ఆంధ్ర వీరకుమార శతకము

ఆంధ్ర వీరకుమార శతకమును బి.సూర్యనారాయణమూర్తి 1940లో ప్రకటించాడు. బెజవాడ గోపాలరెడ్డి ఈ పుస్తకానికి తొలిపలుకులు వ్రాశాడు. రచయిత తనకున్న ఆంధ్రాభిమానం ఆంధ్రుల అందరి హృదయాలలో ప్రతిఫలించేటట్టు ఆంధ్రుల చరిత్రలోనూ, ఆంధ్రుల జీవితాలలోనూ ఆంధ్రులు గర్వించి చెప్పుకోదగిన విషయాలు యథోచితంగా పేర్కొని వర్ణించాడు. తన ఆంధ్రాభిమానము సంకుచితమైందని కాదని సూచించడానికి యావద్భారత దేశభక్తిని చాటే పద్యంతో ఈ శతకాన్ని ప్రారంభించాడు.

ఆంధ్ర వీరకుమార శతకము
కవి పేరు	బి.సూర్యనారాయణమూర్తి
మొదటి ప్రచురణ తేదీ	1940
దేశం	భారతదేశం
భాష	తెలుగు
మకుటం	ఆంధ్రవీరకుమారా!
విషయము(లు)	దేశభక్తి, ఆంధ్రాభిమానము
పద్యం/గద్యం	పద్యం
ఛందస్సు	కంద పద్యాలు
ప్రచురణ కర్త	బి.సూర్యనారాయణమూర్తి, మద్రాసు
ప్రచురణ తేదీ	1940
మొత్తం పద్యముల సంఖ్య	119

శీర్షికలు

1. ఆంధ్రభాష
2. ఆంధ్రమహాకవులు
3. ఆంధ్రక్షాత్రము
4. ఆంధ్రమహాపురుషులు
5. ఆంధ్రుల దేశభక్తి
6. ఆంధ్రనారీమణులు
7. ఆంధ్రహరిజనులు
8. ఆంధ్రపూర్వోన్నతి
9. ఆంధ్రుల దైన్యము
10. ఆంధ్రప్రతాపము
11. ఆంధ్రరాష్ట్రము

మచ్చుతునక

గానాంబృతంబు భక్తి
ధ్యానాంబృత మొకటిగాఁ బ్రజావళిఁ దేల్పం
బూనిన త్యాగబ్రహ్మకు
వే నతులర్పింపు మాంధ్రవీరకుమారా!