అన్వర్

వరంగల్ పట్టణంలోని శివనగర్‌ ప్రాంతానికి చెందిన అన్వర్ 1968 జూన్ 2న కరీంబీ, జానీమియా దంపతులకు జన్మించాడు. బి.ఎస్సీ., బి.ఏ., ఎం.ఏ.(తెలుగు),ఎం.ఏ.(సోషియాలజీ) అభ్యసించాడు. ప్రస్తుతం రాష్ట్ర ప్రభుత్వ వైద్య ఆరోగ్యశాఖలో విస్తరణాధికారిగా పనిచేస్తున్నాడు. కవిగా, రచయితగా పేరు గడించడమే కాకుండా సామాజిక సేవా కార్యక్రమాలలో కూడా పాల్గొంటున్నాడు. ఒక అనాథ శరణాలయాన్ని నడుపుతున్నాడు. తెలంగాణా అమరవీరుడు షేక్ ఫకీర్ పేరు మీద ఒక గ్రంథాలయాన్ని ప్రారంభించాడు.

అన్వర్
అన్వర్
జననం	మహ్మద్ అన్వర్ పాషా (1968-06-02) 1968 జూన్ 2 శివనగర్, వరంగల్ , తెలంగాణ రాష్ట్రం
వృత్తి	ఆరోగ్య విస్తరణాధికారి
ప్రసిద్ధి	కవి, రచయిత, సామాజిక సేవకులు
మతం	ఇస్లాం
తండ్రి	జానీమియా
తల్లి	కరీంబీ

సాహతీ ప్రస్థానం

1990లో సాహిత్యరంగ ప్రవేశం చేసాడు. ఇతని కవితలు, కథలు, వ్యాసాలు వివిధ పత్రికలో ప్రచురింపబడ్డాయి. పుస్తకాలుగా వెలువడ్డాయి.

కవిత్వం శరీరంలో రక్తనిష్టగా ప్రవహించాలన్న ఆశయంతో, జీవిత మూలాలకు సంబంధించిన విషయాల్ని కవిత్వీకరించడం, ముస్లింల జీవన, సామాజిక, ఆర్థిక, సాంఫిుక విషయాల వ్యక్తీకరించడం అన్వర్ లక్ష్యం.

స్వతంత్ర భారత వజ్రోత్సవాల సందర్భంగా 2021, ఏప్రిల్ 3న హైదరాబాదులోని రవీంద్రభారతిలో జరిగిన ఆజాది కా కవి సమ్మేళన కార్యక్రమంలో తెలంగాణ ప్రభుత్వ భాషా సాంస్కృతిక శాఖ సంచాలకుడు డా. మామిడి హరికృష్ణ చేత సత్కారం అందుకుంటున్న అన్వర్

రచించిన పుస్తకాలు

1. తలవంచని అరణ్యం(1999)
2. ముఠ్ఠీ(2007)
3. 1969 వరంగల్ అమరవీరులు
4. ఆజాం (గుజరాత్ కవిత్వం)- సంపాదకత్వం
5. తెలంగాణా కవిత - సంపాదకత్వం
6. నాయిన - సంపాదకత్వం
7. సలామ్‌
8. 2009 తెలంగాణా అమరులు
9. బక్రీ (కథలు)- 2015
10. జమీలాబాయి(నవల)- 2017
11. ఖుల్లమ్ ఖుల్లా - 2019

అందుకున్న పురస్కారాలు

• 2000లో తలవంచని అరణ్యం కవిత్వానికి ఉమ్మడిశెట్టి సాహితీ అవార్డు
• ఎక్స్‌రే అవార్డు రెండుసార్లు
• వరంగల్ జిల్లా యువకవి
• వరంగల్ జిల్లా ఉత్తమకవి - నాలుగు పర్యాయాలు
• డా.ద్వా.నా.శాస్త్రి విశిష్ట అవార్డు
• భారతీయ దళిత సాహిత్య అకాడెమీ అవార్డు
• డా.అంబేద్కర్ ఫెలోషిప్ అవార్డు

చిత్రమాలిక

• 
  2017 ఉగాది కవి సమ్మేళనంలో కవిత్వ పఠనం చేస్తున్న అన్వర్
• 
  2017 ఉగాది కవి సమ్మేళనంలో సత్కారం అందుకుంటున్న అన్వర్
• 
  తెలంగాణ ప్రభుత్వ భాషా సాంస్కృతిక శాఖ ఆధ్వర్యంలో నిర్వహించబడిన కవి సమ్మేళనంలో పాల్గొన్న మామిడి హరికృష్ణ, అన్వర్ తదితరులు