోయేలాగ! ఆయనెప్పుడూ వీరబాహుడిలాగ - భుజాన కుండొకటి పెట్టుకొని తిరుగుతూ ఉంటాడు. ఎవరన్నా అభిప్రాయం అడిగితే - నిర్మొహమాటంగా ఆ కుండని మొహాన్న భళ్ళున కొడతాడు! నిజం చెప్పటం ఆయనకిష్టం. దానివల్ల ఆయన చాలా దెబ్బలు తినిఉండొచ్చు కానీ- ప్రతిదెబ్బా ఆయన పాలిట ఓ గోల్డ్ మెడల్ కదా! ఎంచేతంటే వీరుణ్ణి ఎప్పుడైనా గాయాలతోనేగదా గుర్తించాలి!.......— -తనికెళ్ళ భరణి.
- ఇంతమంది శత్రువుల్ని సంపాదించుకున్న అదృష్టదీపక్ ను ఇలాగే ఉండమని అభినందిస్తున్నాను...బ్నిం
- అదృష్టదీపక్ మంచి కవిమాత్రమే కాదు. నిజాయితీగల విమర్శకుడు కూడా అని అర్ధమవుతోంది.నిబద్ధత ముసుగులో ఉన్న కవులూ, రచయితలూ చాలామంది ఉన్నారు. కాని అదృష్టదీపక్ లోపలా, బయటా కూడా నూటికి నూరుపాళ్ళూ నిబద్ధుడైన రచయిత!.....ద్వా.నా.శాస్త్రి
రసికుం డదృష్ట దీపకు డసమానమ్మైన కవిగ నాంధ్రావనిలో కుసుమించిన చెంగలువగ వసియించుచునుండు సతము ప్రజల మనములన్....
డాక్టర్ రాధశ్రీ
మూలాలు సవరించు
- ↑ ఆంధ్రజ్యోతి, చిత్రజ్యోతి (16 May 2021). "అభ్యుదయ రచయిత 'అదృష్టదీపక్' ఇకలేరు". www.andhrajyothy.com. Archived from the original on 16 May 2021. Retrieved 16 May 2021.
- ↑ "ప్రముఖ కవి అదృష్ట దీపక్ కోవిడ్ తో మృతి | TRENDING TELUGU NEWS". www.trendingtelugunews.com. 16 May 2021. Archived from the original on 16 May 2021. Retrieved 16 May 2021.
- ↑ పెనుగొండ లక్ష్మీనారాయణ (జనవరి 2020). గుంటూరుసీమ సాహిత్యచరిత్ర (1 ed.). గుంటూరు: ఆంధ్రప్రదేశ్ అభ్యుదయ రచయితల సంఘం, గుంటూరు జిల్లా శాఖ. pp. 283–284.
- అదృష్టదీపక్ రచన `దీపకరాగం'