వేబ్యాక్ మెషీన్

(Wayback Machine నుండి దారిమార్పు చెందింది)

వేబ్యాక్ మెషీన్ అనేది వరల్డ్ వైడ్ వెబ్ ను ఆర్కైవు చేసే భాండాగారం. ఇది శాన్ఫ్రాన్సిస్కోలో ఉన్న లాభాపేక్షలేని సంస్థ. దీన్ని ఇంటర్నెట్ ఆర్కైవ్ సంస్థ స్థాపించింది. ఇది వినియోగదారుని “పాత జ్ఞాపకాలకు తిరిగి” తీసుకువెళ్తుంది. ఆయా వెబ్‌సైట్‌లు గతంలో ఎలా ఉండేవో చూడటానికీ వీలు కల్పిస్తుంది. దాని వ్యవస్థాపకులు బ్రూస్టర్ కహ్లే, బ్రూస్ గిలియట్. ఆన్‌లైన్లో లేని వెబ్‌పేజీల కాపీలను భద్రపరచడం ద్వారా "విజ్ఞానం యావత్తునూ సార్వత్రికంగా అందుబాటులో" ఉంచే ఉద్దేశ్యంతో వేబ్యాక్ యంత్రాన్ని అభివృద్ధి చేశారు.

వేబ్యాక్ మెషీన్
Stylized text saying: "INTERNET ARCHIVE WAYBACK MACHINE". The text is in black, except for "WAYBACK", which is in red.
Screenshot
300px
2015 నవంబరులో వేబ్యాక్ మెషీన్ హోంపేజీ
వెబ్ చిరునామాweb.archive.org
రకంఆర్కైవు
నమోదుOptional
Written inజావా, పైథాన్,
యజమానిఇంటర్నెట్ ఆర్కైవ్
ప్రారంభంఅక్టోబరు 24, 2001; 18 సంవత్సరాలు క్రితం (2001-10-24)[1][2]
Alexa rankIncrease 166 (April 2020)[3]
ప్రస్తుత స్థితిActive

2001 లో మొదలైనప్పటి నుండి, ఇది 452 బిలియన్లకు పైగా పేజీలను ఆర్కైవుకు చేర్చింది. వెబ్‌సైటు స్వంతదారు అనుమతి లేకుండా ఆర్కైవు పేజీలను తయారుచెయ్యటం కాపీహక్కుల ఉల్లంఘన అవుతుందా లేదా అనే విషయమై కొన్ని చోట్ల వివాదం తలెత్తింది.

చరిత్రసవరించు

ఇంటర్నెట్ ఆర్కైవ్ వ్యవస్థాపకులైన బ్రూస్టర్ కహ్లే, బ్రూస్ గిలియట్‌లు 2001 లో వేబ్యాక్ మెషీన్ను ప్రారంభించారు. వెబ్‌సైటు మారినప్పుడు లేదా అసలు వెబ్‌సైటునే మూసేసినప్పుడూ అందులోని పాఠ్యం, ఇతర విషయాలూ అదృశ్యమైపోతాయి. ఈ సమస్యను పరిష్కరించడం ఈ ప్రాజెక్టు లక్ష్యం. [4] ఆర్కైవ్ "త్రిమితీయ సూచిక" అని పిలిచే వెబ్ పేజీల పాత కూర్పులను వినియోగదారులకు చూపిస్తుంది. కహ్లే, గిలియాట్‌లు ఈ యంత్రంతో యావత్తు అంతర్జాలాన్నీ ఆర్కైవు చేయాలనీ, "విజ్ఞానం యావత్తునూ సార్వత్రికంగా" అందించాలనీ ఆశించారు.

యానిమేటెడ్ కార్టూన్ అయిన ది రాకీ అండ్ బుల్‌వింకిల్ షోలో మిస్టర్ పీబాడీ, షెర్మాన్ పాత్రలు ఉపయోగించిన కాల్పనిక కాల-ప్రయాణ పరికరం " WABAC మెషీన్ " (దీన్ని వే-బ్యాక్ అని ఉచ్ఛరిస్తారు) పేరు మీదుగా దీనికి ఈ పేరు పెట్టారు. [5] ఈ యానిమేటెడ్ కార్టూన్ విభాగాలలో ఒకటైన ఇంప్రాబబుల్ హిస్టరీలో, పాత్రలు చరిత్రలో ప్రసిద్ధి చెందిన సంఘటనలను చూడడానికి, వాటిలో పాల్గొనడానికీ, వాటిని మార్చడానికి ఈ యంత్రాన్ని ఉపయోగించాయి.

ఐదేళ్ల తరువాత తమ సేవను అందరికీ అందజేయాలనే లక్ష్యంతో వేబ్యాక్ మెషీన్ 1996 లో, కాషె చేసిన వెబ్ పేజీలను ఆర్కైవు చేయడం ప్రారంభించింది. [6] 1996 నుండి 2001 వరకు సేకరించిన సమాచారాన్ని డిజిటల్ టేప్‌లో ఉంచారు. ఈ ముడి డేటాబేసును చూసేందుకు అప్పుడప్పుడు పరిశోధకులను, శాస్త్రవేత్తలనూ అనుమతించేవారు. [7] 2001 లో ఆర్కైవు ఐదవ వార్షికోత్సవం నాడు బర్కిలీలోని కాలిఫోర్నియా విశ్వవిద్యాలయంలో జరిగిన కార్యక్రమంలో దీనిని ఆవిష్కరించి ప్రజలు చూసేందుకు తెరిచారు. [8] వేబ్యాక్ మెషీన్ ప్రారంభించే సమయానికి, ఇది ఇప్పటికే 10 బిలియన్లకు పైగా పేజీలను ఆర్కైవు చేసింది. [9]

నేడు, డేటాను ఇంటర్నెట్ ఆర్కైవ్ యొక్క పెద్ద క్లస్టర్ లైనక్స్ నోడ్‌లలో నిల్వ చేస్తున్నారు. [10] ఇది సమయానుసారంగా వెబ్‌సైట్ల క్రొత్త కూర్పులను చూసి ఆర్కైవు చేస్తూంటుంది. [11] వెబ్‌సైట్ యొక్క URL ను శోధన పెట్టెలో ఇచ్చి ఆ సైట్‌ను మానవికంగా కూడా ఆర్కైవు చెయ్యవచ్చు. సదరు వెబ్‌సైట్ వేబ్యాక్ మెషీన్‌ను "క్రాల్" చేయడానికీ, డేటాను సేవ్ చేయడానికీ అనుమతిస్తున్నట్లైతే ఇది సాధ్యపడుతుంది. [6]

సాంకేతిక వివరాలుసవరించు

వెబ్‌ను "క్రాల్" చేయడానికీ సార్వజనికంగా చూడగల అన్ని వరల్డ్ వైడ్ వెబ్ పేజీలు, గోఫర్ సోపానక్రమం, నెట్‌న్యూస్ (యూస్‌నెట్) బులెటిన్ బోర్డ్ సిస్టం లను డౌన్‌లోడు చేసుకోగల సాఫ్ట్‌వేరును అభివృద్ధి చేసారు. [12] ఇంటర్నెట్‌లో అందుబాటులో ఉన్న మొత్తం సమాచారాన్ని ఈ "క్రాలర్లు" సేకరించవు. ఎందుకంటే ప్రచురణకర్తలు చాలా డేటాపై పరిమితి విధిస్తారు. లేదా అందుకోలేని డేటాబేస్‌లలో నిల్వ చేస్తారు. పాక్షికంగా కాషె చేసిన వెబ్‌సైట్లలోని అసమానతలను అధిగమించడానికి, ఆర్కైవ్- It.org సైటును 2005 లో ఇంటర్నెట్ ఆర్కైవ్ అభివృద్ధి చేసింది. సంస్థలు, కంటెంట్ సృష్టికర్తలు స్వచ్ఛందంగా డిజిటల్ కంటెంట్ సేకరణలను సేకరించి సంరక్షించడానికి, డిజిటల్ ఆర్కైవ్‌లను సృష్టించడానికి వీలుగా దీన్ని సృష్టించారు. [13]

క్రాల్స్‌ను వివిధ వనరులు అందిస్తాయి. కొన్నిటిని మూడవ పార్టీల నుండి తెచ్చ్చుకుంటారు. మరికొన్ని ఆర్కైవ్ స్వయంగా అభివృద్ధి చేసుకుంటుంది. [11] ఉదాహరణకు, స్లోన్ ఫౌండేషన్ వారు, అలెక్సా వారూ క్రాల్స్‌ను అందించారు. నారా, ఇంటర్నెట్ మెమరీ ఫౌండేషన్ తరపున IA క్రాల్ చేస్తూంటుంది. "ప్రపంచవ్యాప్త వెబ్ క్రాల్స్" 2010 నుండి నడుస్తున్నాయి. [14]

స్నాప్‌షాట్‌లను సంగ్రహించే తరచుదనం వెబ్‌సైట్‌ నుండి వెబ్‌సైట్‌కు మారుతూ ఉంటుంది. "ప్రపంచవ్యాప్త వెబ్ క్రాల్స్" లోని వెబ్‌సైట్లు "క్రాల్ జాబితా" లో చేర్చారు. ప్రతి క్రాల్‌కు ఒకసారి ఇవి సైటును ఆర్కైవ్ చేస్తాయి. ఒక క్రాల్ పరిమాణాన్ని బట్టి, అది పూర్తి కావడానికి నెలలూ, సంవత్సరాలూ పడుతుంది. ఉదాహరణకు, "వైడ్ క్రాల్ నంబర్ 13" జనవరి 9, 2015 న ప్రారంభమై, జూలై 11, 2016 న పూర్తయింది. [15] అయితే, ఒకే సమయంలో ఒకటి కంటే ఎక్కువ క్రాల్‌లు జరగవచ్చు. ఒక సైట్ ఒకటి కంటే ఎక్కువ క్రాల్ జాబితాలో చేరవచ్చు. అందుచేత ఒక సైటును ఎంత తరచుగా క్రాల్ చేసారనేది బాగా మారుతూంటుంది. [11]

నిల్వ సామర్థ్యం, పెరుగుదలసవరించు

సంవత్సరాలుగా టెక్నాలజీ అభివృద్ధి చెందడంతో, వేబ్యాక్ మెషీన్ యొక్క నిల్వ సామర్థ్యం పెరిగింది. 2003 లో, సైటు ప్రజలకు అందుబాటు లోకి వచ్చిన రెండేళ్ళ తరువాత, వేబ్యాక్ మెషీన్ ఎదుగుదల నెలకు 12 టెరాబైట్ల చొప్పున ఉంది. ఇంటర్నెట్ ఆర్కైవ్ సిబ్బంది ప్రత్యేకంగా రూపొందించిన పెటాబాక్స్ ర్యాక్ సిస్టమ్స్‌లో డేటాను నిల్వ చేస్తారు. మొదటి 100 టిబి ర్యాక్ జూన్ 2004 లో పూర్తిగా పని లోకి వచ్చింది. అయితే, దాని కంటే చాలా ఎక్కువ నిల్వ అవసరమని త్వరలోనే స్పష్టమైంది. [16] [17]

ఇంటర్నెట్ ఆర్కైవ్ దాని అనుకూలీకరించిన నిల్వ ఆర్కిటెక్చరు నుండి 2009 లో సన్ ఓపెన్ స్టోరేజ్‌కు మారింది. సన్ మైక్రోసిస్టమ్స్ కాలిఫోర్నియా క్యాంపస్‌లోని సన్ మాడ్యులర్ డేటాసెంటర్‌లో కొత్త డేటా సెంటర్‌ను తెరిచింది. [18] 2009 నాటికి వేబ్యాక్ మెషీన్లో సుమారు మూడు పెటాబైట్ల డేటా ఉంది. ప్రతి నెలా 100 టెరాబైట్ల చొప్పున పెరుగుతోంది. [19]

అప్‌డేట్ చేసిన ఇంటర్‌ఫేసుతో, ఆర్కైవు చేసిన కంటెంటు యొక్క తాజా ఇండెక్సుతో వేబ్యాక్ మెషీన్ యొక్క కొత్త, మెరుగైన కూర్పును 2011 లో ప్రజల పరీక్ష కోసం అందుబాటులో ఉంచారు. [20] అదే సంవత్సరం మార్చిలో, వేబ్యాక్ మెషీన్ ఫోరమ్‌లో ఇల ప్రకటించారు:ళ్"కొత్త వేబ్యాక్ మెషీన్ యొక్క బీటా కూర్పులో 2010 వరకు క్రాల్ చేసిన మొత్తం కంటెంటు యొక్క పూర్తి, నవీనమైన ఇండెక్సు ఉంది. దాన్ని క్రమం తప్పకుండా నవీకరిస్తారు కూడా. క్లాసిక్ వేబ్యాక్ మెషీన్ను నడిపిన ఇండెక్సులో 2008 తరువాతి కంటెంటులో కొంత భాగం మాత్రమే ఉంది. ఈ సంవత్సరం దశలవారీగా తొలగించేందుకు ప్లాను చేసాము కాబట్టి తదుపరి ఇండెక్సు నవీకరణలు చేయము. " [21] 2011 లో, ఇంటర్నెట్ ఆర్కైవ్ తమ ఆరవ జత పెటాబాక్స్ రాక్‌లను స్థాపించింది. ఇది వేబ్యాక్ మెషీన్ నిల్వ సామర్థ్యాన్ని 700 టెరాబైట్లు పెంచింది. [22]

జనవరి 2013 లో, సంస్థ 240 బిలియన్ URL ల మైలురాయిని చేరుకున్నట్లు ప్రకటించింది. [23] అక్టోబర్ 2013 లో, సంస్థ "సేవ్ ఎ పేజ్" అనే విశేషాన్ని అందిస్తున్నట్లు ప్రకటించింది [24] ఎవరైనా ఇంటర్నెట్ వాడుకరి ఏదైనా URL లోని విషయాలను ఆర్కైవ్ చేసుకునే వీలు ఈ విశేషం కలిగిస్తుంది.

2014 డిసెంబరు నాటికి, వేబ్యాక్ మెషీన్లో 435 బిలియన్ల వెబ్ పేజీలున్నాయి —ఇంచుమించు 9 పెటాబైట్ల డేటా. వారానికి 20 టెరాబైట్ల చొప్పున పెరుగుతోంది కూడా.[9]

2016 జూలై నాటికి వెబ్యాక్ మెషీన్లో 15 పెటాబైట్ల డేటా ఉండగా, [25] అది 2018 సెప్టెంబరు నాటికి 25 పెటాబైట్లకు చేరింది. [26] [27]

ఎదుగుదలసవరించు

అక్టోబర్ 2013, మార్చి 2015 మధ్య, వెబ్‌సైట్ యొక్క గ్లోబల్ అలెక్సా ర్యాంకు 163 [28] నుండి 208 కు మారింది. [29] మార్చి 2019 లో ఈ ర్యాంకు 244 వద్ద ఉంది. [30]

వేబ్యాక్ మెషీన్ ఎదుగుదల [31][32]
సంవత్సరం వారీగా వేబ్యాక్ మెషీన్ ఆర్కైవు చేసిన పేజీలు (బిలియన్లలో)
2005
40
2008
85
2012
150
2013
373
2014
400
2015
452

ఉపయోగాలుసవరించు

2001 లో బహిరంగంగా ప్రారంభించినప్పటి నుండి, వేబ్యాక్ మెషీన్ డేటాను సేకరించే, నిల్వచేసే పద్ధతులపైన, అది సంగ్రహించిన వాస్తవ పేజీల పైనా పండితులు అధ్యయనం చేశారు. 2013 నాటికి, పండితులు వేబ్యాక్ మెషీన్ గురించి 350 వ్యాసాలను వ్రాశారు. ఇవి ఎక్కువగా సమాచార సాంకేతికత, లైబ్రరీ సైన్స్, సాంఘిక శాస్త్ర రంగాలకు చెందినవి. 1990 ల మధ్య నుండి నేటి వరకు వెబ్‌సైటు అభివృద్ధి సంబంధిత సంస్థ అభివృద్ధిని ఎలా ప్రభావితం చేసిందో విశ్లేషించడానికి సాంఘిక శాస్త్ర పండితులు వేబ్యాక్ యంత్రాన్ని ఉపయోగించారు. [9]

వేబ్యాక్ మెషీన్ ఒక పేజీని ఆర్కైవు చేసినప్పుడు, సాధారణంగా ఇది అందులో ఉన్న హైపర్‌లింక్‌లను అలాగే ఉంచుతుంది. ఆన్‌లైన్ పాండితీ ప్రచురణలలో హైపర్‌లింక్‌లను సేవ్ చేయగల వేబ్యాక్ మెషీన్ సామర్థ్యపు ప్రభావాన్ని భారతదేశంలోని పరిశోధకులు అధ్యయనం చేశారు. వాటిలో సగం కంటే కొంచెం ఎక్కువ లింకులను భద్రపరచినట్లు వారు కనుగొన్నారు. [33]

కాలగర్భంలో కలిసిపోయిన వెబ్‌సైట్‌లు, నాటి వార్తా నివేదికలు, వెబ్‌సైట్ విషయాలకు చేసిన మార్పులనూ చూడటానికి జర్నలిస్టులు వేబ్యాక్ మెషీన్‌ను ఉపయోగిస్తారు. రాజకీయ నాయకులను జవాబుదారీగా ఉంచడానికీ, యుద్ధభూమి అబద్ధాలను బహిర్గతం చేయడానికీ కూడా దీని కంటెంట్ ఉపయోగించారు. [34] 2014 లో, ఉక్రెయిన్ లో ఒక వేర్పాటువాద తిరుగుబాటు నాయకుడైన ఇగోర్ గిర్కిన్‌కు చెందిన సామాజిక మీడియా పేజీ యొక్క ఆర్కైవులో అతని దళాలు ఒక అనుమానిత ఉక్రేనియన్ సైనిక విమానాన్ని కూలగొట్టామని బడాయి కబుర్లు రాసాడు. కానీ నిజానికి అది మలేషియా ఎయిర్లైన్స్ ఫ్లైట్ 17 అని తేలిన తరువాత అతను ఈ పోస్టును తొలగించి, మాట మార్చి, ఆ విమానాన్ని కూల్చివేసిందంటూ ఉక్రెయిన్ సైన్యాన్ని నిందించాడు. 2017 లో, వాతావరణ మార్పు కు సంబంధించిన అన్ని ప్రస్తావనలనూ వైట్ హౌస్ వెబ్సైట్ నుండి తొలగించారని Archive.org లోని పాత పేజీల్లోని లింకుల ద్వారా కనుగొన్నారు. దీనిపై రెడ్డిట్‌లో జరిగిన చర్చలో స్పందిస్తూ, ఒక అజ్ఞాత వాడుకరి "వాషింగ్టన్ పై సైంటిస్ట్స్ మార్చ్ చెయ్యాలి" అని వ్యాఖ్యానించారు. [35] [36] [37]

పరిమితులుసవరించు

2014 లో, ఒక వెబ్‌సైటును క్రాల్ చెయ్యడానికి వేబ్యాక్ మెషీన్‌లో దాన్ని అందుబాటులో ఉంచడానికీ ఆరు నెలల సమయం పట్టేది. [38] ప్రస్తుతం, ఈ సమయం 3 నుండి 10 గంటల వరకూ ఉంది. [39] వేబ్యాక్ మెషీన్ పరిమిత శోధన సౌకర్యాలను మాత్రమే అందిస్తుంది. దీని "సైట్ సెర్చ్" ఫీచర్ వెబ్ పేజీలలో కనిపించే పదాల కంటే సైటును వివరించే పదాల ఆధారంగా సైటును చూపిస్తుంది. [40]

వేబ్యాక్ మెషీన్ దాని వెబ్ క్రాలర్ యొక్క పరిమితుల కారణంగా ఇప్పటివరకు చేసిన ప్రతి వెబ్ పేజీని కలిగి ఉండదు. జావాస్క్రిప్ట్, ఆధునిక వెబ్ అనువర్తనాల ద్వారాను, ఫ్లాష్ ప్లాట్‌ఫారమ్‌లు, ఫారమ్‌ల వంటి ఇంటరాక్టివ్ లక్షణాలను కలిగి ఉన్న వెబ్ పేజీలను వేబ్యాక్ మెషీన్ పూర్తిగా ఆర్కైవు చేయలేదు. ఎందుకంటే ఆ ఫంక్షన్లకు హోస్ట్ వెబ్‌సైట్‌తో పరస్పర చర్య (ఇంటరాక్టివిటీ) అవసరం. వేబ్యాక్ మెషీన్ యొక్క వెబ్ క్రాలరుకు HTML లేదా దాని వేరియంట్లలో కోడ్ చేయని దేనినైనా సంగ్రహించడంలో ఇబ్బంది ఉంది. అందువలన ఇది తెగిపోయిన హైపర్‌లింకులు, తప్పిపోయిన చిత్రాలకూ దారితీస్తుంది. ఈ కారణంగా, ఇతర పేజీలకు లింకులు లేని "అనాధ పేజీలను" ఈ వెబ్ క్రాలరు ఆర్కైవు చేయలేదు. [40] [41] వేబ్యాక్ మెషీన్ యొక్క క్రాలరు ముందుగా నిర్ణయించిన లోతు పరిమితి ఆధారంగా ముందుగా నిర్ణయించిన హైపర్‌లింక్‌లను మాత్రమే అనుసరిస్తుంది కాబట్టి ఇది ప్రతీ పేజీలోని ప్రతీ హైపర్‌లింకునూ ఆర్కైవు చేయదు. [14]

ఇవి కూడా చూడండిసవరించు

మూలాలుసవరించు

  1. "WayBackMachine.org WHOIS, DNS, & Domain Info – DomainTools". WHOIS. Archived from the original on 2020-05-14. Retrieved March 13, 2016.
  2. "InternetArchive.org WHOIS, DNS, & Domain Info – DomainTools". WHOIS. Archived from the original on 2020-05-12. Retrieved March 13, 2016.
  3. "Archive.org Traffic, Demographics and Competitors - Alexa". alexa.com. Retrieved 2020-04-15.
  4. Notess, Greg R. (March–April 2002). "The Wayback Machine: The Web's Archive". Online. 26: 59–61 – via EBSCOhost.
  5. Tong, Judy (September 8, 2002). "Responsible Party – Brewster Kahle; A Library Of the Web, On the Web". New York Times. Archived from the original on February 20, 2011. Retrieved August 15, 2011.
  6. 6.0 6.1 Internet Archive: Wayback Machine.
  7. Cook, John (November 1, 2001). "Web site takes you way back in Internet history". Seattle Post-Intelligencer. Archived from the original on August 12, 2014. Retrieved August 15, 2011.
  8. Mayfield, Kendra (October 28, 2001). "Wayback Goes Way Back on Web". Wired. Archived from the original on October 16, 2017. Retrieved October 16, 2017.
  9. 9.0 9.1 9.2 Arora, Sanjay K.; Li, Yin; Youtie, Jan; Shapira, Philip (May 5, 2015). "Using the wayback machine to mine websites in the social sciences: A methodological resource". Journal of the Association for Information Science and Technology. 67 (8): 1904–1915. doi:10.1002/asi.23503. ISSN 2330-1635.
  10. 20,000 Hard Drives on a Mission | Internet Archive Blogs. (October 25, 2016).
  11. 11.0 11.1 11.2 The Internet Archive Turns 20: A Behind the Scenes Look at Archiving the Web. (January 28, 2016). ఉదహరింపు పొరపాటు: చెల్లని <ref> ట్యాగు; "leetaru" అనే పేరును విభిన్న కంటెంటుతో అనేక సార్లు నిర్వచించారు ఉదహరింపు పొరపాటు: చెల్లని <ref> ట్యాగు; "leetaru" అనే పేరును విభిన్న కంటెంటుతో అనేక సార్లు నిర్వచించారు
  12. Kahle, Brewster. Archiving the Internet. Scientific American – March 1997 Issue. URL accessed on August 19, 2011.
  13. Jeff Kaplan. Archive-It: Crawling the Web Together. URL accessed on October 16, 2017.
  14. 14.0 14.1 Worldwide Web Crawls. URL accessed on October 16, 2017. ఉదహరింపు పొరపాటు: చెల్లని <ref> ట్యాగు; ":3" అనే పేరును విభిన్న కంటెంటుతో అనేక సార్లు నిర్వచించారు
  15. Wide Crawl Number 13. Internet Archive. URL accessed on October 16, 2017.
  16. Internet Archive: Petabox.
  17. Kanellos, Michael (July 29, 2005). "Big storage on the cheap". CNET News.com. Archived from the original on April 3, 2007. Retrieved July 29, 2007.
  18. Internet Archive and Sun Microsystems Create Living History of the Internet. Sun Microsystems: (March 25, 2009). URL accessed on March 27, 2009.
  19. Mearian, Lucas (March 19, 2009). "Internet Archive to unveil massive Wayback Machine data center". Computerworld.com. Archived from the original on March 23, 2009. Retrieved March 22, 2009.
  20. Updated Wayback Machine in Beta Testing. URL accessed on August 19, 2011.
  21. Beta Wayback Machine, in forum. URL accessed on April 16, 2014.
  22. Internet Archive Forums: 6th pair of racks go into service: over 2PB of data space used. URL accessed on October 25, 2018.
  23. Wayback Machine: Now with 240,000,000,000 URLs | Internet Archive Blogs. (January 9, 2013). URL accessed on April 16, 2014.
  24. Fixing Broken Links on the Internet. (October 25, 2013). URL accessed on March 25, 2015.
  25. Can the manipulation of big data change the way the world thinks?. The National. URL accessed on May 14, 2017.
  26. Crockett, Zachary (September 28, 2018). "Inside Wayback Machine, the internet's time capsule". The Hustle. Archived from the original on October 2, 2018. Retrieved October 26, 2018.
  27. Heffernan, Virginia (September 18, 2018). "Things Break and Decay on the Internet—That's a Good Thing". WIRED. Archived from the original on September 25, 2018. Retrieved October 26, 2018.
  28. Archive.org Site Info. Alexa Internet.
  29. Archive.org Site Overview. Alexa Internet.
  30. Archive.org Traffic, Demographics and Competitors - Alexa.
  31. michelle (May 9, 2014). "Wayback Machine Hits 400,000,000,000!". Internet Archive. Archived from the original on August 26, 2014. Retrieved March 25, 2015.
  32. "Internet Archive Wayback Machine". Internet Archive. Archived from the original on February 13, 2015. Retrieved March 25, 2015.
  33. Sampath Kumar, B.T.; Prithviraj, K.R. (October 21, 2014). "Bringing life to dead: Role of Wayback Machine in retrieving vanished URLs". Journal of Information Science. 41 (1): 71–81. doi:10.1177/0165551514552752. ISSN 0165-5515.
  34. Wayback Machine Won't Censor Archive for Taste, Director Says After Olympics Article Scrubbed.
  35. "The March for Science began with this person's 'throwaway line' on Reddit". Washington Post. Archived from the original on April 23, 2017. Retrieved April 23, 2017.
  36. Are scientists going to march on Washington?.
  37. Foley, Katherine Ellen. "The global March for Science started with a single Reddit thread". Quartz. Archived from the original on April 24, 2017. Retrieved April 23, 2017.
  38. Internet Archive Frequently Asked Questions. (April 2, 2014).
  39. Internet Archive Frequently Asked Questions.
  40. 40.0 40.1 Bates, Mary Ellen (2002). "The Wayback Machine". Online. 26: 80 – via EBSCOhost.
  41. Internet Archive Frequently Asked Questions.