రవి వీరెల్లి

కవిగా, వాకిలి అంతర్జాల పత్రిక సంపాదకునిగా తెలుగు సాహిత్యలొకానికి పరిచయమయిన రవి వీరెల్లి పూర్తి పేరు వీరెల్లి రవిందర్ రెడ్డి.

రవి వీరెల్లి
రవి వీరెల్లి
జననం	జూన్ 16 కరీంనగర్ జిల్లా శంకరపట్నం మండలం ఆముదాలపల్లి గ్రామం
నివాస ప్రాంతం	వర్జీనియా
ఇతర పేర్లు	వీరెల్లి రవిందర్ రెడ్డి
వృత్తి	సాఫ్ట్ వేర్ ఇంజినీర్
ప్రసిద్ధి	తెలుగు కవి, సంపాదకుడు
భార్య / భర్త	సుచరిత
పిల్లలు	అభినవ్, అపూర్వ్
తండ్రి	కొమురా రెడ్డి
తల్లి	రాజేశ్వరి

జీవితవిశేషాలు

రవి వీరెల్లి కరీంనగర్ జిల్లా శంకరపట్నం మండలంలోని ఆముదాలపల్లి గ్రామంలో జన్మించాడు. నాగపూర్ యూనివర్సిటీ నుండి ఇంజనీరింగ్ పట్టా తీసుకున్నాక ఢిల్లీలో కొన్నాళ్ళు, ఆ తర్వాత హైదరాబాద్ లో కొన్నాళ్ళ పాటు పనిచేసి అమెరికా వెళ్ళారు. ప్రస్తుతం వర్జీనియాలో ఐ.టి. మేనేజర్ గా పనిచేస్తున్నారు. 2012లో "దూప", 2017లో "కుందాపన" కవితా సంకలనాలని ప్రచురించారు. 2020లో రవి, స్వాతికుమారి కలిసి హెమింగ్వే నవలని "అతడే ఒక సముద్రం" పేరుతో తెలుగులోకి అనువాదం చేశారు. 2012 నుండి వాకిలి మాస పత్రిక సంపాదక బాధ్యతలు నిర్వహిస్తున్నారు. అమెరికా తెలుగు సంఘం వారు ప్రచురించే “అమెరికా భారతి” పత్రికకి కూడా సంపాదకునిగా వ్యవహరిస్తున్నారు. 2013 నాట్స్ సావనీర్ కి, 2014 ఆటా సావనీర్ కి సంపాదకత్వం వహించారు.

రచనలు

1. దూప 2012 (కవిత్వం)
2. కుందాపన 2017 (కవిత్వం)
3. అతడే ఒక సముద్రం 2020 (అనువాదం)