నియోరా వ్యాలీ జాతీయ ఉద్యానవనం

నియోరా వ్యాలీ జాతీయ ఉద్యానవనం పశ్చిమ బెంగాల్ రాష్ట్రంలోని కాలింపాంగ్ జిల్లాలో ఉంది.

నియోరా వ్యాలీ జాతీయ ఉద్యానవనం
IUCN category II (national park)
Location	కాలింపాంగ్ జిల్లా, పశ్చిమ బెంగాల్, భారతదేశం
Nearest city	కాలింపాంగ్
Coordinates	27°04′N 88°42′E
Area	88 కి.మీ2 (34 చ. మై.)
Established	1986
Governing body	భారత ప్రభుత్వం, పశ్చిమ బెంగాల్ ప్రభుత్వం

చరిత్ర

ఈ ఉద్యానవనం 1986 లో స్థాపించబడింది. ఇది 88 కిమీ² విస్తీర్ణంలో విస్తరించి ఉంది.

జంతు, వృక్ష సంపద

ఈ ఉద్యానవనంలో ఉష్ణమండల, ఉప-ఉష్ణమండల, ఉప-సమశీతోష్ణ, సమశీతోష్ణ వృక్షసంపద వ్యవస్థను కలిగి ఉంది. ఇక్కడి అడవుల్లో రోడోడెండ్రాన్, వెదురు, ఓక్, ఫెర్న్లు, సాల్ లాంటి మిశ్రమ జాతులు మొక్కలు ఉన్నాయి.

మరిన్ని విశేషాలు

ఈ ఉద్యానవనం 183–3,200 మీ (600–10,499 అడుగులు) ఎత్తులో ఉంటుంది. ఇందులో ఎత్తైన ప్రదేశం రాచెలా దండా. ఇక్కడి లోయలో దట్టమైన అటవీ ప్రాంతం ఉంది. ఇక్కడ ఉండే కాలింపాంగ్ కొండలలో తెలియని భూభాగాన్ని అన్వేషించడానికి ప్రకృతి ప్రేమికులకు, ట్రెక్కింగ్ చేసేవారికి ఈ ప్రాంతం సాహసోపేతమైన ప్రదేశంగా మారింది. ఈ ఉద్యానవనంలో వర్జిన్ సహజ అడవులు, దట్టమైన వెదురు తోటలు, రోడోడెండ్రాన్ చెట్ల రంగురంగుల పందిరి, పచ్చని లోయ, మెరిసే నదులు, మంచుతో కప్పబడిన పర్వతాలలు కలిసి ఒక సుందరమైన ప్రకృతి దృశ్యాన్ని ఏర్పరుస్తాయి.