కంచర్ల సుబ్బానాయుడు (పాత్రికేయుడు)
ఈ వ్యాసం మౌలిక పరిశోధన కలిగివుండవచ్చు. |
కంచర్ల సుబ్బానాయుడు పాత్రికేయుడు, రచయిత, కవి, సేవ సంస్థ స్థాపకుడు. పత్రిక, సాహిత్య రంగంలో సుపరిచితులు. కళా పరిషత్తులు, పత్రికలు, సాహితీ కార్యక్రమాలు నిర్వహించటంలో ప్రసిద్దులు. తెలుగు భాష, సాహితీ సాంస్కృతిక సేవా సంస్థ 'సేవ' ఆధ్వర్యంలో అంతర్జాతీయ అంతర్జాల జూమ్ వేదికగా యూట్యూబ్ ప్రత్యక్ష ప్రసారంగా కవితా వసంతం, కవితా గ్రీష్మం, కవితా వర్షం, కవితా శరం, కవితా హేమంతం, కవితా శిశిరం ఋతువుల పేర్లతో కవి సమ్మేళనములు, అక్షరార్చన, తెలుగు భాషా వారోత్సవాలు,పంచ సహస్ర తెలుగు సాహితీ సప్తాహం,షడ్రుచులు అన్ని తెలుగు సాహితీ ప్రక్రియల సమ్మేళనాలు, మహిళా వారోత్సవాలు,బాల సాహిత్య సదస్సులు, అవధానములు,ముఖాముఖీలు, 2023 ఉగాది నుండి 365 రోజులు అక్షర తోరణం పేరిట ప్రాచీన సాహిత్యం నుండి ఆధునిక సాహిత్యం దాకా వెయ్యేళ్ళ తెలుగు సాహిత్యం పునః మూల్యాంకణం చేస్తూ ప్రపంచ స్థాయి గుర్తింపు పొందారు.సుప్రసిద్ధ రచయితలు, కవుల సాహిత్యంపై సదస్సులు, సాహితీ సప్తాహాలు, సాహితీ సమాలోచన, సాహితీ అవలోకనం కార్యక్రమాలు అనునిత్యం నిర్వహించి చరిత్ర సృష్టించారు.
| కంచర్ల సుబ్బానాయుడు | |
|---|---|
| జననం | కంచర్ల సుబ్బానాయుడు 1965 మే 29 సంగం గ్రామం, సంగం మండలం, నెల్లూరు జిల్లా, ఆంధ్ర ప్రదేశ్ |
| నివాస ప్రాంతం | సంగం |
| ఇతర పేర్లు | కంచర్ల,కంసుడు, కేసు, సృజన, జ్యోతిశ్రీ, సేవా నాయుడు, రచయిత, పాత్రికేయుడు, తెలుగు భాష, సాహితీ సాంస్కృతిక సేవా సంస్థ 'సేవ ' వ్యవస్థాపక అధ్యక్షుడు |
| మతం | హిందూమతం |
| భార్య / భర్త | తులసి జ్యోతి |
| పిల్లలు | నవీన్ నిశ్చల్ |
| తండ్రి | కంచర్ల నారాయణ |
| తల్లి | కంచర్ల సుబ్బమ్మ |
జీవిత విశేషాలు
మార్చుకంచర్ల సుబ్బానాయుడు 1965, మే 29 న కంచర్ల నారాయణ, కంచర్ల సుబ్బమ్మ దంపతులకు నెల్లూరు జిల్లా సంగం గ్రామంలో జన్మించాడు. కంచర్ల, కంసుడు, కేసు, సృజన, కేసు, రాక్షసుడు, ఘంటాసురుడు, జ్యోతిశ్రీ కలం పేర్లతో వివిధ పత్రికల్లో వేలాది వ్యాసాలు అనేక రచనలు చేశారు. పాత్రికేయులు ఎ.బి. కె. ప్రసాద్, ఎం.వి. ఆర్. శాస్త్రి, ఆర్వి రామారావు, టి.యస్. ప్రకాష్, కనకాంబర రాజు, రెంటాల కల్పన, సతీష్ చంద్, అఫ్సర్, రాఘవ శర్మ, వాసుదేవరావు, గజ్జల మాల్లారెడ్డి, రామచంద్రమూర్తి, పొత్తూరు వెంకటేశ్వరావు, సర్వేపల్లి రామమూర్తి, ఎం.సుబ్రహ్మణ్యం, ఐ.నా.రే., తుంగా రాజగోపాల్, నెల్లూరు రామమూర్తి, ఆకుల సుబ్రహ్మణ్యం, ధనికుల నరసింహం, పీవీ ఆర్కే ప్రసాద్, నాగభైరవ కోటేశ్వరరావు, వెన్నెలకంటి గార్ల నుండి ఎంతో నేర్చుకొన్నట్టు కంచర్ల చెపుతారు. వీరందరి ప్రభావం కంచర్ల మీద ఉంది.
విద్యాభాసం
మార్చునెల్లూరు జిల్లా సంగంలో ప్రభుత్వ ప్రాథమిక పాఠశాల (బాస్టాండు బడి)లో 5వ తరగతి వరకు, గొట్టిగుండాల బాలకృష్ణారెడ్డి జిల్లా ప్రజా పరిషత్ ఉన్నత పాఠశాలలో 10వ తరగతి వరకు ఉన్నత విద్యనభ్యసించాను. భవాని ఐటీఐ, నెల్లూరు పాలటెక్నీక్, సెట్ నెల్ SETNELలో సాంకేతిక విద్యనభ్యసించారు. తిరుపతిలో మాస్ కమ్యూనికేషన్ జర్నలిజం చేశారు.
వృత్తి
మార్చు1981లో 16వ ఏట నుంచే పాత్రికేయ వృత్తిని ఆరంభించారు. విలేకరి స్థాయి నుంచి సంపాదకుని స్థాయి వరకు పత్రికా రంగంలో ఎదిగారు. మండలకేంద్రమైన సంగంలో మొట్టమొదట ప్రజా ప్రింటర్స్ పేరుతో ప్రింటింగ్ ప్రెస్ ప్రారంభించారు. ప్రెస్ నడుపుకొంటూ నెల్లూరు కాలింగ్, జమీన్ రైతు, లాయర్, అపరాజిత, సాయంకాలం, ఆంధ్రపత్రిక, ఆంధ్రప్రభ, ఆంధ్రభూమి పత్రికల్లో విలేకరిగా, జిల్లా స్థాయి విలేకరిగా పనిచేశారు. అనతి కాలంలో నెల్లూరులో కళ ఆర్ట్ ప్రింటర్స్ నెలకొల్పారు. నెల్లూరు నుంచి మన పత్రిక అనే స్థానిక పత్రికను నడిపారు. 07-07-2007 వతేదీ తిరుపతిలో " సేవ" అనే దినపత్రికను ఆరంభించారు. 'సేవ' తెలుగు పత్రికకు ప్రధాన సంపాదకుడిగా, ప్రచురణకర్తగా కొనసాగుతున్నారు.
ప్రవృత్తి
మార్చుసేవ పేరుతో తెలుగు భాష, సాహితీ సాంస్కృతిక సేవా సంస్థను స్థాపించి వ్యవస్థాపక అధ్యక్షుడిగా కొనసాగుతున్నారు. వీరి సాహితీ సేవలు అత్యద్భుతం. 1989లో నెల్లూరునందు కళ సంస్ధ పేరుతో నాటక కళా పరిషత్తును నిర్వహించారు. కళా రంగంలో దర్శకులు, ప్రయోక్త, గుణ నిర్ణేతగా రాణించారు. సేవ ఆధ్వర్యంలో అంతర్జాతీయ అంతర్జాల జూమ్ వేదికగా యూట్యూబ్ ప్రత్యక్ష ప్రసారంగా అక్షరార్చన, తెలుగు భాషా వారోత్సవాలు, సహస్ర సాహితీ సప్తాహం, మహిళా వారోత్సవాలు, ముఖాముఖీలు, 2023 ఉగాది నుండి 365 రోజులు అక్షర తోరణం పేరిట ప్రాచీన సాహిత్యం నుండి ఆధునిక సాహిత్యం దాకా వెయ్యేళ్ళ తెలుగు సాహిత్యం పునః మూల్యాంకణం చేయడంలో ప్రపంచ స్థాయి గుర్తింపు పొందారు. సుప్రసిద్ధ రచయితలు, కవుల సాహిత్యంపై సదస్సులు, సాహితీ సప్తాహాలు, సాహితీ సమాలోచన, సాహితీ అవలోకనం కార్యక్రమాలు అనునిత్యం నిర్వహించి చరిత్ర సృష్టించారు. ఋతువుల పేర్లతో కవితా వసంతం, కవితా గ్రీష్మం, కవితా వర్షం, కవితా శరం, కవితా హేమంతం, కవితా శిశిరం ఋతువుల పేర్లతో కవి సమ్మేళనములను అంతర్జాలంలోని, భౌతిక కార్యక్రమములు గాను అనేకం నిర్వహించారు. తిరుపతి, హైదరాబాద్, నెల్లూరు, అంతర్వేది, విజయవాడ, గుంటూరు, విశాఖపట్నం, మంచిర్యాలలో సేవ ఆధ్వర్యంలో వీరు నిర్వహించిన సాహితీ కార్యక్రమాల్లో సుప్రసిద్ధ సాహితీ వేత్తలు, ప్రముఖ కవులు, రచయితలు పాల్గొన్నారు. సేవ అక్షర తోరణం పేరున నిర్వహించే సాహితీ కార్యక్రమాలు అద్భుతం. తెలుగు సాహితీ పితామహుల పొత్తిళ్ళలో పెరిగిన మన తెలుగు భాష గొప్పవిషయాలను, సమగ్ర తెలుగు సమాచారాన్ని, కళలను సాహిత్యాన్ని, తెలుగుకు సంబంధించిన సకల సమాచారాన్ని, తాజా విశేషాలను ఒక చోట భద్రపరచాలనే సంకల్పంతో తెలుగు ఈ’ http://telugue.net/, http://www.sevalive.com/ Archived 2023-11-19 at the Wayback Machine అంతర్జాల పత్రికలను నడుపుతున్నారు.
ముఖపుస్తకం(ఫేసుబుక్) సాహితీ సేవ
మార్చుఅంతర్జాలంలో ప్రముఖంగా ప్రాచుర్యం పొందిన తెలుగు సాహిత్య సమూహాల్లో సాహిత్య సేవ ఒకటి. 2007 లో తిరుపతిలో ఈ సంస్థను కంచర్ల సుబ్బానాయుడు ప్రారంభించారు. 2012 సంవత్సరం నుంచి అంతర్జాల వేదికగా ముఖపుస్తకం (ఫేస్బుక్) ద్వారా వేలాదిమంది రచయితలు, రచయిత్రులు, కవులు, కవయిత్రులను ప్రోత్సహిస్తూ సభలు, సమావేశాలు నిర్వహిస్తూ, బహుమతులు అందజేస్తూ తమదంటూ ప్రత్యేక గుర్తింపును పొందారు. సేవ, సాహితీ సేవ సంస్థ ద్వారా జూమ్, ఫేస్బుక్ వేదికలుగా గత పాతికేళ్లుగా కొత్తతరం కవుల వేదికగా మలిచి, సీనియర్ కవులతో సదస్సులు నిర్వహించి కొత్త ఒరవడిని సృష్టించారు. కవులు రచయితలతో లతో ముఖాముఖి కార్యక్రమాలను నిర్వహించారు.
ముఖాముఖీలు 'సేవ'లు
మార్చుప్రముఖ కవి, పాత్రికేయుడు, అఫ్సర్ నిర్వహిస్తున్న సారంగ పత్రికలో శ్రీరాం పుప్పాల ముఖాముఖి.
పాత్రికేయ వృత్తిలో ఉన్న కంచర్ల సుబ్బానాయుడు సేవ అనే భాషా, సాహిత్య, సాంస్కృతిక సంస్థ స్థాపించి జూం వేదికగా ఎన్నో కార్యక్రమాలు చేస్తున్నారు. ఏ ఒక్క రోజూ క్రమం తప్పకుండా సంవత్సర కాలంగా ‘అక్షర తోరణం’ నిర్వహిస్తున్నారు. ఈ మహోత్కృష్టమైన కృషి 22024 మార్చి 22వతేది నాటికి 365 రోజులు దిగ్విజయంగా పూర్తి చేసుకొంది. తెలుగు సాహిత్యంలో సుప్రసిద్దులూ, వర్ధమాన రచయతలపై ఈ ప్రసంగాలు చాలా కాలంగా శ్రోతల్ని అలరిస్తున్నాయి. ఈ కార్యక్రమాలు సగటు తెలుగు వాడి సాహిత్య సంపద పట్ల కించిత్ గర్వపడే క్షణాల్ని కళ్ళముందుకు తెస్తాయంటే అతిశయోక్తి కాదు. శోభకృతు ఉగాది నుండి ఈ క్రోధి నామ తెలుగు వత్సరం దాకా కొనసాగిస్తూ ఏప్రిల్ 9 నుండి 11 వతేది దాకా మూడురోజుల పాటు స్వదేశీ, ప్రవాసీ తెలుగువారితో 60 గంటపాటు రాత్రింబగళ్లు నిర్విరామంగా (NON STOP) అక్షరతోరణం సమాపనోత్సవాలు జరుపబోతోన్న సందర్బంగా కంచర్ల సుబ్బానాయుడితో ప్రముఖ పాత్రికేయుడు, కవి, రచయిత, ఉపన్యాసకులు అఫ్సర్ గారు నిర్వహిస్తున్న సారంగ పాఠకుల కోసం శ్రీరాం పుప్పాల జరిపిన సంభాషణ సారాంశం.
ప్ర: సంవత్సర కాలంగా ఏకధాటిగా సాహిత్య కార్యక్రమాల నిర్వహణ వల్ల మీరు ఆశించిన ప్రయోజనం నెరవేరిందనుకుంటున్నారా ? మీ టీం వివరాలు చెప్పండి
జ : వెయ్యేళ్ళ తెలుగు సాహిత్యంపై మూల్యాంకనం మొదలు పెడితే 365 రోజుల్లో పూర్తయ్యే పనికాదు. మా పరిమిత దృష్టితో తెలుగు సాహిత్యంలో అన్ని ప్రక్రియలపై సింహావలోకనం చేసాం. అది చాలా సంతృప్తినిచ్చే విషయం. ఈరోజున తెలుగు సాహిత్యానికి సంబంధించి మాదగ్గరున్న డేటాబేస్ మరెక్కడా లభించే అవకాశమే లేదు. సేవ తెలుగు భాష, సాహితీ, సాంస్కృతిక సేవా సంస్థ అక్షర తోరణం శీర్షికన ఒక మహా యజ్ఞం లా ఈ కార్యక్రమాన్ని నడిపాము. కొత్త తరానికి అమూల్యమైన భాండాగారాన్ని పొందుపరిచామన్న తృప్తి కలిగింది. ఈ సంస్థ అధ్యక్షుడిగా నాకు చాలా ఎక్కువ గుర్తింపు వచ్చింది.
ఉపాధ్యక్షులు బోర భారతీదేవి, డా. కొణిదల శోభ కృషి వెల కట్టలేనిది. వయసును కూడా లెక్కచేయకుండా ఆచార్య రాచపాళెం చంద్రశేఖర్ రెడ్డి ఈ సదస్సుల నిర్వహణకు ఎంతో దోహదపడ్డారు. ఇదొక సమిష్టి కృషి.
ప్ర: మీ ఈ ప్రాజక్టులో తెలుగు సాహిత్య ప్రక్రియలన్నింటినీ సింహావలోకనం చేసినట్టుగా భావిస్తున్నారా ?
జ: ఖచ్చితంగా. కవిత్వం, పద్యం, గేయం, కథ, నవల, నాటకం, అన్నింటినీ కలయజుట్టాము. దేన్నీ వదిలింది లేదు. ప్రాచీన సాహిత్యం మొదలు ఉత్తరాధునిక సాహిత్య విమర్శ వరకూ అన్నీ మా కార్యక్రమంలో భాగమయ్యాయి. వ్యాసమూ, స్వీయ చరిత్ర, లేఖా సాహిత్య సదస్సులు చాలా ఆసక్తిగా నడిచాయి. ప్ర: మీరు సంప్రదించిన అనేక మంది వక్తల వస్తు పరిజ్ఞానం, ఉపన్యాస కళ పట్ల మీ అభిప్రాయం చెప్పండి జ: అనేక విశ్వ విద్యాలయాల ఉపకులపతులను, పూర్వ ఉపకులపతులను, అనేకమంది ఆచార్యులను, పి హెచ్ డి చేసిన, చేస్తున్న అనేక మందిని భాగస్వాములను చేసాము. కొత్త వక్తలను తయారు చేసాము. వృత్తిరీత్యా విభిన్న రంగాలలో వున్ననూ సాహిత్యం పట్ల అవగాహన, అనుభవం కలిగిన వాళ్ళతో అనేక మంది రచనలపై సమీక్షలు, ప్రసంగాలు, పత్ర సమర్పణలు చేయించాము. అనర్గళంగా సమగ్రంగానే కాక వినూత్నంగా తులనాత్మకంగా విమర్శలు చేసినవారూ వున్నారు. అఫ్సర్, ఓల్గా, ఎన్ గోపీ, జూకంటి జగన్నాథం రచనల చర్చ చాలా ఉత్సాహంగా జరిగింది. వక్తల సమయ పాలన తో సతమతమయ్యాం. అయితే కవిత్రయం, అష్ట దిగ్గజాలు, అన్నమయ్య, శివారెడ్డి, జాషువా వంటి దిగ్గజ వ్యక్తిత్వాల చర్చ పరిమిత సమయంలో చేయడం దుస్సాధ్యమైన పని అని మాకు బాగా అర్థమయ్యింది. విశేష అనుభవం గల పెద్దలూ, ఇప్పుడిప్పుడే కళ్ళు తెరుస్తున్న వర్ధమాన విమర్శకులూ, సమీక్షకులూ ఇందులో భాగం అయ్యారు. అందరికీ మేము కృతజ్ఞతలు తెలియజేస్తున్నాము. వారి సమయమూ, జ్ఞాన సంపదా మా కార్యక్రమానికి వన్నె తెచ్చాయి. ప్ర: విప్లవ సాహిత్యం, ముస్లిం మైనారిటీ సాహిత్యాల పట్ల మీరు సరైన కాంతి ప్రసరింపజేయక పోవడం పట్ల మీ సమాధానం జ: కొలకలూరి ఇనాక్, కత్తి పద్మారావు లాంటి దళిత రచయితల మీద, అలాగే అఫ్సర్, సలీం, వేంపల్లి షరీఫ్, షహనాజ్ బేగం లాంటి ముస్లిం మైనారిటీ కవులపై సదస్సులు జరిపాం. గద్దర్ పై కార్యక్రమాలు నిర్వహించాము. శిలాలోలిత, శీలా సుభద్రా దేవి, కల్పనా రెంటాల వంటి స్త్రీవాద రచయిత్రుల్ని వేదికపైకి ఆహ్వానించాము. దిగంబర కవుల్ని ప్రస్తావించాము. ప్రత్యేక శీర్షిక కింద ఏదీ చేయలేదు గానీ విప్లవ కథ కవిత్వ ప్రస్తావనలూ సమావేశాలు కూడా జరిగాయి. అన్ని రకాల అస్తిత్వాలపై మేము సమ దృష్టితో ఈ కార్యక్రమాన్ని నడిపాము. అక్షర తోరణం జరుగుతున్న కాలంలో కాలం చేసిన కేతు విశ్వనాధ రెడ్డి, గద్దర్ పై కార్యక్రమాలు నిర్వహించాము. తుమ్మపూడి కోటేశ్వరరావు కన్ను మూయకముందు, తర్వాత సదస్సులు నిర్వహించాము. సందర్భానుసారంగా జయంతులు, వర్ధంతులు, సాహితీ స్వర్ణోత్సవాలు నిర్వహించాము. ఇందులో భాగంగా కొడవటికంటి కుటుంబరావు, కొండవీటి కవి, తిరుపతి వెంకట కవులు, మధురాంతకం రాజారామ్, మహేంద్ర, చిన్నయసూరి, గురజాడ అప్పారావు, గిడుగు రామమూర్తి, శ్రీ శ్రీ , సినారె, దువ్వూరి రామిరెడ్డి, తుమ్మల సీతారామ్మూర్తి సదస్సులు నిర్వహించాం. ఇంకా పాపినేని శివశంకర్, రేవూరు అనంతపద్మనాభరావు, అట్టాడ అప్పలనాయుడు, ఆర్వీయస్ సుందరం, మాడభూషి సంపత్ కుమార్, కొండ్రెడ్డి వెంకటేశ్వర రెడ్డి, శిఖామణి, రాసాని, శాంతి నారాయణ, వెంకటకృష్ణ, గంటేడ గౌరు నాయుడు, ఏనుగు నరసింహారెడ్డి, జీవీ పూర్ణచందు, వడ్డేపల్లి కృష్ణ వీరభద్రప్ప, శ్రీరామ్ సాగర్ కవచం, పెరుగు రామకృష్ణ, సబ్బని లక్ష్మి నారాయణ, అన్నవరం దేవేందర్, మువ్వా శ్రీనివాసరావు, అనుమాండ్ల భూమయ్య తదితరుల సదస్సులు నిర్వహించాము. తొలి జ్ణానపీఠ అవార్డు గ్రహీత విశ్వనాథ సత్యనారాయణ సప్తాహం , అవధానములు సైతం నిర్వహిస్తున్నాం. మహిళామణుల విషయానికొస్తే స్త్రీ వాద రచయిత్రి ఓల్గా, రెంటాల కల్పన, శీలా సుభద్రతో పాటు దాదాపు 40 మంది రచయిత్రులు, కవయిత్రులపై ప్రత్యేకంగా మహిళా పక్షంగా సదస్సులు జరిపాము. సదస్సులు నిర్వహించడంలో ఎలాంటి ఆంక్షలు, పరిధులు విధించుకోలేదు. గిరి గీసుకోలేదు. అయితే రచనా స్థాయిని బట్టి, సమయాభావ పరిస్థితులను బట్టి ఏ కార్యక్రమాన్ని ఎన్ని నిర్వహించాలేనేది కమిటీ అభిప్రాయాలు తీసుకొన్నాము. 365 రోజుల కార్యక్రమాల్లోనే తమ రచనలపై సదస్సులు నిర్వహించాలని కొందరి నుంచి వత్తిడి, సిఫారసులు వచ్చిన మాట నిజమే. కానీ ఎవరినీ విష్మరించాలని అనుకోలేదు. రచనా స్థాయిని బట్టి, సమయానుకూలంగా సదస్సులు జరిపాము. జరుపుతాము. సేవకు కుల, మత, వర్గ, ప్రాంతీయ, జాతీయ భావాలేవీ లేవి. తెలుగు సాహిత్యంలో అన్ని రకాల ప్రక్రియ పట్ల సరైన కాంతిని ప్రసరింప జేయాలన్నదే సేవ ధ్యేయం. దీన్ని ఒక బాధ్యతగా భావించాము. స్వీకరించాము. అదే లక్ష్యం. ఇప్పటికి సేవ చేసింది గోరంతే. చేయాల్సింది కొండంత. ప్ర: వర్ధమాన తెలుగు సాహిత్యంలో వస్తున్న కొత్త ముఖాల్ని పరిచయం చేయాల్సినంతగా మీరు చేసినట్టు భావిస్తున్నారా ? జ: సాహిత్య అకాడెమీ యువ పురస్కారం పొందిన వేంపల్లి గంగాధర్ , వేంపల్లె షరీఫ్, జానీ తక్కెడ శిల, అప్పిరెడ్డి హరినాథరెడ్డి మంత్రి కృష్ణమోహన్ , పసునూరి రవీందర్, పింగళి చైతన్య మానస ఎండ్లూరి, గడ్డం మోహన్‌రావు, బాలసుధాకర్‌ మౌళి, తగుళ్ళ గోపాల్, పల్లిపట్టు నాగరాజు, మెర్సీ మార్గరెట్, అందరు పురస్కార గ్రహీతల్నీ పరిచయం చేశాము. అనిల్ డ్యానీ, పుప్పాల శ్రీరాం, పాయల మురళీ, పెనుగొండ సరసిజ, తండా హరీష్ గౌడ్, సుధా మురళి, కుందుర్తి కవిత లాంటి అనేకమంది కొత్త కుర్రకారు ఈ సదస్సుల్లో మాతో నడవడం మేమెంతో గర్వపడే విషయం. ప్ర: మీరు మీ కార్యక్రమంలో కవర్ చేయాలనుకుని చేయలేకపోయిన వాళ్ళెవరన్నా ఉన్నారా ? జ: కుందుర్తి, కాళోజీ, రారా, తిలక్ వంటి హేమాహేమీలపై సదస్సులు చేయాలి. అనువాద సాహిత్యం పై, గేయం, పాట పై చేయాలి. ఇప్పటికి చేసింది సర్వస్వం అనుకోవడంలేదు. ఇంకా అసంఖ్యాక రచనలమీద కార్యక్రమాలు నిర్వహించాల్సిన అవసరం వుంది. ప్రధానంగా చెప్పుకోవాలంటే చలం, అల్లం రాజయ్య, వాసిరెడ్డి సీతా దేవి, రావి శాస్త్రి, శివ సాగర్, చాగంటి సోమయాజులు, దాశరధి కృష్ణమాచార్యులు, రంగా చార్యులు, సురవరం ప్రతాప్ రెడ్డి, సామల సదాశివ, కుసుమ ధర్మన్న, మంగిపూడి వెంకట శర్మ, చిలకమర్తి, ఉన్నవ, పానుగంటి, కట్టమంచి, రాళ్ళపల్లి, పుట్టపర్తి, గడియారం, విద్వాన్ విశ్వం లాంటి వారెందరో మాముందున్నారు. వర్తమాన రచయితలూ వున్నారు. భవిష్యత్తు ప్రణాళికలో ఈ కార్యక్రమాలు రూపుదిద్దుకొంటాయి. ప్ర: ఈ కార్యక్రమం వల్ల మీరెదుర్కున్న ఇబ్బందులేమన్నా ఉన్నాయా ? వాటినెలా అధిగమించారు ? జ: మేము ముందుగా ప్రణాళిక వేసుకున్నట్టు వక్తలు రావడం కుదరనప్పుడు యాతన పడ్డాం. అప్పటికప్పుడు మార్పులు చేర్పులు చేయగలిగినా ఒత్తిడి ఉండేది. ప్రసంగం జరుగుతున్నప్పుడు ఒకరిద్దరు మధ్యలో డిస్టర్బ్ చేసేవారు. అడ్మిన్ బాధ్యత చాలా కష్టతరమైనది. శారీరక, మానసిక, ఆర్ధిక వ్యయప్రయాసలు పడ్డాము. కుటుంబం సహకరించక పోతే ఈ పని మేం చేయగలిగేవాళ్ళం కాదు. రేవూరు అనంతపద్మనాభరావు, పత్తిపాక మోహన్, కొండ్రెడ్డి వెంకటేశ్వరరెడ్డి, మాడభూషి సంపత్ కుమార్, నాగ రాజ్య లక్ష్మి, జంధ్యాల శరత్ బాబు, బీరం సుందర రావు, ప్రవాసీ కార్యదర్శి సత్యా మల్లుల, సంధ్యా రెడ్డి , శివరంజని లాంటి వాళ్ళు ఎందరో ఈ కార్యక్రమాల నిర్వహణకు సమన్వయకర్తలుగా వ్యవహరించారు. పద్మశ్రీ కొలకలూరి ఇనాక్, మండలి బుద్ధ ప్రసాద్, తానా తోటకూర ప్రసాద్, వంశీ రామరాజు సహకారాలు మరువలేనివి. ప్ర: మీ భవిష్యత్ ప్రణాళికలేమిటి ?
జ: సంవత్సర కాలం, 2600 మందికి పైగా అధ్యక్షులు, అతిధులు, వక్తలు, రచయితలు ప్రధానంగా ఈ సదస్సుల్లో పాల్గొన్నారు. జూమ్ అంతర్జాల వేదికలో వేలాది మంది సాహితీ ప్రియులు పాల్గొన్నారు. సేవ ఆన్ లైవ్ యూట్యూబ్ ఛానల్ ప్రత్యక్ష ప్రసారంలో 8 లక్షల 5వేల మంది వీక్షించగా 28 రోజుల గణాంకాల ప్రకారం సగటున 887 మంది చూస్తున్నారు. 4,527 మంది సబ్స్క్రైబ్ చేయడం జరిగింది. ఈ కార్యక్రమాలన్నీ ప్రస్తుతం యూట్యూబ్లో భద్రపరచబడివున్నాయి. ఈ ప్రసంగాలన్నీ వివిధ రకాల ఫైళ్లలో sevalive.com మరియు telugue.net వెబ్ సైట్లలో భద్రపరుస్తున్నాము. ఇందులో ఆ యా సదస్సులకు సంబంధించి అందరి పరిచయాలు, చిత్రాలు, వక్తల ప్రసంగాలు – పత్ర సమర్పణలు పొందుపరుస్తున్నాము. ఇదొక పెద్ద రిపాసిటరీ కానున్నది. ఇపుడు ఉన్నత పాఠశాలల్లో ఇంటరాక్టివ్ ఫ్లాట్ ప్యానెల్‌లు (IFPలు) ఇంటరాక్టివ్ కంటెంట్‌ను ఉపయోగించి, బైజుస్ టాబ్స్ కూడా విద్యార్థులకు ఇచ్చి ఆధునిక విద్యా బోధనను అందిస్తున్నారు. ఈ నేపథ్యంలో పాఠశాల విద్య కమీషనర్, ప్రిన్సిపాల్ సెక్రెటరీ దృష్టికి మా కార్యక్రమాన్ని తీసుకెళ్లి పిల్లలకి తెలుగు సాహిత్య పరిచయం చేయాలని పని చేస్తున్నాం. బాల సాహిత్యంపై అవగాహన కల్పిస్తూ నిష్ణాతులైన సాహితీ ప్రముఖులతో ఆన్ లైన్ శిక్షణా తరగతులను నిర్వహించే ఏర్పాటుకు కృషి చేయాలనుకొంటున్నాము. ఇంకా పాఠశాల, కళాశాల స్థాయిల్లో తెలుగు సాహిత్యంపై శిక్షణా తరగతులను రాష్ట్ర ప్రభుత్వ సహకారంతో మొదట జిల్లా స్థాయిలో ఏర్పాటు చేయాలనుకొంటున్నాము.
రచనలు
మార్చుపురస్కారాలు
మార్చుమూలాలు
మార్చుhttps://www.youtube.com/@sevaonlive
https://www.youtube.com/@sevaonlive/streams
https://www.youtube.com/@sevatv.telugu https://www.youtube.com/@sevatv.telugu/streams
ఇతర లంకెలు
మార్చుhttps://sevalive.com/ https://kancharla.in/ https://kancharlasubbanaidu.blogspot.com/