వీరాంజనేయ జలాశయం
వీరాంజనేయ జలాశయం అనేది తెలంగాణ రాష్ట్రం, వనపర్తి జిల్లా, రేవల్లి మండలంలోని ఏదుల గ్రామంలో నిర్మించిన జలాశయం. పాలమూరు – రంగారెడ్డి ఎత్తిపోతల పథకంలో భాగంగా నిర్మించిన ఈ జలాశయం 6.5 టీఎంసీల సామర్థ్యాన్ని కలిగివుంది.[1]
| వీరాంజనేయ జలాశయం | |
|---|---|
| ప్రదేశం | రేవల్లి మండలం, వనపర్తి జిల్లా |
| స్థితి | నిర్మాణంలో ఉంది |
| యజమాని | తెలంగాణ ప్రభుత్వం |
| ఆనకట్ట - స్రావణ మార్గాలు | |
| ఆనకట్ట రకం | బ్యారేజి |
| జలాశయం | |
| సృష్టించేది | వీరాంజనేయ జలాశయం |
| మొత్తం సామర్థ్యం | 6.5 టీఎంసీలు |
| విద్యుత్ కేంద్రం | |
| నిర్వాహకులు | తెలంగాణ రాష్ట్రం |
| Type | జలాశయం |
నిర్మాణం మార్చు
ఈ జలాశయం నుంచి 6.4 కిలోమీటర్ల ఓపెన్‌ కెనాల్‌, 11.5 డయాతో 19 కిలోమీటర్ల పొడవుతో 2 సొరంగాలను నిర్మించారు. కేవలం 22 నెలల్లోనే ఈ జలాశయం నిర్మించబడింది.
నీటి తరలింపు మార్చు
నార్లాపూర్‌ సర్జ్‌పూల్‌ నుండి అంజనగిరి రిజర్వాయర్‌లోకి వచ్చిన శ్రీశైలం ప్రాజెక్టు బ్యాక్‌ వాటర్‌ను ఓపెన్‌ కెనాల్‌, సొరంగ మార్గం ద్వారా ఏదుల పంప్‌హౌజ్‌కు వస్తాయి. అక్కడ 9 మోటార్ల ద్వారా 124 మీటర్ల ఎత్తున ఉన్న ఈ వీరాంజనేయ జలాశయంకు తరలించబడుతుంది.[2] ఇక్కడి నుంచి ఓపెన్‌ సొరంగాల ద్వారా నీటిని వట్టెం పంప్‌హౌజ్‌కు, 5 టీఎంసీలను అచ్చంపేట ఎత్తిపోతల పథకంకు తరలించనున్నారు.[3]
భూసేకరణ మార్చు
ఈ జలాశయం నిర్మాణంలో భాగంగా బండరాయిపాకులు, కొంకలపల్లి గ్రామాల నుండి భూసేకరణ జరిగింది. ఈ జలాశయం కింద ముంపుకు గురవుతున్న నిర్వాసితులకు ప్రభుత్వం పునరావాస ప్యాకేజీ కొంకలపల్లికి చెందిన 269 కుటుంబాలకు, బండరావిపాకుల 729 కుటుంబాలకు పరిహారం అందించడం కోసం 140.19 కోట్ల రూపాయలను విడుదల చేస్తూ 2019, డిసెంబరు 21న జీఓ 500 విడుదల చేసింది.[4] ఈ రెండు గ్రామాలలో ఇళ్ళు కోల్పోయిన 976 నిర్వాసిత కుటుంబాలకు ఇళ్ళ స్థలాలు ఇవ్వడంకోసం గౌరీదేవిపల్లి, కొంకలపల్లిలలో రెండు రిలీఫ్‌ అండ్‌ రిహాబిలిటేషన్‌ సెంటర్లు ఏర్పాటుచేసి, స్థలాలు అందజేశారు.
మూలాలు మార్చు
- ↑ "పాలమూరు పనుల్లో వేగం.. బీడు భూములకు సాగునీరు". Prabha News. 2022-11-05. Archived from the original on 2022-11-05. Retrieved 2023-05-27.
- ↑ telugu, NT News (2023-05-15). "Telangana | అడుగు దూరంలో అరవై ఏండ్ల కల.. శరవేగంగా పాలమూరు రంగారెడ్డి ఎత్తిపోతల ప్రాజెక్టు పనులు". www.ntnews.com. Archived from the original on 2023-05-15. Retrieved 2023-05-28.
- ↑ ABN (2023-05-13). "1534 కోట్లతో అచ్చంపేట ఎత్తిపోతల తొలి దశ". Andhrajyothy Telugu News. Archived from the original on 2023-05-13. Retrieved 2023-05-28.
- ↑ arunkumar.p (2019-12-22). "ఆ జలాశయంతో వనపర్తికి మహర్దశ...పనులను పరిశీలించిన మంత్రి సింగిరెడ్డి". Asianet News Network Pvt Ltd. Archived from the original on 2020-08-05. Retrieved 2023-05-28.