తాలిపేరు ప్రాజెక్టు

తాలిపేరు ప్రాజెక్టు (తాలిపేరు రిజర్వాయర్) అనేది తెలంగాణ రాష్ట్రంలోని ఒక మధ్య తరహా నీటిపారుదల పథకం. ప్రాజెక్టు పూర్తిస్థాయి 74 మీటర్లు.

తాలిపేరు ప్రాజెక్టు
Telangana లో తాలిపేరు ప్రాజెక్టు స్థానం
అధికార నామం	తాలిపేరు ప్రాజెక్ట్
ప్రదేశం	పెద మిడిసిలెరు, చర్ల మండలం, భద్రాద్రి కొత్తగూడెం జిల్లా
అక్షాంశ,రేఖాంశాలు	18°6′10″N 80°51′55″E
ఆవశ్యకత	నీటి పారుదల
స్థితి	వాడుకలో ఉంది
ప్రారంభ తేదీ	1985
నిర్మాణ వ్యయం	రూ 52.98 కోట్లు
ఆనకట్ట - స్రావణ మార్గాలు
ఆనకట్ట రకం	ఆనకట్ట
నిర్మించిన జలవనరు	తాలిపేరు నది
Height	25 మీటర్లు (82 అడుగులు)
పొడవు	2762 మీటర్లు (9062 అడుగులు)
Spillways	25
Spillway type	వక్రరేఖ చిహ్నం
Spillway capacity	53043 క్యూసెక్యులు
జలాశయం
సృష్టించేది	తాలిపేరు రిజర్వాయర్
మొత్తం సామర్థ్యం	0.73 Tmcft
క్రియాశీల సామర్థ్యం	0.51 Tmcft
పరీవాహక ప్రాంతం	24000 ఎకరాలు

ప్రదేశం

భద్రాద్రి కొత్తగూడెం జిల్లా చర్ల మండలంలోని పెద మిడిసిలెరు గ్రామం దగ్గర తాలిపేరు నది మీద ఈ తాలిపేరు ప్రాజెక్టు నిర్మించబడింది.

లక్ష్యం

ఈ ప్రాజెక్ట్ 5.0 టి.ఎం.సి నీటిని ఉపయోగించుకుంటూ, ఈ ఆయకట్టు ద్వారా చెర్ల, దమ్ముగూడెం మండలాల్లోని గ్రామాలకు చెందిన సుమారు 25000 ఎకరాలకు సాగునీరును అందిస్తుంది.

నీటి విడుదల

• 2018 జూలైలో ఎగువ ప్రాంతంలోని ఛత్తీస్‌గఢ్‌ అడవుల్లో కురుస్తున్న వర్షాల వల్ల ఈ ప్రాజెక్టుకు భారీ ఇన్‌ఫ్లోలు రావడంతో 2018 జూలై 12 నాటికి జలాశయంలో నీటిమట్టం 72.97 మీటర్లకు చేరుకుంది. ప్రాజెక్టులోని మొత్తం 27 క్రెస్ట్ గేట్లలో 14 గేట్లను తెరిచి 9234 క్యూసెక్కుల మిగులు జలాలను దిగువకు విడుదల చేశారు.
• 2022 సెప్టెంబరులో తాలిపేరు ప్రాజెక్టుకు వరద పోటెత్తడంతో ప్రాజెక్టు 25 గేట్లలో 11 గేట్లను ఎత్తి 22వేల 644 క్యూసెక్కుల నీటిని గోదావరిలోకి విడుదల చేశారు.
• 2023 జూలైలో తాలిపేరు ప్రాజెక్టుకు భారీగా వరద నీరు చేరడంతో 2023 జూలై 18న 22 గేట్లను రెండడుగుల మేర ఎత్తి 26,958 క్యూసెక్కుల నీటిని దిగువకు వదిలారు.