నవ్యాంధ్రము నా జీవిత కథ

నవ్యాంధ్రము నా జీవిత కథ అనే పుస్తకం ఆంధ్రప్రదేశ్‌ శాసనసభ ప్రథమ సభాపతి, విశాలాంధ్రావతరణ ముఖ్య కారకులైన అయ్యదేవర కాళేశ్వరరావు గారి స్వీయచరిత్ర.

నవ్యాంధ్రము నా జీవిత కథ
నవ్యాంధ్రము నా జీవిత కథ పుస్తక ముఖచిత్రం
కృతికర్త:	అయ్యదేవర కాళేశ్వరరావు
దేశం:	భారత దేశము
భాష:	తెలుగు
విభాగం (కళా ప్రక్రియ):	జీవిత చరిత్ర
ప్రచురణ:	ఎమ్మెస్కో ప్రచురణలు
విడుదల:	జనవరి 8, 2006
పేజీలు:	482

పుస్తకం గురించి

ఈ పుస్తకంలో కాళేశ్వరరావు తన జీవిత కథతోపాటు ఆయా కాలాలలో జరిగిన సంఘటలనల గురించి కూడా రాశాడు. అంధ్రలో జరిగిన గొప్పగొప్ప కార్యక్రమాల గురించి, ప్రజలకోసం జరిగిన ఉద్యమాల గురించి, వాటికి సంబంధించిన వ్యక్తుల గురించి ఈ పుస్తకంలో రాయడం జరిగింది. ఈ పుస్తకం మొదటి సంపుటాన్ని రచయిత అయ్యదేవర కాళేశ్వరరావు 1959 ఉగాదికి ఆంధ్రప్రజలకు అంకితమిస్తూ విడుదల చేసారు. రచయిత జీవితకాలము ఆంధ్రదేశములో జరిగిన మత-సాంఘిక-రాజకీయ-ఆర్ధిక విప్లవములకు సాక్ష్యము. అవన్నీ ఈ పుస్తకములో చేర్చినట్టుగా రచయిత ముందుమాటలో పేర్కొన్నారు. ప్రస్తుత పుస్తక సంపాదకులుగా డా॥డి. చంద్రశేఖర రెడ్డి, పుస్తక ఆకృతీకరణకు పురుషోత్త్ కుమార్ పనిచేసారని పుస్తక మనవి మాటలలో తెలుగు సమితి అధ్యక్షులు మండలి బుద్ధప్రసాద్ పేర్కొన్నారు.

పుస్తకం పేరు గురించి

తన జీవిత విశేషాలతోపాటూ, ఆంధ్రప్రదేశ్ గురించి కూడా ఈ పుస్తకంలో ఉన్నందున ఈ పుస్తకానికి నవ్యాంధ్రము నా జీవిత కథ అని పేరు పెట్టాడు.