ప్రధాన మెనూను తెరువు
కణుపులు మరియు కణుపు మధ్యమాలు చూపుతున్న కాండం.

మొక్కలో వాయుగతంగా పెరిగే వ్యవస్థను 'ప్రకాండ వ్యవస్థ' (Shoot system) అంటారు. ఇది ప్రథమాక్షం (Plumule) నుంచి ఉద్భవిస్తుంది. ప్రకాండ వ్యవస్థ అక్షాన్ని 'కాండం' (ఆంగ్లం: Stem) అంటారు. పత్రాలు, మొగ్గలు, పుష్పాలు వంటి ఉపాంగాలు కాండం మీద లేదా శాఖల మీద ఉద్భవిస్తాయి.

లక్షణాలుసవరించు

  • కాండం ప్రకాండవ్యవస్థలో నిటారుగా పెరిగే అక్షం.
  • కాండం చివరలో ఉండే కొన మొగ్గ (terminal bud) కాండం నిలువు పెరుగుదలను నియంత్రిస్తుంది.
  • కాండం కణుపులు (nodes) , కణుపు మధ్యమాలు (internodes) గా విభేదన చెంది ఉంటుంది.
  • కాండం మీద పత్రాలు కణుపుల నుంచి ఏర్పడతాయి. పత్రానికి, కాండానికి మధ్య ఉండే పై కోణాన్ని గ్రీవం (Axil) అంటారు. గ్రీవంలో ఏర్పడే గ్రీవపు మొగ్గలు శాఖలను ఉత్పత్తి చేస్తాయి.
  • సాధారణంగా లేత కాండం ఆకుపచ్చగాను, ముదిరిన కాండం గోధుమవర్ణంలోను ఉంటాయి.

విధులుసవరించు

  • కాండం పత్రాలన్నింటికి సూర్యరశ్మి తగిలేటట్లుగా విస్తరింపచేయడంలో సహాయపడుతుంది.
  • పేళ్ళు భూమినుంచి గ్రహించిన నీటిని, లవణాలను పత్రాలకు అందజేయడం, పత్రాలలో తయారైన ఆహారపదార్ధాలను మొక్కలోని ఇతర భాగాలకు అందించడంలో ప్రధానపాత్ర వహిస్తుంది.

కాండం రూపాంతరాలుసవరించు

కాండం వాతావరణానికి అనుగుణంగా సాధారణ విధులతో పాటు కొన్ని ప్రత్యేక విధులను నిర్వర్తించడానికి రూపాంతరం చెందుతుంది. ఇలాంటి శాశ్వతమార్పులను 'కాండ రూపాంతరాలు' అంటారు. ఉనికిని బట్టి కాండం రూపాంతరాలు మూడు రకాలు.

వాయుగత కాండ రూపాంతరాలుసవరించు

 
రింగులు తిరిగిన నులితీగ.

ఉపవాయుగత కాండ రూపాంతరాలుసవరించు

  • రన్నర్లు (Runners)
  • స్టోలన్లు (Stolons)
  • పిలకమొక్కలు (Suckers)
  • ఆఫ్ సెట్లు (Offsets)

భూగర్భ కాండ రూపాంతరాలుసవరించు

 
భూమి పైగాగాన కనిపించే చెట్టులోని మొదటి భాగంను మాను, చెట్టు మొండెం, మ్రాను, మొద్దు, చెట్టు మొదలు అని అంటారు

మానుసవరించు

 
The base of a Yellow Birch trunk

మాను (Trunk) అంటే భూమి పైభాగాన, కొమ్మలకు క్రింది భాగాన ఉన్న కనిపించే చెట్టు లేదా వృక్షపు కాండంలోని మొదటి భాగం.[1] మాను పైభాగాన బెరడుతో కప్పబడి వుంటుంది.[2] వృక్షం యొక్క మాను నుండే ప్రధానమైన కలప తయారౌతుంది.

పాటలుసవరించు

‍* మాను మాకును కాను రాయీ రప్పను కానే కాను మామూలు మనిషిని నేను

మూలాలుసవరించు

  1. "trunk". http://www.thefreedictionary.com/: The Free Online Dictionary. Retrieved 2011-04-30. The main woody axis of a tree. Cite web requires |website= (help)
  2. "trunk". http://www.thefreedictionary.com/: The Free Online Dictionary. Retrieved 2011-04-30. The tough outer covering of the woody stems and roots of trees, shrubs, and other woody plants. It includes all tissues outside the vascular cambium. Cite web requires |website= (help)
"https://te.wikipedia.org/w/index.php?title=కాండం&oldid=1959325" నుండి వెలికితీశారు