46వ భారతీయ అంతర్జాతీయ చలన చిత్రోత్సవం
46వ భారతీయ అంతర్జాతీయ చలన చిత్రోత్సవం 2015 నవంబరు 20 నుండి నవంబరు 30 వరకు గోవా లోని పనాజీ లో జరిగింది.[1] యుకె దర్శకుడు మైఖేల్ రాడ్‌ఫోర్డ్, పాలస్తీనాకు చెందిన ఇజ్రాయెల్ దర్శకురాలు శ్రీమతి సుహా అరాఫ్, జర్మన్ నటి జూలియా జెంట్స్, దక్షిణ కొరియా చిత్రనిర్మాత జియోన్ క్యూ-హ్వాన్ తదితరులు ఉన్న అంతర్జాతీయ జ్యూరీకి ఛైర్‌పర్సన్ శేఖర్ కపూర్‌ నాయకత్వం వహించాడు. 13 మంది సభ్యులున్న ఫీచర్ జ్యూరీకి చైర్‌పర్సన్ అరిబామ్ శ్యామ్ శర్మ నాయకత్వం వహించగా, 7 మంది సభ్యులున్న నాన్-ఫీచర్ జ్యూరీకి చైర్‌పర్సన్ రాజేంద్ర జంగ్లే నాయకత్వం వహించాడు.[2]
| 46వ భారతీయ అంతర్జాతీయ చలన చిత్రోత్సవం | |
|---|---|
 భారతీయ అంతర్జాతీయ చలన చిత్రోత్సవం అధికారిక లోగో | |
| Awarded for | ప్రపంచ ఉత్తమ సినిమా |
| Presented by | ఫిలిం ఫెస్టివల్స్ డైరెక్టరేట్ |
| Presented on | 30 నవంబరు 2015 |
| Hosted by | కబీర్ బేడి లిల్లెట్ దుబే |
| Highlights | |
| ఉత్తమ అంతర్జాతీయ ఫీచర్ చలనచిత్రం | ఎంబ్రాస్ ఆఫ్ ది పెర్పెంట్ |
| Lifetime achievement | నికితా మిఖల్కోవ్ |
భారతీయ అంతర్జాతీయ చలన చిత్రోత్సవం 1952లో స్థాపించబడింది.[3][4] ఆసియాలో జరుగుతున్న అత్యంత ముఖ్యమైన చలన చిత్రోత్సవాలలో ఇదీ ఒకటి. భారతదేశంలోని పశ్చిమ తీరంలో గోవా రాష్ట్రంలో ప్రతిఏటా ఈ చిత్రోత్సవం జరుగుతుంది. ప్రపంచంలోని సినిమావాళ్లకు చలనచిత్ర కళపై నైపుణ్యాన్ని ప్రదర్శించడానికి ఒక వేదికను అందించడమే ఈ చిత్రోత్సవం లక్ష్యం. దీనిద్వారా దేశాల చలన చిత్ర సంస్కృతులను వారి సామాజిక, సాంస్కృతిక నేపథ్యాలను అర్థం చేసుకోవడానికి, అభినందించడానికి ఈ చిత్రోత్సవం దోహదం చేస్తుంది, ప్రపంచదేశాల ప్రజలలో స్నేహం, సహకారాన్ని ప్రోత్సహిస్తుంది. ఫిల్మ్ ఫెస్టివల్స్ డైరెక్టరేట్ (సమాచార, ప్రసార మంత్రిత్వ శాఖ ఆధ్వర్యంలో), గోవా రాష్ట్ర ప్రభుత్వం సంయుక్తంగా ఈ ఉత్సవాన్ని నిర్వహిస్తాయి.[5]
విజేతలు
మార్చు- ఉత్తమ చిత్రం: గోల్డెన్ పీకాక్ అవార్డు: సిరో గుర్రా దర్శకత్వం వహించిన ఎంబ్రాస్ ఆఫ్ ది పెర్పెంట్
- ఉత్తమ దర్శకుడు: "ఐసెన్‌స్టెయిన్ ఇన్ గ్వానాజువాటో" సినిమా దర్శకుడు పీటర్ గ్రీన్వే
- ఐఎఫ్ఎఫ్ఐ ఉత్తమ నటుడు అవార్డు: సిల్వర్ పీకాక్ అవార్డు: "ది మెజర్ ఆఫ్ ఎ మ్యాన్" సినిమాలో నటించిన విన్సెంట్ లిండన్
- ఐఎఫ్ఎఫ్ఐ ఉత్తమ నటి అవార్డు: సిల్వర్ పీకాక్ అవార్డు: "ముస్తాంగ్" సినిమాలో నటించిన గున్స్ సెన్సోయ్, డోగా డోగుస్లు, తుగ్బా సుంగూరోగ్లు, ఎలిట్ ఎకాన్, ఇలేడా అక్డోగన్
- ఐసిఎఫ్‌టి యునెస్కో గాంధీ పతకం: సినిమావాలా సినిమా దర్శకుడు కౌశిక్ గంగూలీ
- జీవన సాఫల్య పురస్కారం: నికితా మిఖల్కోవ్ (ఆస్కార్ అవార్డు పొందిన రష్యన్ నటుడు-చిత్రనిర్మాత)
- స్పెషల్ మెన్షన్: ఎన్క్లేవ్ (గోరన్ రాడోవావిక్)
- స్పెషల్ జ్యూరీ అవార్డు: సీల్డ్ కార్గో (జూలియా వర్గాస్- వైస్)
- ఇండియన్ ఫిల్మ్ పర్సనాలిటీ ఆఫ్ ది ఇయర్: ఇళయరాజా
అధికారిక ఎంపికలు
మార్చుప్రత్యేక ప్రదర్శనలు
మార్చుప్రారంభ సినిమా
మార్చు"ది మ్యాన్ హూ న్యూ ఇన్ఫినిటీ"
ముగింపు సినిమా
మార్చు"ది క్లాన్"
మూలాలు
మార్చు- ↑ "Key highlights of the 46th International Film Festival of India". pib.nic.in.
- ↑ Parande, Shweta (1 December 2015). "IFFI 2015: Award winners list at the 46th International Film Festival of India (In pics)".
- ↑ M. Mohan Mathews (2001). India, Facts & Figures. Sterling Publishers Pvt. Ltd. pp. 134–. ISBN 978-81-207-2285-9. Retrieved 3 July 2021.
- ↑ Gulzar; Govind Nihalani; Saibal Chatterjee (2003). Encyclopaedia of Hindi Cinema. Popular Prakashan. pp. 98–. ISBN 978-81-7991-066-5. Retrieved 3 July 2021.
- ↑ "Key highlights of the 46th International Film Festival of India". PIB. Retrieved 3 July 2021.