రోహిణి మరియం ఇడికల

రోహిణి మరియం ఇడికుల (ఆంగ్లం: Rohini Mariam Idicula) ఒక భారతీయ నటి, వ్యాఖ్యాత, మోడల్. ఆమె మలయాళ చిత్రాలలో నటించినందుకు ప్రసిద్ధి చెందింది.

రోహిణి మరియం ఇడికుల
జననం	నీరట్టుపురం, తిరువల్ల, కేరళ, భారతదేశం
జాతీయత	భారతీయురాలు
విద్య	ప్రభుత్వ న్యాయ కళాశాల, ఎర్నాకులం
వృత్తి	మోడల్, నటి, టెలివిజన్ యాంకర్
క్రియాశీల సంవత్సరాలు	2013–ప్రస్తుతం
తల్లిదండ్రులు	ఇడికుల మాథ్యూ బీనా మాథ్యూ
పురస్కారాలు	ఇంప్రెసారియో మిస్ కేరళ 2007 2వ రన్నర్స్ అప్ : మిస్ నేవీ క్వీన్ 2002

ఆమె 2002లో 2వ రన్నరప్ నేవీ క్వీన్ గా పట్టాభిషేకం చేయబడింది, అదే సంవత్సరంలో ఆమె 10వ ర్యాంక్ తో రాష్ట్ర స్థాయి న్యాయ ప్రవేశ పరీక్షలో ఉత్తీర్ణత సాధించింది. తరువాత ఆమె ఇంప్రెసారియో మిస్ కేరళ 2007 గా కిరీటాన్ని పొందింది.

విమర్శకుల ప్రశంసలు పొందిన దక్షిణ భారత అవంత్ గార్డే చిత్రం 'కర్మ కార్టెల్' లో ఆమె ప్రధాన పాత్ర పోషించింది, ఇది యుఎస్, కెనడా, ఇటలీ అంతటా అనేక ప్రఖ్యాత చలన చిత్రోత్సవాలలో ప్రదర్శించబడింది. ఇది కెనడియన్ ఇంటర్నేషనల్ ఫిల్మ్ ఫెస్టివల్ చలనచిత్ర నిర్మాణంలో అత్యుత్తమ అవార్డులను, నెవాడాలో అమెరికన్ మూవీ అవార్డులలో తొలి దర్శకుడు అవార్డును గెలుచుకుంది.

మలయాళ సస్పెన్స్-థ్రిల్లర్ 'నీ కో నజా చా' లో ఆమె అరంగేట్రం చేసింది. ఆ చిత్రంలో పూజితా మీనన్, సిజా రోజ్, పార్వతి నాయర్ లతో పాటు ఆమె కథానాయికగా నటించింది.

ప్రారంభ జీవితం

రోహిణి మరియం ఇడికుల 1984లో జన్మించింది. ఆమె కేరళ తిరువల్లలోని నీరాట్టుపురం అనే ప్రదేశానికి చెందినది. ఆమె ఇడికల మాథ్యూ, బీనా మాథ్యూలకు చిన్న కుమార్తెగా జన్మించింది. ఆమె తండ్రి నైజీరియాలో లీ ప్లాస్టిక్లకు చీఫ్ అకౌంటెంట్ గా పనిచేసాడు, కాగా తల్లి ఇంటిని నిర్వహించేది.

కొచ్చిన్ నగరంలో పెరిగిన ఆమె, చిన్మయ విద్యాలయలో చదువుకుంది. ఆమె ఎర్నాకుళం లోని ప్రభుత్వ న్యాయ కళాశాల నుండి న్యాయశాస్త్రంలో బ్యాచిలర్ డిగ్రీని (ఎల్ఎల్. బి.), యునైటెడ్ కింగ్‌డమ్ లోని వార్విక్ విశ్వవిద్యాలయం నుండి మానవ హక్కులలో మాస్టర్స్ ని అభ్యసించింది.

కెరీర్

ఆమె విద్యార్హత ప్రకారం న్యాయవాది, వృత్తిరీత్యా మోడల్, వీడియో జాకీ. ఆమె నేవీ క్వీన్ 2002లో 2వ రన్నరప్ స్థానం, అందాల పోటీల్లో పర్ఫెక్ట్ 10తో పాటు మిస్ కేరళ 2007 టైటిల్‌ను గెలుచుకోవడం ద్వారా విజయవంతమైన మోడల్‌గా నిరూపించబడింది.

ఆమె టీవీ వాణిజ్య ప్రకటనలలో నటించడం ద్వారా, చాట్ షోలను హోస్ట్ చేయడం ద్వారా చిన్న తెరపై కనిపించింది. ఆమె నిర్వహించిన మొట్టమొదటి ప్రదర్శన టాటా మోటార్స్ కార్పొరేట్ ఈవెంట్.

కప్పా టీవీలో 'స్టార్ జామ్' అనే చాట్ షోను హోస్ట్ చేయడం ద్వారా ఆమె విజయవంతమైన వీజేగా కూడా పేరు తెచ్చుకుంది. ఆమె విమర్శకుల ప్రశంసలు పొందిన 'కర్మ కార్టెల్', మలయాళ చిత్రం 'నీ కో నజా చా' లలో నటించింది.

ఫిల్మోగ్రఫీ

సంవత్సరం	సినిమా	దర్శకుడు	భాష
2013	నీ కో న్జా చా	గిరీష్	మలయాళం
2015	కర్మ కార్టెల్	వినోద్ భరతన్	మలయాళం

గుర్తింపు

• 2001-నేవీ క్వీన్ 2001:2 వ రన్నర్స్ అప్
• 2007-ఫెమినా మిస్ కేరళ 2007