కోనసీమ జిల్లా వివాదం

కోనసీమ జిల్లా పేరును డాక్టర్ బీఆర్ అంబేద్కర్ కోనసీమ జిల్లాగా మార్చడాన్ని వ్యతిరేకిస్తూ కొనసాగుతున్న జరిగాయి . ఈ నిరసనకు ప్రధానంగా కోనసీమ సాధన సమితి, కోనసీమ పరిరక్షణ సమితి తదితర సంఘాల సభ్యులు నాయకత్వం వహించారు.

అమలాపురంలో స్కూల్ బస్సు దగ్ధం

నిరసనలు, సంఘటనలు

కోనసీమ జిల్లా పేరును అంబేద్కర్‌ కోనసీమ జిల్లాగా మార్చుతూ ప్రభుత్వం ప్రాథమిక నోటిఫికేషన్ జారీ చేసింది.ప్రభుత్వ నిర్ణయాన్ని వ్యతిరేకిస్తూ, 2022 మే 24న అమలాపురంలో కోనసీమ సాధన సమితి భారీ ర్యాలీకి పిలుపునిచ్చింది. ఆ పిలుపు మేరకు వందల సంఖ్యలో జనాలు రోడ్లపైకి తరలిరావడంతో పరిస్థితి అదుపు తప్పింది. కలెక్టరేట్‌ ముట్టడికి యువకులు, నిరసనకారులు ప్రయత్నించారు. కోనసీమే ముద్దు, వేరే పేరు వద్దని యువకులు నినాదాలు చేశారు.పాదయాత్ర సందర్భంగా పోలీసులకు, ఆందోళనకారులకు మధ్య వాగ్వాదం చోటుచేసుకుంది.వాహనాలు ధ్వంసమయ్యాయి.నిరసనకారుల రాళ్ల దాడిలో 20 మందికి పైగా పోలీసులు గాయపడ్డారు.