రవి కల్పన

రవి వెంకటేశ్వర్లు కల్పన ఆంధ్రప్రదేశ్కు చెందిన క్రికెట్ క్రీడాకారిణి. భారత మహిళల జాతీయ క్రికెట్ జట్టులో వికెట్ కీపర్‌గా, కుడిచేతి వాటం బ్యాటర్‌గా తన జాతీయ స్థాయి కెరీర్‌ను ప్రారంభించింది.

రవి కల్పన

వ్యక్తిగత సమాచారం
పూర్తి పేరు	రవి వెంకటేశ్వర్లు కల్పన
పుట్టిన తేదీ	(1996-05-05) 1996 మే 5 కృష్ణా జిల్లా, ఆంధ్రప్రదేశ్
బ్యాటింగు	కుడిచేతి వాటం
బౌలింగు	కుడిచేతి ఆఫ్ బ్రేక్
పాత్ర	వికెట్ కీపర్
అంతర్జాతీయ జట్టు సమాచారం
జాతీయ జట్టు	భారతదేశం
తొలి వన్‌డే (క్యాప్ 115)	2015 జూన్ 28 - న్యూజీలాండ్ తో
చివరి వన్‌డే	2016 ఫిబ్రవరి 19 - శ్రీలంక తో
దేశీయ జట్టు సమాచారం
Years	Team
2010/11–2015/16	ఆంధ్రప్రదేశ్
2019	ట్రైల్‌బ్లేజర్స్
కెరీర్ గణాంకాలు
పోటీ వన్డే మ్యాచ్‌లు 7 చేసిన పరుగులు 4 బ్యాటింగు సగటు 2.00 100లు/50లు 0/0 అత్యుత్తమ స్కోరు 3 క్యాచ్‌లు/స్టంపింగులు 4/1
మూలం: Cricinfo, 17 జనవరి 2020

వ్యక్తిగత జీవితం

రవి కల్పన 1996, మే 5న ఆంధ్రప్రదేశ్ లోని కృష్ణా జిల్లాలో జన్మించింది. తండ్రి ఆటో రిక్షా డ్రైవర్ కాగా, కల్పన తన చిన్న వయస్సులోనే పెళ్ళి చేయకుండా తన తల్లిదండ్రులను ఒప్పించడానికి చాలా కష్టపడింది: "నా కుటుంబాన్ని ఒప్పించి, దాదాపు ఆకస్మికంగా జరిగే నా వివాహాన్ని ఆపడం నా అత్యంత గుర్తుండిపోయే విజయం", అని ఆమె అంది.

కల్పన ఇండియన్ రైల్వేస్‌లో పనిచేస్తూ విజయవాడలో నివసిస్తుంది. విజయవాడలోని నలందా డిగ్రీ కళాశాలలో బి.కాం. డిగ్రీ పూర్తిచేసింది.

క్రికెట్ రంగం

ఆంధ్రప్రదేశ్ క్రికెట్ అసోసియేషన్ నుండి 4000 రూపాయల భత్యంతో రాష్ట్ర జట్టుకు ఆడటం ద్వారా ఆమె తన కెరీర్‌ను ప్రారంభించింది.

మొదట్లో అండర్ 16 జట్టుకు సౌత్ జోన్ విభాగంలో భాగమైంది. 2011లో అండర్ 19 జట్టుకు, 2012లో ఇండియా గ్రీన్ టీమ్‌కు, 2014లో సీనియర్ సౌత్ జోన్ జట్టుకు ఆడింది. ఆ తర్వాత 2015లో భారత మహిళల క్రికెట్ జట్టుకు ఎంపికైంది. ఆ తర్వాత 2015లో న్యూజిలాండ్‌తో జరిగిన మ్యాచ్‌లో అంతర్జాతీయ క్రికెట్ లోకి అరంగేట్రం చేసింది.

బయటి లింకులు

• రవి కల్పన at ESPNcricinfo