వజ్రాసనము

వజ్రాసనము (సంస్కృతం: वज्रासन) యోగాలో ఒక విధమైన ఆసనము.సంస్కృత భాషలో 'వజ్ర' అనగా దృఢం అని అర్థం. వజ్రాసన భంగిమను దాల్చిన యోగసాధకులు దృఢమైన చిత్తానికి ప్రతినిధులుగా కనిపిస్తారు. తదనుగుణంగా ఈ ఆసనానికి వజ్రాసనమనే పేరు వచ్చింది. పద్మాసనం రానివారికి ఈ ఆసనం ధ్యానానికి ఉపయోగపడుతుంది.
క్రమంతప్పకుండా వజ్రాసనాన్ని ప్రతిరోజు చేస్తున్న పక్షంలో దేహానికి పటుత్వం, స్థిరత్వం ఏర్పడుతుంది.

వజ్రాసనం.

పద్ధతి

• తొలుత సుఖాసన స్థితిని పొందాలి
• నిటారుగా కూర్చోవాలి.
• రెండు కాళ్లను ముందుకు చాపుకోవాలి.
• ఒకదాని తరువాత మరొకటిగా కాళ్లను లోపలికి లాక్కోవాలి.
• వాటిని ఆసనానికి ఇరువైపులా చేర్చాలి.
• పాదం కింది భాగం (అరికాలు) పైకి కనపడేలా ఉంచుకోవాలి.
• మోకాలు నుంచి పాదం పైభాగం వరకు మొత్తం నేలను తాకేలా చూసుకోవాలి.
• పైకి కనపడేలా పెట్టుకున్న పాదం కింది భాగంపై ఆసనాన్ని ఉంచాలి.
• వెనుకభాగం వైపున్న రెండు కాలి వేళ్ల మొనలు సరిసమానంగా ఉండాలి.
• అలాగే రెండు మోకాళ్లు ఒకదానికొకటి దగ్గరగా తీసుకురావాలి.
• రెండు అరచేతులను మోకాళ్లపై ఉంచాలి.
• తలపైకెత్తి సూటిగా ముందుకు చూడాలి.
• వజ్రాసనంలో ఉన్నంతసేపూ నిటారుగా ఉండాలి.

వికీమీడియా కామన్స్‌లో

Asana

కి సంబంధించిన మీడియా ఉంది.