చంద్రవంకలు (వంటకం)

చంద్రవంకలు బియ్యం పిండి తో తయారుచేసే ఒక ఆంధ్ర పిండివంట.

చంద్రవంకలు

మూలము
మూలస్థానం	ఆంధ్రప్రదేశ్
వంటకం వివరాలు
ప్రధానపదార్థాలు	బియ్యం పిండి, మైదా

కావలసిన పదార్థాలు

• బియ్యంపిండి - కప్పు
• మైదా - రెండు కప్పులు
• నువ్వులు - పావు కప్పు
• నూనె- వేయించడానికి సరిపడా
• కొబ్బరి కోరు - అరకప్పు
• ఉప్పు - చిటికెడు
• బెల్లం, పంచదార, నెయ్యి - కప్పు చొప్పున
• యాలకులు - ఎనిమిది
• నెయ్యి - కప్పు.

తయారుచేయు విధానము

చంద్రవంకలు

1. బియ్యంపిండి, మైదా, ఉప్పు, కొబ్బరికోరు, యాలకుల పొడి విడిగా ఓ పాత్రలోకి తీసుకుని.. కరిగించిన నెయ్యి వేస్తూ చపాతీపిండిలా కలిపి పెట్టుకోవాలి.
2. అరగంటయ్యాక ఈ పిండిని చిన్నచిన్న ఉండల్లా చేసుకోవాలి.
3. ఒక్కో ఉండను తీసుకుని వత్తుల్లా చేస్తే పొడుగ్గా వస్తాయి. అంచులు పలుచగా ఉండాలి.
4. కొద్దిగా వంచి.. చపాతీ పీటపై ఉంచి.. పలుచగా వత్తితే.. చంద్రవంకలా వస్తుంది. అలా మిగతా వాటినీ చేసుకోవాలి.
5. ఇప్పుడు వెడల్పాటి పాత్రలో బెల్లం, పంచదార, కాసిని నీరు తీసుకుని గట్టిపాకం పట్టాలి.
6. చేసి పెట్టుకున్న చంద్రవంకలపై నువ్వులు చల్లి, నూనెలో బంగారు వర్ణం వచ్చేదాకా వేయించి.. బెల్లం పాకంలో వేయాలి. కాసేపటికి పాకం చంద్రవంకలకు పడుతుంది.
7. ఇవి రుచిగా ఉంటాయి. ఇవి నెలరోజుల దాకా నిల్వ ఉంటాయి.