కేట్ విన్‌స్లెట్

కేట్‌ ఎలిజబెత్ విన్‌స్లెట్ (ఆంగ్లం: Kate Winslet; 1975 అక్టోబరు 5) హాలీవుడ్ నటి. స్వతంత్ర చిత్రాలలో, ప్రత్యేకించి పీరియాడికల్ డ్రామాలలో ఆమె నటనకి, సంక్లిష్టమైన స్త్రీల పాత్రలకు ప్రసిద్ధి చెందింది. ఆమె అకాడమీ అవార్డు, గ్రామీ అవార్డు, రెండు ప్రైమ్‌టైమ్ ఎమ్మీ అవార్డులు, మూడు బాఫ్టా అవార్డులు, ఐదు గోల్డెన్ గ్లోబ్‌లతో సహా అనేక ప్రశంసలను అందుకుంది.

కేట్ విన్స్‌లెట్ CBE
2017లో కేట్ విన్స్‌లెట్
జననం	కేట్ ఎలిజబెత్ విన్స్లెట్ (1975-10-05) 1975 అక్టోబరు 5 రీడింగ్, బెర్క్‌షైర్, ఇంగ్లాండ్
విద్య	రెడ్రూఫ్స్ థియేటర్ స్కూల్
వృత్తి	నటి
క్రియాశీల సంవత్సరాలు	1991 – ప్రస్తుతం
గోల్డెన్ హ్యాట్ ఫౌండేషన్
జీవిత భాగస్వామి	జిమ్ థ్రెపుల్టన్ ​ ​ (m. 1998; div. 2001)​ సామ్ మెండిస్ ​ ​ (m. 2003; div. 2011)​ ఎడ్వర్డ్ అబెల్ స్మిత్ ​ ​ (m. 2012)​
పిల్లలు	3

టైమ్ మ్యాగజైన్ 2009, 2021లో ప్రపంచంలోని అత్యంత ప్రభావవంతమైన 100 మంది వ్యక్తులలో ఒకరిగా కేట్ విన్‌స్లెట్ ఎన్నికైంది. ఆమె 2012లో ఆర్డర్ ఆఫ్ ది బ్రిటిష్ ఎంపైర్ (CBE) కమాండర్‌గా నియమించబడింది.

కెరీర్

కేట్ విన్‌స్లెట్ రెడ్‌రూఫ్స్ థియేటర్ స్కూల్‌లో నాటనను అభ్యసించింది. 15 సంవత్సరాల వయస్సులో ఆమె బ్రిటిష్ టెలివిజన్ ధారావాహిక డార్క్ సీజన్ (1991)తో అరంగేట్రం చేసింది. ఆమె హెవెన్లీ క్రియేచర్స్ (1994) సినిమాతో తన సినీ రంగ ప్రవేశం చేసింది. సెన్స్ అండ్ సెన్సిబిలిటీ (1995) సినిమాకి ఆమె BAFTA అవార్డును గెలుచుకుంది. జేమ్స్ కామెరూన్ టైటానిక్ (1997)లో ఆమె ప్రధాన పాత్రతో గ్లోబల్ స్టార్‌డమ్ పెరిగింది. క్విల్స్ (2000), ఐరిస్ (2001)లతో ఆమె విమర్శకుల ప్రశంసలు పొందింది.

ఎటర్నల్ సన్‌షైన్ ఆఫ్ ది స్పాట్‌లెస్ మైండ్ (2004), ఫైండింగ్ నెవర్‌ల్యాండ్ (2004), లిటిల్ చిల్డ్రన్ (2006), రివల్యూషనరీ రోడ్ (2008)లలో తన నటనకు మరింత గుర్తింపు పొందింది. ది రీడర్ (2008) చిత్రానికి ఆమె BAFTA అవార్డు, ఉత్తమ నటిగా అకాడమీ అవార్డును గెలుచుకుంది. స్టీవ్ జాబ్స్ (2015) బయోపిక్‌లో జోవన్నా హాఫ్‌మన్ పాత్రలో కేట్ విన్‌స్లెట్ మరో BAFTA అవార్డును గెలుచుకుంది. HBO మినిసిరీస్ మిల్డ్‌రెడ్ పియర్స్ (2011), మేర్ ఆఫ్ ఈస్ట్‌టౌన్ (2021)లలో తన నటనకు రెండు ప్రైమ్‌టైమ్ ఎమ్మీ అవార్డులను అందుకుంది. ఆమె అవతార్: ది వే ఆఫ్ వాటర్ (2022)లో సహాయక పాత్రను పోషించింది.

అవార్డులు, నామినేషన్లు

అవార్డ్స్	విజేత	నామినేటెడ్
అకాడమీ అవార్డ్స్	1	7
BAFTA అవార్డ్స్	3	10
క్రిటిక్స్ చాయిస్ అవార్డ్స్	3	7
ప్రైమ్‌టైమ్ ఎమ్మీ అవార్డ్స్	2	4
గోల్డెన్ గ్లోబ్ అవార్డ్స్	5	13
గ్రామీ అవార్డ్స్	1	1
ప్రొడ్యూసర్స్ గిల్డ్ అవార్డ్స్	1	1
స్క్రీన్ యాక్టర్స్ గిల్డ్ అవార్డ్స్	4	13
మొత్తం	20	56