డైరీ (దినచర్య పుస్తకము)
దినచర్య పుస్తకము (డైరీ) (Diary) అనేది ఒక వ్యక్తి తను చూసిన లేదా విన్న దాని గురించి లేదా వారు చేస్తున్న దాని గురించి ఏ రోజు జరిగిన సంఘటనలు ఆ రోజు నమోదు చేయు పుస్తకము. డైరీలు సాధారణంగా చేతితో రాస్తారు. ప్రజలు వివిధ కారణాల వల్ల డైరీలను వ్రాసేందుకు ఇష్టపడతారు, వారు తమ జీవితంలో ఏమి చేశారనే దాని గురించి తమకంటూ ఒక రికార్డు ఉంచాలని వారు కోరుకుంటారు. వారు కొన్నిసార్లు దీన్ని ప్రచురించాలనుకోవచ్చు, తద్వారా ఇతర వ్యక్తులు దీన్ని చదవగలరు. వ్యాపారం లేదా సైనిక ప్రయోజనం కోసం కొన్ని డైరీలు ముఖ్యమైనవి కావచ్చు. పాఠశాలల్లోని విద్యార్థులను తరచుగా డైరీ రాయమని అడుగుతారు. వారు ఏమి చేస్తున్నారో, వారి ఆలోచనలను వ్యక్తీకరించడానికి ఇది వారికి సహాయపడుతుంది. శామ్యూల్ పెపిస్ వంటి కొంతమంది డైరిస్ట్ గా ప్రసిద్ది చెందారు. పెపిస్ ఒక ఆసక్తికరమైన సమయంలో జీవించియున్నాడు (లండన్ యొక్క అతి పెద్ద అగ్ని ప్రమాద సమయంలో అతను జీవించి ఉన్నాడు). అతని డైరీ చదవడం ద్వారా ఆ సమయంలో లండన్ ఎలా ఉండినదో మనకు చాలా వరకు తెలిసినది. అన్నే ఫ్రాంక్ అనే ఆమె నాజీల నుండి దాక్కున్నప్పుడు ఒక డైరీ రాశారు. ఆధునిక కాలంలో ప్రజలు ఇంటర్నెట్‌లో బ్లాగులు వ్రాస్తారు. ఇది ఆధునిక రకం డైరీ. డైరీ అనే పదాన్ని జేబు డైరీకి కూడా ఉపయోగించవచ్చు: ఇది ఒక చిన్న పుస్తకం, దీనిలో ప్రజలు తమ నియామకాలను వ్రాసుకోవచ్చు, తద్వారా వారు ప్రతిరోజూ ఏమి చేయాలో గుర్తుంచుకోగలరు.
