అరకు కాఫీ
సేంద్రీయ పద్ధతుల్లో గిరిజనుల చేత అరకులోయలో పండుతున్న కాఫీకి ‘అరకుకాఫీ’ అనే పేరు
చరిత్ర
మార్చుఆంధ్రప్రదేశ్ అటవీశాఖ 1960లో విశాఖపట్నం జిల్లాలోని రిజర్వ్‌ అటవీ ప్రాంతంలో కాఫీ పంటను 10,100 ఎకరాలలో అభివృద్ధి చేసారు. ఈ కాఫీ తోటల్ని 1985లో అటవీ అభివృద్ధి సంస్ధకు అప్పచెప్పారు. 1956 లో గిరిజన సహకార సంస్ధ ఏర్పాడ్డక, కాఫీ బోర్డు వారు యీ సంస్ధని కాఫీ తోటల అభివృద్ధి కోసం వుపయోగించుకోవాలని వుద్దేశించారు. ఆ రకంగా గుర్తింపబడి, గిరిజనుల ద్వారా కాఫీ తోటల పెంపంకంలో జిసిసి కృషి చేయడం ప్రారంభమైంది. 1975 నుంచి 1985 వరకు జిసిసిలో ఒక ప్రత్యేక కాఫీ తోటల అభివృది విభాగం పనిచేస్తూ సుమారు 4000 హెక్టర్ల కాఫీ తోటల పెంపకం గిరిజన ప్రాంతాల్లో మొదలయ్యింది. అరకులో తయారయ్యే అర్గానిక్ కాఫీ విశ్వవ్యాప్తంగా గుర్తింపు పొందింది.
1985 తర్వాత జిసిసి ఆధ్వర్యంలో అరకుకాఫీ అభివృద్ధి కోసం గిరిజన సహకార కాఫీ అభివృద్ధి సంస్ధ (గిరిజన కోఆపరేటివ్‌ ప్లాంటేషన్ డెవలప్‌మెంట్‌ కార్పోరేషన్‌) స్ధాపించారు. ఈ రకంగా ‘జిసిసి’ ద్వారా, జిసిపిడిసి ద్వారా అభివృద్ధి చేసిన కాఫీ తోటల్ని గిరిజన రైతులకు ఒక్కో కుటుంబానికి రెండు ఎకరాలు చొప్పున పంచి ఇచ్చారు. 1997 జూలైలో జిసిపిడిసి సంస్ధ కార్యకలాపాలను సిబ్బందితో సహా ఐటిడిఎలో విలీనంచేసి కాఫీ అభివృద్ధి కార్యక్రమాలను పంచవర్ష ప్రణాళికబద్ధంగానూ, MGNREGS నిధుల సహాయంతో అభివృద్ధి చేసి యీ నాటికి లక్ష ఎకరాలకు చేరి, కాఫీ తోటలు గిరిజన రైతుల ద్వారా సాగు చేస్తున్నారు.[1][2]
ప్రాముఖ్యం
మార్చు2003 నుంచి 2012 మధ్యకాలంలో….అంటే పదేళ్ళలో విశాఖ కాఫీ ఏడుసార్లు రీజినల్ స్థాయి అవార్డులు పొందింది. జీకే వీధి, చింతపల్లి, పెదబయలు, మినుములూరు, అనంతగిరి, అరకులోయ తోటల్లో సాగయిన కాఫీ గింజలు నాణ్యమైనవనిగా కాఫీ పంట నిపుణులు తేల్చారు. 2007లో ఆదివాసీ రైతులు ఉత్పత్తి చేసిన అరకు భారతదేశంలోనే మొట్టమొదటి ఆర్గానిక్ కాఫీ బ్రాండ్. ప్రపంచంలో కాకపోయినా కౌంటీలోని కొన్ని అత్యుత్తమ కాఫీ తోటలు అరకు లోయలో కనిపిస్తాయి. రుచికరమైన కప్పు కాఫీ కోసం ఎంత దూరమైనా వెళ్లే వారికి ఇది సరైన ప్రదేశం. [3]
అరకు లోయలో కాఫీ ప్లాంటేషన్
మార్చుఅరకు కాఫీ తోటలకు కూడా ప్రసిద్ధి చెందింది, ఇది భారతదేశంలో మొట్టమొదటి గిరిజన పెంపకందారుల సేంద్రీయ కాఫీ బ్రాండ్.
పార్లమెంటులో అరకు కాఫీ
మార్చుఆంధ్రప్రదేశ్ అల్లూరి సీతారామరాజు జిల్లా లోని ఏజెన్సీ గిరిజన ప్రాంతాల్లో గిరిజనులు సహజ పద్ధతుల్లో సాగు చేస్తున్న కాఫీ పంటికి ప్రత్యేక గుర్తింపుతో పాటు ఆర్గానిక్ సర్టిఫికేషన్ సాధించింది. విదేశాలకు ఎగుమతి చేసే అవకాశాలు కల్పించడంతో గిరిజనుల ఆదాయం వనరులు మెరుగు పరిచాయి. ఈ కాఫీ పంటలను ఎక్కువ మోతాదులో పండించడం వల్ల గిరిజన రైతుల జీవితంలో వెలుగులు నింపిందని భావిస్తున్నారు. కేంద్ర కాఫీ బోర్డు గణాంకాల ప్రకారం 12 వేల టన్నుల ఉత్పత్తితో ఆంధ్రప్రదేశ్ రాష్ట్రానికి నాల్గో స్థానంలో దక్కింది. రూపాయి 526 కోట్లతో నారా చంద్రబాబునాయుడు ప్రభుత్వం సమగ్ర కాఫీ తోటల పెంపకానికి ప్రాజెక్టును మంజూరు చేశారు[4][5][6].
మూలాలు
మార్చు- ↑ "Buy Freshly Roasted Coffee | Araku Coffee". www.arakucoffee.in. Archived from the original on 2020-01-26. Retrieved 2020-01-26.
- ↑ Ganguly, Nivedita (2018-11-29). "A day with the adivasis behind Araku Valley Coffee". The Hindu (in Indian English). ISSN 0971-751X. Retrieved 2020-01-26.
- ↑ "Araku Valley (Coffee plantation)". www.vizagdekho.com. 2021-08-15. Retrieved 2021-10-25.
- ↑ ABN (2025-03-28). "AP News: సీఎం చంద్రబాబును అభినందించిన ఎంపీలు." Andhrajyothy Telugu News. Retrieved 2025-03-28.
- ↑ "Araku Coffee: అరకు కాఫీ... భలే గిరాకీ". EENADU. Retrieved 2025-03-28.
- ↑ "Araku Coffee: పార్లమెంట్‌లో అరకు కాఫీ స్టాల్స్‌ ఏర్పాటు". TV9 Telugu. 2025-03-27. Retrieved 2025-03-28.