థామస్ జార్జ్ రూథర్‌ఫర్డు
సర్ థామస్ జార్జ్ రూథర్‌ఫర్డు (సెప్టెంబరు 26, 1886 – 1957[1]), భారతదేశంలో బ్రిటీషు ఐ.సి.ఎస్ అధికారి, స్వాతంత్ర్యానికి పూర్వపు బీహారు రాష్ట్ర గవర్నరు. కన్నెగంటి హనుమంతును హతమార్చి పుల్లరి సత్యాగ్రహాన్ని, అల్లూరి సీతారామరాజును హతమార్చి మన్యం తిరుగుబాటును అణచివేసిన బ్రిటీషు జనరల్ గా తెలుగు ప్రజలకు రూథర్‌ఫర్డ్ చిరపరిచితుడు.
| సర్ థామస్ జార్జ్ రూథర్‌ఫర్డు | |||
| పదవీ కాలం 24 ఏప్రిల్ 1944 – 12 మే 1946 | |||
| ముందు | సర్ ఫ్రాన్సిస్ మూడీ | ||
|---|---|---|---|
| తరువాత | థామస్ అలెగ్జాండర్ స్టూవర్ట్ | ||
| పదవీ కాలం 3 ఫిబ్రవరి 1943 – 6 సెప్టెంబరు 1943 | |||
| ముందు | నిత్యానంద్ కనుంగో | ||
| తరువాత | సర్ ఫ్రాన్సిస్ మూడీ | ||
వ్యక్తిగత వివరాలు
|
|||
ఇంగ్లాండులో పుట్టిన రూథర్‌ఫర్డు ఎడిన్‌బరోలోని జార్జి వాట్సన్ కళాశాలలో, ఎడిన్‌బరో విశ్వవిద్యాలయాలలో విద్యాభ్యాసం చేశాడు. 1907లో ఎడిన్‌బరో విశ్వవిద్యాలయం నుండి ఎం.ఏ డిగ్రీతో పట్టభద్రుడయ్యాడు. ఆ తరువాత బ్రిటీషు పాలనలో ప్రభుత్వోద్యోగిగా భారతదేశం వచ్చాడు. 1912లో బరంపురంలో సబ్‌కలెక్టరుగా పనిచేశాడు. అక్కడ పనిచేసే రోజుల్లో ఈయనకు వరాహగిరి వెంకట జోగయ్య వంటి స్థానిక న్యాయవాదులతో సన్నిహిత సంబంధాలు ఉండేవి. మన్యం తిరుగుబాటు కాలంలో ఏజెన్సీ వ్యవహారాల ప్రత్యేక కమీషనరుగా పనిచేశాడు. ఈయన గుంటూరు, గోదావరి, గంజాంలతో పాటు మద్రాసు ప్రెసిడెన్సీలోని అనేక జిల్లాలలో కలెక్టరుగా పనిచేశాడు. గంజాం జిల్లా కలెక్టరుగా పనిచేస్తూ 1921లో జిల్లా వ్యవహారాలపై నివేదికనందిస్తూ, గంజాం జిల్లాను ఒడిషా రాష్ట్రంలో చేర్చాలని సిఫారసు చేశాడు కానీ, అప్పటి మద్రాసు గవర్నరు ఋషికుల్య నది ఒరియా ప్రాబల్యానికి సహజమైన దక్షిణ సరిహద్దు అని పట్టుబట్టాడు.1939 నుండి 1943 వరకు మద్రాసు గవర్నరు యొక్క ప్రత్యేక సలహాదారుగా పనిచేశాడు. రూథర్‌ఫర్డ్ 1943 ఫిబ్రవరి 3 నుండి సెప్టెంబరు 6 వరకు, తిరిగి 1944 ఏప్రిల్ 24 నుండి 1946 మే 12 వరకు రెండు పర్యాయాలు బీహారు రాష్ట్ర గవర్నరుగా పనిచేశాడు.[2] ఆ రెండు పర్యాయాల మధ్య కాలంలో (1943 సెప్టెంబరు 6 నుండి 1944 జనవరి 21 వరకు), అప్పటి బెంగాలు గవర్నరు జాన్ హెర్బర్ట్ అనారోగ్య కారణాలవళ్ల రాజీనామా చేయగా రూథర్‌ఫర్డు బెంగాలు రాష్ట్ర ఆపద్ధర్మ గవర్నరుగా బాధ్యతలు నిర్వహించాడు. బీహారు రాష్ట్ర గవర్నరుగా ఆదివాస ప్రజల వ్యవహారాలలో భారతప్రభుత్వం కలుగజేసుకోకూడదని వాదించాడు.
1946 సంవత్సరపు మే నెలలో ఆరోగ్యకారణాల వల్ల తనకు పదవీ విరమణ కల్పించవలసినదిగా బ్రిటీషు చక్రవర్తిని అర్ధించాడు. ఈయన పదవీ విరమణను రాజు అంగీకరించడంతో శేష జీవితాన్ని గడపడానికి మాతృదేశమైన ఇంగ్లాండు తిరిగివెళ్ళాడు.
మూలాలు
మార్చు- ↑ http://www.oxforddnb.com/public/themes/93/93241.html
- ↑ "ఆర్కైవ్ నకలు". Archived from the original on 2008-02-04. Retrieved 2008-01-19.