ఐరావతం (2022 సినిమా)

ఐరావతం 2022లో విడుదలైన తెలుగు సినిమా. నూజివీడు టాకీస్ బ్యానర్‌పై రాంకీ పలగాని, బాలయ్య చౌదరి చల్లా, లలిత కుమారి తోట నిర్మించిన ఈ సినిమాకు సుహాస్ మీరా దర్దకత్వం వహించాడు. అమర్‌దీప్ చౌదరి, తన్వి నేగి, ఎస్త‌ర్ నోరోన్హా, అరుణ్ కుమార్, సప్తగిరి ప్రధాన పాత్రల్లో నటించిన ఈ సినిమా నవంబరు 17న డిస్నీ ప్లస్ హాట్‌స్టార్ ఓటీటీలో విడుదలైంది.

ఐరావతం
దర్శకత్వం	సుహాస్ మీరా
రచన	సుహాస్ మీరా
నిర్మాత	రాంకీ పలగాని బాలయ్య చౌదరి చల్లా లలిత కుమారి తోట
తారాగణం	అమర్‌దీప్ చౌదరి తన్వి నేగి ఎస్త‌ర్ నోరోన్హా సప్తగిరి
ఛాయాగ్రహణం	కార్తీక్ కొడకండ్ల
సంగీతం	కార్తీక్ కొడకండ్ల
నిర్మాణ సంస్థ	నూజివీడు టాకీస్
విడుదల తేదీ	17 నవంబరు 2022 (2022-11-17)
దేశం	భారతదేశం
భాష	తెలుగు

కథ

శ్లోక (తన్వి నేగి) కనకం (జయ వాహిని) కి చెందిన బ్యూటీ పార్లర్ లో బ్యూటీషియన్ గా పనిచేస్తూ ఉంటుంది. బ్యూటీ పార్లర్ యజమాని కుమారుడు చిక్కు (అమర్‌దీప్ చౌదరి)తో శ్లోక ప్రేమలో ఉంటుంది. శ్లోక పుట్టినరోజు సందర్భంగా చిక్కు ఆమెకు కెమెరాని గిఫ్ట్ ఇస్తాడు. అందులో వీడియో రికార్డ్ చేసి చూస్తే శ్లోక బదులు అచ్చంగా ఆమె పోలికలతో ఉన్న ప్రిన్సి వీడియో ప్లే అవుతాయి. శ్లోక, ప్రిన్సిలో ఎవరో ఒకరు మరణిస్తారని చెప్పిన ఫేస్ రీడర్ మాయ (ఎస్తేర్) ఎవరు ? నగరంలో వరుస హత్యలతో కలకలం సృష్టిస్తున్న సైకో కిల్లర్ ఎవరు? చివరకు శ్లోక, ప్రిన్సీలకు ఎలాంటి పరిస్థితి ఎదురైంది? వారు ఈ ముప్పును బయటపడ్డారా ? లేదా ? అనేదే మిగతా సినిమా కథ.

నటీనటులు

• అమర్‌దీప్ చౌదరి
• తన్వి నేగి
• ఎస్త‌ర్ నోరోన్హా
• అరుణ్ కుమార్
• సప్తగిరి
• జయ వాహిని
• సంజయ్ నాయర్

సాంకేతిక నిపుణులు

• బ్యానర్: నూజివీడు టాకీస్
• నిర్మాతలు: రాంకీ పలగాని, బాలయ్య చౌదరి చల్లా, లలిత కుమారి తోట
• కథ, స్క్రీన్‌ప్లే, దర్శకత్వం: సుహాస్ మీరా
• సంగీతం: కార్తీక్ కొడకండ్ల
• సినిమాటోగ్రఫీ: ఆర్.కె. వల్లెపు
• పాటలు: సత్య కశ్యప్