సురవరం ప్రతాపరెడ్డి కథలు
సురవరం ప్రతాపరెడ్డి కథలు, తెలంగాణ సాహిత్య అకాడమీ ప్రచురించిన పుస్తకం. ఈ పుస్తకంలోని కథలు సురవరం ప్రతాపరెడ్డి జీవించిన కాలంనాటి చరిత్రకు ఆనవాళ్ళుగా, ఆనాటి ఆర్థిక, సామాజిక, సాంస్కృతిక చారిత్రకకు ప్రతిబింబంగా నిజాంపాలనలో జరిగిన దురంతాలకు ప్రత్యక్ష సాక్ష్యాలుగా నిలుస్తున్నాయి.[1][2]
| సురవరం ప్రతాపరెడ్డి కథలు | |
 | |
| సురవరం ప్రతాపరెడ్డి కథలు | |
| కృతికర్త: | కథల సంకలనం |
|---|---|
| దేశం: | భారతదేశం |
| భాష: | తెలుగు |
| విభాగం (కళా ప్రక్రియ): | కథలు |
| ప్రచురణ: | తెలంగాణ సాహిత్య అకాడమీ (తృతీయ ముద్రణ) |
| విడుదల: | అక్టోబరు, 2019 |
| పేజీలు: | 156 |
| ఐ.ఎస్.బి.ఎన్(ISBN): | 978-93-8922840-3 |
కథల నేపథ్యం
మార్చునిజాం పాలనలో నలిగిన గ్రామీణ ప్రజానీకపు సాంఘిక వాతావరణం, గ్రామ జీవన చైతన్యం, వారి సంప్రదాయాలు, కట్టుబాట్లు, కష్టసుఖాలు, గ్రామ రాజకీయాలు, వాళ్ళ సమస్యలు - వాళ్ళను దోచుకున్న దొరలు, వాళ్ళ కక్ష్యలూ కార్పణ్యాల నేసథ్యంలో ఈ కథలు రాయబడ్డాయి. ఈ కథల్లో ఆ కాంలో తరచుగా వాడబడే ఉర్దూ పదాలు (వాపసు, జమా, ఖజానా, ఖాళీ, నౌకరి, జుమ్మా వంటి ఉర్దూ పదాలైనా, ఏరాలు, మనుం (పెండ్లి), పైకం, ఊర్కనే) వాడబడ్డాయి.[3]
అధికారంలో ఉన్నవారు ప్రజలను పరిపాలించే విధానం, మోసం చేయడం, అలసత్వమూ, లంచగొండితనం, గుడ్డిన్యాయం, ప్రజల అమాయకత్వం, నిస్సహాయతను తన కథల్లో చిత్రించాడు. ప్రజాజీవన విధానాన్ని వాస్తవిక కోణంలో ఆవిష్కరించబడిన ఈ కథల్లో ఎక్కువ శాతం తెలంగాణ సామాజిక, రాజకీయ, నాటి ప్రభుత్వాంగాల పనితీరును రాశాడు.
ముద్రణల వివరాలు
మార్చుఈ పుస్తకం తొలిసారిగా 1940లో అణా గ్రంథమాల ద్వారా ప్రచురించబడింది. ఆ తరువాత 1987లో సురవరం ప్రతాపరెడ్డి సాహిత్య వైజయంతి - ఆంధ్ర సార్వస్వత పరిషత్తు ఆధ్వర్యంలో ద్వితీయ ముద్రణ జరుపుకుంది. 2019 అక్టోబరులో తెలంగాణ సాహిత్య అకాడమీ తృతీయ ముద్రణ చేసింది.[4]
కథలు
మార్చుప్రతాపరెడ్డి కథలు
మార్చు- నిరీక్షణ
- హుసేన్ బీ
- సంఘాల పంతులు
- వకీలు యెంకయ్య
- బారిస్టర్ గోపాలకిషన్ రావు
- వెంకటరెడ్డి దొర (నాటిక)
- మెహ్దీ బేగం
- ఖిస్మత్
- అపరాధం
- వింత విడాకులు
మొగలాయి కథలు
మార్చుమూలాలు
మార్చు- ↑ కొండపల్లి నీహారిణి (2021-05-29). "సురవరం కథల్లో స్త్రీ పాత్రల ఔచిత్యం". Namasthe Telangana (in అమెరికన్ ఇంగ్లీష్). Archived from the original on 2021-10-18. Retrieved 2021-10-18.
- ↑ సాగి మనోహరి. "తెలంగాణ సమున్నత శిఖరం సురవరం | Telangana Magazine". magazine.telangana.gov.in. Archived from the original on 2021-01-28. Retrieved 2021-10-17.
- ↑ సురవరం ప్రతాపరెడ్డి కథలు. హైదరాబాదు: తెలంగాణ సాహిత్య అకాడమీ. అక్టోబరు 2019. p. 3. ISBN 9789389228403.
- ↑ సురవరం ప్రతాపరెడ్డి కథలు. హైదరాబాదు: తెలంగాణ సాహిత్య అకాడమీ. అక్టోబరు 2019. p. 2. ISBN 9789389228403.
- ↑ "కథానిలయం - View Book". kathanilayam.com. Archived from the original on 2021-10-18. Retrieved 2021-10-18.