ఒక బృందావనం

ఒక బృందావనం పాటను ఘర్షణ చిత్రం కోసం రాజశ్రీ రచించారు. పాడినది వాణీ జయరాం. సంగీతం ఇళయరాజా అందించారు. ఈ పాటను కార్తీక్, నిరోషా లపై చిత్రీకరించారు

"ఒక బృందావనం"
("oka brundavanam")
రచయిత	రాజశ్రీ
సంగీతం	ఇళయరాజా
సాహిత్యం	రాజశ్రీ
రచింపబడిన ప్రాంతం	ఆంధ్ర ప్రదేశ్
భాష	తెలుగు
రూపం	యుగళగీతం
గాయకుడు/గాయని	వాణీ జయరాం
చిత్రంలో ప్రదర్శించినవారు	కార్తీక్, నిరోషా

గీత సాహిత్యం

పల్లవి :
ఒక బృందావనం...సోయగం...ఎద కోలాహలం..క్షణ క్షణం...
ఒకే స్వరం..సాగెను తీయగా..ఒకే సుఖం విరిసేను హాయిగా..
ఒక బృందావనం...సోయగం......

చరణం 1 :
నే సందెవేళ జాబిలీ...నా గీతమాల ఆమనీ...
నా పలుకు తేనె కవితలే...నా కులుకు చిలక పలుకులే...
నే కన్న కలల మేడ నందనం...నా లోని వయసు ముగ్ధ మోహనం...
ఒకే స్వరం..సాగెను తీయగా..ఒకే సుఖం విరిసేను హాయిగా..
ఒక బృందావనం...సోయగం......

చరణం 2 :
నే మనసుపడిన వెంటనే... ఓ ఇంద్రధనుస్సు పొందునే...
ఈ వెండి మేఘమాలనే...నా పట్టుపరుపు చేయనే..
నే సాగు బాట జాజిపూవులే...నాకింక సాటి పోటి లేదులే ..
ఒకే స్వరం..సాగెను తీయగా..ఒకే సుఖం విరిసేను హాయిగా..
ఒక బృందావనం...సోయగం......