బల్లాల సేన
బల్లాల సేన లేదా బల్లాల్ సేన్ (1160–1179), ప్రాంతీయ సాహిత్యంలో బల్లాల్ సేన్ అని కూడా పిలుస్తారు, భారత ఉపఖండంలోని బెంగాల్ ప్రాంతానికి చెందిన సేనా రాజవంశం లోరెండవ పాలకుడు. [1] అతను విజయ సేన యొక్క కుమారుడు. ఇతను గోవింద పాలను ఓడించి పాల సామ్రాజ్యాన్ని అంతం చేశాడు. [2] బల్లాల సేన పశ్చిమ చాళుక్య సామ్రాజ్యం యొక్క యువరాణి రమాదేవిని వివాహం చేసుకున్నాడు. ఇది సేన పాలకులు దక్షిణ భారతదేశంతో సన్నిహిత సామాజిక సంబంధాన్ని కొనసాగించినట్లు సూచిస్తుంది.
| బల్లాల సేన | |
|---|---|
| పరిపాలన | 1160 – 1179 |
| పూర్వాధికారి | విజయ సేన |
| ఉత్తరాధికారి | లక్ష్మన సేన |
| Spouse | రమాదేవి |
| రాజవంశం | సేనా రాజవంశం |
| తండ్రి | విజయ సేన |
అతను అత్యంత ప్రసిద్ధ సేన పాలకుడు. మొత్తం రాజ్యాన్ని ఏకీకృతం చేశాడు. అతను ఉత్తర బెంగాల్ విజయాన్ని పూర్తి చేసి ఉండవచ్చు. మగధ రాజ్యం, మిథిలను కూడా జయించి ఉండవచ్చు. బెంగాల్‌లోని ఒక సంప్రదాయం ప్రకారం, బల్లాల సేన యొక్క సామ్రాజ్యం అనేక కూటములుగా కలిగి ఉంది:
- వంగ,
- వరేంద్ర,
- కామరూప,
- రార్,
- మిథిలా,
- ఢిల్లీ
- బగ్రీ (పంజాబ్, రాజస్థాన్, హిమాచల్, హర్యాన్వి) [4] [5] [6]
బల్లాల్ సేన్ బెంగాల్ రాజకుటుంబం నుండి వచ్చారు, అతను ఢిల్లీకి వెళ్ళినప్పుడు అతనిని హిందూస్థాన్ చక్రవర్తిగా ప్రకటించబడ్డాడు. [7] కానీ ఈ ప్రాంతం నుండి మనుగడలో ఉన్న రెండు శాసనాలు లేదా అతనికి ఆపాదించబడిన రెండు గొప్ప సాహిత్య రచనలు అయిన దన్ సాగర్, అద్భుత సాగర్, అతని సైనిక విజయాలను సూచించలేదు. మరోవైపు, ఇవి అతని పాండిత్య కార్యకలాపాలు, సామాజిక సంస్కరణలను సూచిస్తాయి. బల్లాల సేన బెంగాల్‌లో సనాతన హిందూ ఆచారాల పునరుద్ధరణతో సంబంధం కలిగి ఉంది, ప్రత్యేకించి బ్రాహ్మణులు, కాయస్థులలో కులాల యొక్క ప్రతిచర్య సంప్రదాయాన్ని స్థాపించడంతో బ్రాహ్మణులు కులీన శ్రోత్రియ సప్తసతిగా వర్గీకరించబడ్డారు; కాయస్థులు పాలకులుగా వర్గీకరించబడ్డారు, కానీ చారిత్రక ప్రామాణికత లేదు. చాళుక్య యువరాణి రమాదేవితో అతని వివాహం, తన తండ్రి నుండి సంక్రమించిన రాజ్యాన్ని కొనసాగించినట్లు సూచిస్తుంది, ఇందులో ప్రస్తుత బంగ్లాదేశ్, మొత్తం పశ్చిమ బెంగాల్, మిథిల అంటే ఉత్తర బీహార్‌లోని కొన్ని ప్రాంతాలు ఉన్నాయి. అద్భుత సాగరలోని ఒక నిగూఢ వృత్తాంతం ప్రకారం, బల్లాల సేన తన రాణితో పాటు, తన వృద్ధాప్యంలో గంగా, యమునా సంగమానికి చేరుకొని తన కుమారుడైన లక్ష్మణ సేనకు రాజ్యాన్ని అప్పగించినట్లు తెలుస్తున్నది. అటుపై లక్ష్మన సేన అతని సాహిత్యాన్ని పూర్తి చేయడం బాధ్యత వహించాడు.
సేన ఎపిగ్రాఫ్ ప్రకారం, బల్లాల ఒక రచయిత. ఇతడు 1168లో దానసాగరాన్ని రచించాడు [8]. 1169 లో, అతను అద్భుతసాగర రచన ప్రారంభించాడు కానీ పూర్తి చేయలేదు. [1] అద్భుతసాగరంలో, విజయ సేన జీవించి ఉండగానే బల్లాల సేన మిథిలాను జయించినట్లు ప్రస్తావించబడింది. [9] అంతేకాకుండా అతను కులనిజం యొక్క అభ్యాసాన్ని ప్రవేశపెట్టాడు. [1]
మూలములు
మార్చు- ↑ 1.0 1.1 1.2 Misra, Chitta Ranjan (2012). "Vallalasena". In Islam, Sirajul; Jamal, Ahmed A. (eds.). Banglapedia: National Encyclopedia of Bangladesh (Second ed.). Asiatic Society of Bangladesh.
- ↑ Sen, Sailendra Nath (2013). A Textbook of Medieval Indian History. Primus Books. pp. 35–36. ISBN 978-93-80607-34-4.
- ↑ Land of Two Rivers: A History of Bengal from the Mahabharata to Mujib by Nitish K. Sengupta p.51
- ↑ Gusain, Lakhan: Reflexives in Bagri. Jawaharlal Nehru University, New Delhi, 1994
- ↑ Gusain, Lakhan: Limitations of Literacy in Bagri. Nicholas Ostler & Blair Rudes (eds.). Endangered Languages and Literacy. Proceedings of the Fourth FEL Conference. University of North Carolina, Charlotte, 21–24 September 2000
- ↑ Gusain, Lakhan: Bagri Grammar. Munich: Lincom Europa (Languages of the World/Materials, 2000, p. 384
- ↑ Asiatic Journal and Monthly Register for British and Foreign India, China and Australasia (in ఇంగ్లీష్). Wm. H. Allen & Company. 1835.
- ↑ Phyllis Granoff, My Rituals and My Gods: Ritual Exclusiveness in Medieval India, Journal of Indian Philosophy, Vol. 29, No. 1/2, Special issue: Ingalls Festschrift (April 2001), pp. 109-134
- ↑ Chowdhury, AM (2012). "Sena Dynasty". In Islam, Sirajul; Jamal, Ahmed A. (eds.). Banglapedia: National Encyclopedia of Bangladesh (Second ed.). Asiatic Society of Bangladesh.