జల విజ్ఞాన సంస్థానం
ఈ వ్యాసాన్ని ఏ మూలాల నుండి సేకరించిన సమాచారాన్ని ఆధారంగా చేసుకొని వ్రాసారో తెలపలేదు. సరయిన మూలాలను చేర్చి వ్యాసాన్ని మెరుగు పరచండి. ఈ విషయమై చర్చించేందుకు చర్చా పేజీని చూడండి. |
జాతీయ జలవిజ్ఞాన సంస్థానం (National Institute of Hydrology), కేంద్ర జలవనరుల మంత్రిత్వ శాఖ పరిధిలోని ఒక భారత ప్రభుత్వ సంఘము. ఇది 1978నుండి జలవిజ్ఞాన, జలవనరుల రంగాలలో దేశానికే తలమానికమైన సంస్థానంగా ఉన్నది. ఇది స్వయప్రతిపత్తి కలిగి, కేంద్ర జలవనరుల మంత్రిత్వశాఖచే పోషింపబడుతూ, క్రింది లక్ష్యాలను కలిగియున్నది.
1. జలవిజ్ఞానానికి సంబంధించిన అన్ని వ్యవస్థీకృత, శాస్త్రీయ కార్యాలను ప్రారంభించడం, సహాయపడడం, ప్రచారం చేయడం, సమన్వయ పరచడం,
2. జలవిజ్ఞాన రంగానికి చెందిన వివిధ జాతీయ, విదేశీ అంతర్జాతీయ సంస్థలతో కలిసి పనిచేయుట
3. పై లక్ష్యాలకి సంబంధించిన పరిశోధన, సూచనా గ్రంథాలయాన్ని స్థాపించటం, పోషించటం, అందుకు సంబంధించిన గ్రంథాలు, విశ్లేషణలు, పత్రికలు, ఇతర ప్రచురణలను సేకరించటం.
4. ఏ లక్ష్యాలని సాధించుటకై ఈ సంస్థానం ఏర్పడిందో అట్టి లక్ష్యాలసాధనకు ఒక సంస్థగా అవసరమైనవి, ఆకస్మికంగా చేయవల్సినవి, పరిశీలించి జరుపవలసినవి అయినట్టి అన్ని పనులూ చేయటం
ఈ సంస్థానం ప్రధాన కార్యాలయం ఉత్తరాఖండ్ లోని రూర్కీ నందు ఉన్నది. దీనికి బెల్గాం, కాకినాడ, జమ్ము, సాగర్‌లలో ప్రాంతీయ కేంద్రాలు; పాట్నా, గువహతిలలో వరద నిర్వహణా పద్ధతుల అధ్యయన కేంద్రాలు ఉన్నవి.