మారన

మారన (ఆంగ్లము: Marana) తిక్కన శిష్యుడు,
తెలుగులో తొలి పురాణమును అనువదించిన కవి.
ఇతను తన మార్కండేయ గ్రంథాన్ని కాకతీయ సామ్రాజ్యంలో కాకతీయ ప్రభువైన ప్రతాపరుద్రుని సేనాని అయిన గన్నయనాయకునికి మాలిక్ మక్బూల్ అంకితమిచ్చాడు.
ప్రతాపరుద్రుడు సా.శ.1295 నుండి సా.శ.1326 వరకూ పరిపాలించాడు.
మారన కూడా ఆకాలం వాడే.
మారన మార్కండేయ పురాణంని 2547 గద్యపద్యాలుగా రచించాడు.
మారన ప్రాంతమును పూర్తిగా నిర్ధారించడానికి సరి అయిన ఆధారాలు లభించలేదు, కానీ ఆరుద్ర గారు మాత్రం తెలంగాణా ప్రాంతపు గోదావరి నదీ తీరం వాడని ఇతని రచనలోని ఓ పద్యాన్ని బట్టి ఊహించారు.
హరశ్చంద్రోపాఖ్యానము కథయు, మనుచరిత్రమను కథయు మార్కండేయపురాణమునుండి గ్రహించినవే
మారన కవిత్వం సలక్షణమయినదిగాను, మృదువుగాను ఉండును
మారనకవి నాగయగన్ననిని నీతి యుగంధరుడు అని చెప్పెను
మారన తనయాశ్వాసాంత గద్యములయందు శ్రీమదుభయకవిమిత్ర తిక్కనసోమయాజి ప్రసాదలబ్ద సరస్వతీపాత్ర తిక్కనామాత్యపుత్ర మారయనామధేయ ప్రనీతం అని చెప్పెను
కృత్యాదిని కృతి నాయకుని వర్ణించుచూ నాతనిగూర్చి ఈ క్రింది పద్యంలో వివరించెను

చం. ఎలమిన్ బ్రతాపరుద్రమనుకజేంద్రునిచేన్ బడసిం ప్రవీణున్ డై
కొలిచియు శౌర్యలీల రిపుకోటి రణావనిన్ గీటడంచియున్
బలరిపుతుల్యవిక్రము(డు నాగయగన్న విభుండు తేజమున్
విలసితరాజ్య చిహ్నములు విశ్రుతలక్ష్మియు నాయకత్వమున్ అని చెప్పెను.

ఈ కృతిపతి కేలికయైన ప్రతాపరుద్రుడు కాకతీయ వంశభూషణుడై జగత్ప్రసిద్ధుడయి యుండినవాడు.