సుడిదోమ
సుడి దోమ అనేది ఒక కీటకం. దీని శాస్త్రీయ నామం నీల పర్వత ల్యూజెన్స్. ఇది హోమోప్టెర క్రమానికి చెందినది. ఇది వరి పంటను ఆశిస్తుంది.
గుర్తింపు చిహ్నాలు
మార్చు1.ప్రౌడ దశలో రెక్కలు కలిగి ఉండవచ్చు , ఉండక పోవచ్చు.
2.ఈ పురుగులు గోధుమ రంగులో ఉంటాయి.
3.పిల్ల పురుగులు ( శాభకాలు ) మొదట్లో తెలుపు రంగులో ఉండి తర్వాత గోధుమ రంగుకు మారుతాయి.[1]
గాయం లక్షణాలు
మార్చుపెద్ద పురుగులు, పిల్ల పురుగులు వరి దుబ్బుల మొదళ్ళలో చేరి రసాన్ని పీలుస్తాయి. అందువల్ల మొక్కపై భాగానికి పోషక పదార్థాలు అందక ఆకులు పసుపు రంగులోకి మారిపోతాయి . క్రమేపి మొక్కలు మొత్తం ఎండిపోతాయి మొక్కలు సుడులు సుడులుగా పొలంలో అక్కడక్కడ ఎండిపోతాయి. అందుచేత దీనిని " సుడి తెగులు " అని కూడా అంటారు. దీనినే " హాపర్ బర్న్ "అంటారు. ఈ పురుగు మొదట్లో పొలంలో అక్కడక్కడ అశించి ఒక వలయం ఆకారంలో పంటను నాశనం చేస్తుంది. ఈ పురుగు గ్రేసి స్టంట్ ,రేజ్డ్ స్టంట్ అనే వైరస్ తెగుళ్ళను కూడా వ్యాపింపజేస్తుంది.
జీవిత చక్రం
మార్చుతల్లి పురుగు తన జీవిత కాలంలో 300-400 గుడ్లను ఆకుల తొడిమలలో వరుసగా పెడుతుంది . గుడ్డు దశ 5 రోజులలో గుడ్లు పొదగబడి పిల్ల పురుగులు ( శాభకాలు ) బయటకు వస్తాయి . పిల్ల పురుగులు 10 నుంచి 13 రోజుల్లో అభివృద్ధి చెంది రెక్కల పురుగులు గా మారుతాయి .
యాజమాన్య పద్ధతులు
మార్చు1.సుడిదోమకు నిరోధక శక్తి గల చైతన్య , కృష్ణవేణి , చందన్ , త్రిగుణ , దీప్తి , నాగార్జున , ప్రతిభ , సస్యశ్రీ , వజ్రం , ధాన్యలక్ష్మి మొదలైన రకాలను సాగు చేయాలి.
2.ప్రతి 2 మీటర్ల కు 20 సెంటీ మీటర్ల బాటను వదలాలి దీనినే అల్లేస్ అంటారు.
నివారణ
మార్చుసేంద్రియ నివారణ
మార్చు1. దశపత్ర కషాయాన్ని పిచికారి చేయాలి
2.పచ్చిమిర్చి వెల్లుల్లి కషాయాన్ని పిచికారి చేయాలి.[2]
మూలాలు
మార్చు- ↑ "వరిలో సుడిదోమ పరేషాన్". ఆంధ్రజ్యోతి Oct 18, 2019.
- ↑ చీడ పీడల యాజమాన్యం నివారణ పద్దతులు. ఏకలవ్య ఫౌండేషన్ సేంద్రియ వ్యవసాయం.