ఆస్ట్రియాలో హిందూమతం
హిందూమతం ఆస్ట్రియా జనాభాలో 0.15% ఉన్న మైనారిటీ మతం. [1] ఆస్ట్రియాలో గుర్తింపు పొందిన 16 మతాలలో హిందూమతం లేదు. ఆస్ట్రియా చట్టాల ప్రకారం, సమాజాలుగా గుర్తింపు లేని మత సమూహాలను మతపరమైన ఒప్పుకోలు సంఘాలుగా అధికారిక హోదాను పొందవచ్చు. అలా గుర్తింపు పొందిన ఎనిమిది ఒప్పుకోలు సంఘాలలో హిందూమతం ఒకటి. అయితే సహజ యోగ, అంతర్జాతీయ కృష్ణ చైతన్య సంఘం లు అసోసియేషన్లుగా గుర్తింపు పొందాయి గానీ, ఒప్పుకోలు సంఘాలుగా కాదు. [2]
చరిత్ర
మార్చు
1980లో బిమల్ కుందు, భారత ఉపఖండం నుండి వలస వచ్చిన హిందువుల కోసం ఆస్ట్రియాలో మొదటగా హిందూమత సమాజాన్ని స్థాపించాడు. అతను ఇప్పుడు ఆఫ్రో-ఏషియన్ ఇన్స్టిట్యూట్‌లోని ఒక గదిలో ఒక చిన్న ఆలయాన్ని నడుపుతున్నాడు. 1998 నుండి, "ప్రభుత్వ నమోదిత ఒప్పుకోలు సంఘం"గా ఉన్న "హిందూ రెలిజియస్ సొసైటీ ఇన్ ఆస్ట్రియా" (hroe) హిందువులందరికీ అధికారిక ప్రతినిధిగా ఉంది. [3] [4] ఆస్ట్రియా లోని ఒప్పుకోలు సంఘాల చట్టం ప్రకారం ఒప్పుకోలు సంఘాలను ఏర్పాటు చేసిన 11 మత సమూహాలలో ఇది ఒకటి. [5] ఇది ఇంకా చట్టబద్ధంగా గుర్తించబడిన మతం కాదు, అందువల్ల ప్రభుత్వం నుండి మద్దతు పొందే అర్హత దీనికి లేదు. అయితే 20 సంవత్సరాల పాటు కొనసాగిన తర్వాత దీనికి అర్హత లభిస్తుంది. [6]
జనాభా వివరాలు
మార్చు| చారిత్రికంగా జనాభా | ||
|---|---|---|
| సంవత్సరం | జనాభా | ±% |
| 2001 | 3,629 | — |
| 2015 | 4,339 | +19.6% |
| 2017 | 11,000 | +153.5% |
| సంవత్సరం | శాతం | మార్పు |
|---|---|---|
| 2001 | 0.04% | - |
| 2015 | 0.05% | +0.01 |
| 2017 | 0.15% | +0.10% |
2017 నాటికి ఆస్ట్రియా జనాభాలో హిందూ మతస్థుల సంఖ్య 11,000. ఇది దేశ జనాభాలో 0.15%. [7]
ఆస్ట్రియా లోని హిందూ సమూహాలు
మార్చు- హిందూ మందిర్ అసోసియేషన్ వియన్నాలోని పురాతన సంస్థల్లో ఒకటి. 1991లో స్థాపించబడిన ఈ సంస్థ కృష్ణ జన్మాష్టమి, గణేష్ చతుర్థి, దీపావళి పండుగ జరుపుతుంది. 2006లో, ఇది మతపరమైన ఒప్పుకోలు సంఘం హోదా కోసం దరఖాస్తు చేసింది. కానీ వెంటనే తన దరఖాస్తులను ఉపసంహరించుకుంది. హిందూ మత సంఘం పేరుతో మళ్లీ దరఖాస్తు చేయగా, ఆ కొత్త హోదా మంజూరైంది. [8]
- ఇస్కాన్ కు ఆస్ట్రియాలో మూడు కేంద్రాలు ఉన్నాయి. అవన్నీ వియన్నాలోనే ఉన్నాయి:
- ఈడెన్ కు తూర్పున,
- గోవింద,
- ఇస్కాన్ వేద అధ్యయనాల కేంద్రం.
- శ్రీ కృష్ణ చైతన్య మిషన్ వియన్నాలో ఒక మందిరాన్ని స్థాపించింది, ఇది ప్రతి సంవత్సరం కృష్ణ జన్మాష్టమి పండుగను జరుపుకుంటుంది.
- బ్రహ్మ కుమారీస్ వరల్డ్ స్పిరిచ్యువల్ యూనివర్శిటీ (BKWSU), ఒక కొత్త తరం హిందూ ఆధ్యాత్మిక సంస్థ. దీనికి ఆస్ట్రియాలో వియన్నా, గ్రాజ్, ర్యాంక్‌వీల్‌లో మూడు కేంద్రాలున్నాయి. [9]
- ఓషో ఉద్యమం, సహజ యోగ, సాయిబాబా, శ్రీ చిన్మయ్ కూడా స్వల్పమాత్రమైన ఉనికి ఉంది. హరే కృష్ణ లాగానే వాటిని కూడా "తెగలు"గా వర్గీకరించారు. 100 కంటే తక్కువ సభ్యులతో కూడిన చిన్న సంస్థను సూచించడానికి ప్రభుత్వం "తెగల" (సెక్ట్) అనే పదాన్ని ఉపయోగిస్తుంది. హిందూ రెలిజియస్ కమ్యూనిటీలో మాత్రమే 100 కంటే ఎక్కువ మంది సభ్యులున్నారు. ఇది ఆస్ట్రియాలోని "ఒప్పుకోలు కమ్యూనిటీ"గా ఉన్న ఏకైక హిందూ సంస్థ. [10]
ఇవి కూడా చూడండి
మార్చుమూలాలు
మార్చు- ↑ "Österreich - Religionszugehörigkeit 2020".
- ↑ United States Department of State
- ↑ "Home | Hindu Mandir Association".
- ↑ "Temples Everywhere We Go". January 2014.
- ↑ "Austria". State.gov. 14 October 2015. Retrieved 2016-03-22.
- ↑ "Churches and religious communities". Wien.gv.at. Retrieved 2016-03-22.
- ↑ "Österreich - Religionszugehörigkeit 2020".
- ↑ United States Department of State
- ↑ "Brahma Kumaris Official Website - FAQ". Brahmakumaris.org. 2000-01-01. Retrieved 2016-03-22.
- ↑ United States Department of State