తాజ్ మహల్ ప్యాలెస్ హోటల్
తాజ్ మహల్ ప్యాలెస్ హోటల్ అనగా ఒక ఫైవ్‌స్టార్ హోటల్, ఇది మహారాష్ట్ర లోని ముంబై లో కొలబా ప్రాంతంలో ఉన్నది. ఇది తాజ్ హోటల్స్, రిసార్ట్స్ అండ్ ప్యాలెస్‌ల యొక్క భాగం, ఈ హోటల్స్ సమూహంలో ఈ హోటల్‌ను అత్యంత ప్రతిష్టాత్మకమైన సంపత్తిగా భావిస్తారు, ఇది 560 రూములను, 44 సూట్లను కలిగి ఉంది.
| తాజ్ మహల్ ప్యాలెస్ హోటల్ | |
|---|---|
 తాజ్ మహల్ ప్యాలెస్ హోటల్ | |
| సాధారణ సమాచారం | |
| ప్రదేశం | ముంబై, మహారాష్ట్ర, భారతదేశం |
| భౌగోళికాంశాలు | 18°55′19″N 72°50′00″E / 18.922028°N 72.833358°E |
| ప్రారంభం | 16-12-1903 |
| సాంకేతిక విషయములు | |
| అంతస్థుల సంఖ్య | తాజ్ మహల్ ప్యాలెస్ లో 7 అంతస్తులు, తాజ్ మహల్ టవర్ లో 22 అంతస్తులు |
| రూపకల్పన, నిర్మాణం | |
| వాస్తు శిల్పి | సిద్ధేష్ ఎస్, సీతారాం ఖండేరావ్ వైద్యా, డి.ఎన్.మీర్జా |
| ఇతర విషయములు | |
| గదుల సంఖ్య | 560 |
| సూట్ల సంఖ్య | 44 |
| రెస్టారెంట్ల సంఖ్య | 11 |
| జాలగూడు | |
| http://www.tajhotels.com/Luxury/Grand-Palaces-And-Iconic-Hotels/The-Taj-Mahal-Palace-Mumbai/Overview.html | |
భారతదేశంలోని మహారాష్ట్ర రాష్ట్ర రాజధాని ముంబయిలోని కొలాబా ప్రాంతంలో ఫైవ్ స్టార్ తాజ్ మహల్ ప్యాలేస్ ఉంది. గేట్ వే ఆఫ్ ఇండియాకు అతి సమీపంలో ఈ హోటల్ కనిపిస్తుంది. మొత్తం 1500 మంది సిబ్బంది తాజ్ మహల్ ప్యాలేస్ హోటల్లో పనిచేస్తున్నారు. చారిత్రకంగా, కళానైపుణ్యాల పరంగా హోటల్ సముదాయమంతా విభిన్నమైన నిర్మాణ నైపుణ్యంతో కనిపిస్తుంది.
భారతదేశంలోనే అత్యున్నత సేవలు అందించే హోటల్ గా దీనికి గుర్తింపు ఉంది. విదేశీ అతిథులు, వివిధ దేశాల అధ్యక్షులు, ప్రఖ్యాత పరిశ్రమల ఛైర్మన్లు, సినితారలు, వ్యాపార ప్రముఖులు ఈ హోటల్లోనే బస చేస్తుంటారు.[1]
చరిత్ర
మార్చు
ఈ హోటల్ లో అసలైన భవనాన్ని జెమ్సెడ్జీ టాటా 1903, డిసెంబరు 16న ప్రారంభించారు. అప్పటికే ముంబయిలో ఉన్న ప్రఖ్యాత గ్రాండ్ వాట్సన్ హోటళ్లో తెల్లవారికి తప్ప ఇతరులను రానిచ్చే వారు కాదు. దీంతో టాటా భారతీయలకు అంకితమిస్తూ ఈ హోటల్ నిర్మాణం చేపట్టారు. సీతారాం ఖండేరావు, డి.ఎన్.మీర్జా అనే ప్రఖ్యాత భారతీయ ఆర్కిటెక్చర్లు ఈ హోటల్ నిర్మాణానికి డిజైన్ చేయగా, ఆంగ్ల ఇంజినీరు డబ్ల్యు.ఎ.చాంబర్స్ నిర్మాణాన్ని పూర్తి చేశారు. ఖాన్ సాహెబ్ సొరబ్జీ రుట్టోన్జీ అనే కాంట్రాక్టర్ నిర్మించిన అందమైన మెట్లకు రూపకల్పన చేశారు.
దీని నిర్మాణ వ్యయం £250,000(నేటి విలువ £127 మిలియన్లు).[2] మొదటి ప్రపంచ యుద్ధ కాలంలో ఈ హోటల్ ను 600 పడకల ఆస్పత్రిగా మార్చారు.[3] తాజ్ మహల్ హోటల్లో అదనపు విభాగపు టవర్ ను 1973[4] లో ప్రారంభించారు దీనిని మెల్టన్ బెక్కర్ డిజైన్ చేశారు.[5]
2008 దాడి
మార్చు
హోటల్ చరిత్రలో నవంబరు 26, 2008 ఒక దుర్దినం. లష్కరే తోయిబాకు చెందిన ఇస్లామిక్ తీవ్రవాదులు తాజ్ మహల్ (ఒబెరాయ్ కూడా) హోటల్ పై దాడికి దిగారు. ఈ ఘటనలో హోటల్ నిర్మాణం, పైకప్పు దెబ్బతిన్నాయి.[6] విదేశీయులతో సహా హోటల్లో దిగిన దాదాపు 167 మంది అతిథులు ప్రాణాలు కోల్పోయారు. క్షతగాత్రుల్లో చాలా మంది భారతీయులే ఉన్నారు. భారత కమెండోలు మూడు రోజుల పాటు జరిపిన ఆపరేషన్ లో సాయుధులైన ఉగ్రవాదులందరినీ తుదముట్టించారు. ఒక్క తాజ్ లోనే 31 మంది చనిపోయారు. తాజ్ మహల్ ప్యాలేస్ హోటల్లో ఆ సమయంలో సుమారు 450 మంది ఉన్నారు.[7]
ఇంతటి దుర్ఘటన నుంచి హోటల్ కొద్ది కాలంలోనే ఈ చారిత్రక భవనాన్ని తిరిగి పునరుద్దరించారు.[8] జూలై 2009లో భారత్-అమెరికా సంబంధాలను పటిష్టం చేసుకునేందుకు మన దేశానికి వచ్చిన అమెరికా విదేశాంగ మంత్రి హిల్లరీ క్లింటన్ తాజ్ హోటల్లో బస చేశారు. ఈ సందర్భంగా ఆమె మాట్లాడుతూ “ముంబయిలో జరిగిన ఉగ్రవాదుల దాడిలో మరణించిన వారికి, హోటల్ సిబ్బందికి, అతిథులకు తమ దేశం తరపున ప్రగాఢ సంతాపం, సానుభూతి తెలియజేస్తున్నాను." అని అన్నారు.[9] భారత దేశ స్వాతంత్ర్య దినమైన ఆగస్టు 15, 2010 నాడు తాజ్ మహల్ ప్యాలేస్ ను పూర్తి స్థాయిలో తిరిగి ప్రారంభించారు. ఈ హోటల్ పునరుద్దరనకు 1.75 బిలియన్ల రూపాయలు ఖర్చు చేశారు.[10] అదేవిధంగా అమెరికా అధ్యక్షుడు బరాక్ ఒబామా కూడా నవంబరు 6, 2010 నాడు తాజ్ హోటల్లో బస చేశారు. దాడుల తర్వాత ఒక విదేశి అధ్యక్షుడు హోటల్లో బస చేయడం ఇదే ప్రథమం. ఈ సందర్భంగా హోటల్ దాబాపై జరిగిన సమావేశంలో ఒబామా మాట్లాడుతూ “ తాజ్ హోటల్ అనేది భారతీయుల బలానికి, నైపుణ్యాలకు ప్రతీక” అని కొనియాడారు.[11]
మీడియాలో
మార్చు- విలియం వారెన్, జిల్ గోచర్(2007).ఆసియాలో దిగ్గజ హోటల్స్: రొమాన్స్ ఆఫ్ ట్రావెల్. సింగపూర్: పెరిప్లస్ ఎడిసన్స్. ఐ.ఎస్.బి.ఎన్ 978-0-7946-0174-4.
- భారతీయ రచయిత సుల్తాన్ రసీద్ మిర్జా రచించిన “సాహేబ్ బహదూర్” తన చిన్న కథలో తాజ్ గురించి రాశారు. అదేవిధంగా ఫర్ హాత్ ఉల్లా బేగ్ రచించిన డెలిన్ క్వింట్ అనే నవలలో, వేద్ మెహెతా రచించిన చాచా నవలలో కూడా తాజ్ గురించి పేర్కొన్నారు.[12]
- తరయాంచే బేట్ అనే మరాఠీ సినిమాలో స్కూల్ పిల్లవానికి తాజ్ హోటల్ ను సందర్శించడం ఒక స్వాప్నిక లక్ష్యంగా చూపించారు.
- హోటల్ గ్రాండ్ ప్యాలేస్ కు మరో పేరే హోటల్ తాజ్ మహల్. చాలామంది ప్రజలు, రచయితలు, నవలాకారులు ఈ పేరునే వాడుతున్నారు.
- తాజ్ హోటల్ అనేది “ముంబయి సంపద” అని ప్రఖ్యాత ది టైమ్స్ ఆఫ్ ఇండియా సంపాదకులు వ్యాఖ్యానించారు.[13]
చిత్రమాలిక
మార్చు-
తాజ్ మహల్ ప్యాలెస్ హోటల్ యొక్క ఒక రాత్రి వీక్షణ -
అరేబియా సముద్రం నుండి హోటల్, గేట్‌వే ఆఫ్ ఇండియా యొక్క వీక్షణ. -
తాజ్ మహల్ ప్యాలెస్ హోటల్ యొక్క ఒక రాత్రి వీక్షణ -
తాజ్ మహల్ ప్యాలెస్ హోటల్, వెస్ట్ సైడ్ వ్యూ
సూచనలు
మార్చు- ↑ Allen, Charles (3 December 2008). "The TajMahal hotel will, as before, survive the threat of destruction". The Guardian (London). Retrieved 24 May 2010.
- ↑ Gray, Sadie (27 November 2008). "Terrorists target haunts of wealthy and foreign". The Guardian (London). Retrieved 24 May 2010.
- ↑ "10 things to know about the Taj Mahal Palace Hotel". vogue.in. 5 Jan 2012.
- ↑ "The story of Taj". Business.com. December 17, 2011.
- ↑ "The Taj Mahal Palace & Tower". Architecturaldigest.com.[permanent dead link]
- ↑ Ramesh, Randeep (27 November 2008). "Dozens still held hostage in Mumbai after a night of terror attacks". London: The Guardian. Retrieved 28 November 2008.
{{cite web}}: CS1 maint: numeric names: authors list (link) - ↑ "Timeline: Mumbai under attack". BBC News. 1 December 2008. Retrieved 3 December 2008.
- ↑ "TajMahal Hotel chairman: We had warning". CNN. 29 November 2008. Archived from the original on 4 డిసెంబర్ 2013. Retrieved 6 September 2013.
{{cite web}}: Check date values in:|archive-date=(help) - ↑ Mohammed, Arshad (18 July 2009). "Clinton meets Mumbai victims, serenaded by artisans". Reuters (Mumbai). Archived from the original on 13 మార్చి 2014. Retrieved 14 నవంబరు 2014.
{{cite web}}: CS1 maint: numeric names: authors list (link) - ↑ "HNN Newswire".
- ↑ "Obama visits site of Mumbai attacks, praises India's resilience". Los Angeles Times. 4 July 2011.
- ↑ "About The Taj Mahal Palace And Tower". Cleartrip.com.
- ↑ Leadbeater, Chris (26 August 2014). "Hotel India: Mumbai's TajMahal Palace leaves its darker days behind". The Independent. Archived from the original on 28 ఆగస్టు 2014. Retrieved 28 August 2014.
{{cite web}}: CS1 maint: numeric names: authors list (link)
బాహ్య లింకులు
మార్చు