శ్రీ కోదండరామస్వామి వారి ఆలయం, శ్రీకాకుళం

శ్రీ కోదండరామ ఆలయం, శ్రీకాకుళం పట్టణం లోని దర్శనీయ ప్రదేశాలలో ఒకటి. ఇది నాగావళి నదీతీరాన ప్రస్తుత కృష్ణాపార్కు సమీపంలో పాలకొండ రోడ్డు ప్రక్కన నిర్మించబడింది. ఈ దేవాలయం 1826 లో నిర్మింపబడింది.

దేవాలయ వ్యవస్థాపకులు

స్వర్గీయ అద్దమనుగుల వెంకన్న పంతులు, ఆయన సతీమణి వెంకాయమ్మ, కుమార్తె రత్నాయమ్మ నిర్మించినట్లు ఆలయంలో గల వివరములను బట్టి తెలుస్తున్నది. ఈ ఆలయానికి నాలుగు వందల ఎకరాల భూమి నరసన్నపేట మండలం పోతయ్యవలసలో ఉంది.

స్థానిక ప్రాశస్త్యం

ఈ దేవాలయమును చాలా మహిమ గలది గా స్థానికులు భావిస్తారు. శ్రీకాకుళం పట్టణంలో నిర్మించిన మొట్ట మొదటి రామాలయం ఇది.

ఉపనిషన్మందిరం

ఈ దేవాలయం నకు అనుబంధంగా ఉపనిషన్మందిరం అనే ధార్మిక సంస్థ సుమారు వంద సంవత్సరములు పైబడి కొనసాగుతున్నది. సనాతన ధర్మాన్ని ప్రచారం చేయటం, పురాణ, వేద విజ్ఞానాన్ని పెంపొందించటం ఈ సంస్థ లక్ష్యం. ఈ లక్ష్యానికి అనుగుణంగా ఏర్పాటు చేసిన గ్రంధాలయంలో తెలుగు, సంస్కృతం, హిందీ, ఆంగ్ల భాషలో సుమారు 5000 పుస్తకాలు ఉన్నాయి. నేటికి ప్రతీ ఆదివారం సాయంత్రం ధార్మిక ప్రవచనాలు, గోష్టులు కొనసాగుతూ ఉన్నాయి.