అధిక ఉమ్మనీరు
అధిక ఉమ్మనీరు లేదా పాలీ హైడ్రామ్నియాస్ (Polyhydramnios) గర్భిణీ స్త్రీలలో కనిపించే పరిస్థితి.
| అధిక ఉమ్మనీరు | |
|---|---|
| ప్రత్యేకత | ప్రసూతిశాస్త్రం  |
ఈ స్థితిలో గర్భకోశంలో ఉమ్మనీరు అధికంగా ఉంటుంది. ఇది 0.2 to 1.6% మంది గర్భిణీ స్త్రీలలో కనిపిస్తుంది,[1][2],.[3] దీనిని స్కానింగ్ పరీక్షలో ఉమ్మనీరు సూచిక (Amniotic Fluid Index) 20 cm ( ≥ 20 cm) కన్నా ఎక్కువ ఉన్నప్పుడు గుర్తిస్తారు.[4][5]
దీనికి వ్యతిరేక పరిస్థితిని అల్ప ఉమ్మనీరు లేదా ఆలిగో హైడ్రామ్నియాస్ (Oligohydramnios) అంటారు.
అధిక ఉమ్మనీరు వుండే పరిస్థితులు
మార్చు- తల్లికి మధుమేహం, గుండె జబ్బు లేదా మూత్ర పిండాల వ్యాధులు.
- గర్భస్థ శిశువుకు అంగవైకల్యాలు.
- మాయలో కణితి.
- కవలలు.
వ్యాధి లక్షణాలు
మార్చు- కడుపు చాలా పెద్దదిగా వుంటుంది.
- ఆయాసం మూలంగా ఊపిరి అందక ఆమె కూర్చుని వుంటుంది.
- కాళ్ళకు వాపులు, సిరలు పొంగడం, మూలవ్యాధి
వ్యాధి నిర్ధారణ
మార్చుఅల్ట్రాసౌండ్ స్కానింగ్ (Ultrasound scanning) పరీక్ష ద్వారా ఉమ్మనీరు ఎక్కువగా ఉన్నదని నిర్ధారిస్తారు. అంతేకాక పుట్టబోయే బిడ్డకు వున్న అంగవైకల్యాల్ని, కవలలు వున్నారా అనే వివరాల్ని మరికొన్ని ముఖ్యమైన విషయాల్ని ఈ స్కానింగ్ తెలియజేస్తుంది. అందువలన ఈ పరీక్ష తప్పనిసరిగా చేయించాలి.
ప్రమాదాలు
మార్చు- గర్భవతిగా ప్రీ ఎక్లాంప్సియా రావడానికి, ముందుగానే మాయ విడిపోయి రక్తస్రావం కావడానికి, ఉమ్మనీటి సంచి పగిలి నెలలు నిండక మునుపే పురుడు రావడానికి అవకాశం ఉంటుంది.
- నెలలు నిండక ముందే పురుడు రావడం, అంగవైకల్యాలు, బొడ్డుతాడు జారడం, అధిక రక్తస్రావం మొదలైన ప్రమాదాల వలన కడుపులో బిడ్డ చనిపోయే ప్రమాదం ఉంటుంది.
మూలాలు
మార్చు- ↑ Alexander, ES, Spitz, HB, Clark, RA. Sonography of polyhydramnios. AJR Am J Roentgenol 1982; 138:343
- ↑ Hill LM; Breckle R; Thomas ML; Fries JK, Polyhydramnios: ultrasonically detected prevalence and neonatal outcome, Obstet Gynecol 1987 Jan;69(1):21-5, PMID 3540761
- ↑ Hobbins JC; Grannum PA; Berkowitz RL; Silverman R; Mahoney MJ,Ultrasound in the diagnosis of congenital anomalies.,Am J Obstet Gynecol 1979 Jun 1;134(3):331-45., PMID 453266
- ↑ Rutherford SE; Phelan JP; Smith CV; Jacobs N, The four-quadrant assessment of amniotic fluid volume: an adjunct to antepartum fetal heart rate testing., Obstet Gynecol 1987 Sep;70(3 Pt 1):353-6.
- ↑ Clinical Management Guidelines for Obstetrician-Gynecologists, Number 55, September 2004.