అనితారావు కోట్ల (జ. మే 23, 1977) కూచిపూడి కళాకారిణి, నాట్య గురువు. 20 సంవత్సరాలుగా దాదాపు 5 వేలమందికి నృత్యకళను నేర్పిస్తూ, అనేక నృత్య రూపక ప్రదర్శనలను ప్రదర్శిస్తున్నది.[1]
తెలంగాణ ప్రభుత్వ భాషా సాంస్కృతిక శాఖ & దాక్షిణాత్య ఆర్ట్స్ అకాడమి సంయుక్త సమర్పణలో 2018 సెప్టెంబరు 28న హైదరాబాదులోని రవీంద్రభారతిలో ప్రదర్శించబడిన ప్రతాప రుద్రమ నాటకం దర్శకుడు కోట్ల హనుమంతారావు, నృత్య దర్శకురాలు కోట్ల అనితారావు
అనితారావు 1977, మే 23 రమాకాంతరావు, పద్మావతి దంపతులకు హైదరాబాదు, పాతబస్తీలోని బేలా అనే ప్రాంతంలో జన్మించింది. తండ్రి ఎచ్.ఎం.టి.లో ఉద్యోగం చేసేవాడు, తల్లి గృహిణి. 1వ తరగతి నుండి 4వ తరగతి వరకు రిఫా-ఎ-ఆమ్ హైస్కూల్, 5, 6 తరగతలు మొఘల్ పురా లోని ప్రభుత్వ ఉన్నత పాఠశాలలో, 7వ తరగతి నుండి 10వ తరగతి వరకు కోఠిలోని మనోరంజితం అనే పాఠశాలలో చదివింది. 1991లో తెలుగు విశ్వవిద్యాలయంలోని జానపద కళలశాఖలో పిజి డిప్లొమా చదివిన అనిత, 1993-98 మధ్యకాలంలో అదే విశ్వవిద్యాలయంలోని నృత్యశాఖలో బి.ఏ., ఎం.ఏ. పూర్తిచేసి, స్వర్ణపతాకాలు అందుకుంది. 'కూచిపూడి భాగవత ప్రదర్శన పద్ధతి' అనే అంశంపై ఎం.ఫిల్, 2009లో 'కూచిపూడి భాగవతుల వివిధ కళారూపాలు' అనే అంశంపై పిహెచ్.డి. పూర్తిచేసింది.
1998లో రంగస్థల కళాకారుడు, అధ్యాపకుడైన డా. కోట్ల హనుమంతరావుతో అనితారావు వివాహం జరిగింది. వీరికి ఇద్దరు అమ్మాయిలు. యుజిసి నెట్ పాసైన అనిత డిఎస్సీ పరీక్ష రాయడంతో 1998, ఆగస్టు 15న నాంపల్లిలోని ప్రభుత్వ బాలికల ఉన్నత పాఠశాలలో నాట్యగురువుగా ఉద్యోగం వచ్చింది. 2009నుండి మహబూబియా ప్రభుత్వ బాలికల ఉన్నత పాఠశాలలోని బాలికలకు నాట్యంలో శిక్షణ ఇస్తున్నది.
తండ్రి ప్రోత్సాహంతో చిన్నప్పటినుండి నాట్యం నేర్చుకున్న అనితారావు, శ్రీమతి అనూరాధ, డా. గోపాల్‌రాజ్ భట్, డా. ఉమారామారావు, డా. భాగవతుల సేతురాం, డా. అలేఖ్య పుంజాల వంటి గురువుల వద్ద నృత్యంలో శిక్షణ పొందింది. 1999లో బ్రహ్మ కుమారీస్ సంస్థ కోసం మొట్టమొదటిసారిగా స్వంత నృత్యదర్శకత్వంలో 'తమసోమా జ్యోతిర్గమయ' అనే నృత్యరూపకాన్ని ప్రదర్శించిన అనిత, అదే సంవత్సరంలో దాక్షిణాత్య ఆర్ట్స్ అకాడమీ అనే సంస్థను ఏర్పాటుచేసి, ఆ సంస్థ తరపున ఎన్నో నృత్య రూపకాలు ప్రదర్శనలిచ్చింది. తెలంగాణ సంస్కృతిపై 30కి పైగా జాతీయ, అంతర్జాతీయ వేదికల్లో పత్ర సమర్పణ చేసింది.
నాట్య గురువుగా అనేకమందిని నృత్యకళాకారులుగా తీర్చిదిద్దుతున్నారు. వారంతా అనేక వేదికల్లో ప్రదర్శనలు ఇస్తున్నారు.[2]
తెలంగాణ ప్రభుత్వ భాషా సాంస్కృతిక శాఖ & దాక్షిణాత్య ఆర్ట్స్ అకాడమి సంయుక్త సమర్పణలో మాట్లాడుతున్న నాటక నృత్య దర్శకురాలు కోట్ల అనితారావునేషనల్ కొరియోగ్రఫీ అవార్డు (2012)[7]
↑ఆంధ్రభూమి, ఆదివారం సంచిక (30 March 2019). "ఆ ప్రతిభ 'అనిత'రసాధ్యం!". డా. శ్రీలేఖ కొచ్చెర్లకోట. Archived from the original on 23 May 2019. Retrieved 23 May 2019.
.jpg)
_01.jpg)
.jpg)
