ఉడిపి అనంతేశ్వర దేవాలయం

ఉడిపి అనంతేశ్వర దేవాలయం, అనంతేశ్వర పరశురామ (విష్ణువు అవతారం) నకు అంకితం చేసిన చారిత్రాత్మక హిందూ దేవాలయం. ఇది భారతదేశం , ఉడిపి జిల్లా, ఉడిపి నగరంలో ఉంది. పరశురాముడు లింగరూపంలో కొలువై ఉన్న ఈ ఆలయం ఒక ప్రత్యేకమైన ఆలయం. రచయిత రోషెన్ దలాల్ గ్రంధాల ప్రకారం, " నగరం పరశురామ క్షేత్రంలో భాగంగా ఏర్పడింది. పరశురాముడు సముద్రం నుండి ఈ ప్రాంతాన్ని సేకరించినట్లు చెబుతారు. రామభోజుడు అనే రాజు ఇక్కడ పరశురాముడిని లింగ రూపంలో పూజించాడని, ఆ తర్వాత వెండిఆసనం (రజత పిఠం)పై కనిపించాడని పురాణాలు చెబుతున్నాయి. అందువలన సంస్కృత గ్రంథాలలో, ఈ నగరాన్ని రజత పిఠ అని పిలుస్తారు" ఈ ఆలయాన్ని పాండవులు నిర్మించారనే నమ్మకం కూడా ఉంది.

ఉడిపి అనంతేశ్వర దేవాలయం
భౌగోళికం
దేశం	భారతదేశం
రాష్ట్రం	కర్ణాటక
జిల్లా	ఉడిపి జిల్లా
స్థలం	ఉడిపి
సంస్కృతి
దైవం	అనంతేశ్వర , పరశురామ , (విష్ణు)
వాస్తుశైలి
నిర్మాణ శైలులు	కేరళ ఆలయ వాస్తు నిర్మాణం
చరిత్ర, నిర్వహణ
నిర్మించిన తేదీ	సా.శ. 8 వ శతాబ్దం
సృష్టికర్త	అలుపా రాజవంశీకులు
వెబ్‌సైట్	Shri Anantheswara temple

ఈ ఆలయం సా.శ. 8వ శతాబ్దంలో అలుపాస్ పాలనలో పునరుద్ధరించబడింది.తుళునాడు ప్రాంతంలోని పురాతనమైనదిగా పరిగణించబడుతుంది.అనంతేశ్వర దేవాలయం, చంద్రమౌళీశ్వర శివుని ఆలయానికిసమీపంలోఉంది.

ఉడిపిలోని అష్ట మఠాలలో ఒకటైన పుట్టిగే మఠం నిర్వహించే ఈ ఆలయం ఉడిపిలోని పురాతనమైంది. జగద్గురువులు మధ్వాచార్యులు అనేక తత్త్వవాద వ్రాతలను రచించి,దానిని తన శిష్యులకు బోధించి, భగవంతుడు వేదవ్యాసునితో పాటు బదరీకి అదృశ్యం పొందిన ప్రదేశంగా భావిస్తారు.